Isaya 23:12 - Livulu lya Shukulu Kalunga

¹² Nganda ya Sindone, kuvwaelela kwove kunahu, co vanu vove valinakuvayandesa. Nameme vatewela ku Sepulase kuvakawana kwoloka.

Isaya 23:12 Iomraidhean Croise

Kushangumuka 10:4

Co vatekulwila va Njavani mazina avo, Elishahe, na Sipeini, na Sepulasi, na Londesiya.

Kushangumuka 49:13

“Zembuloni ikeye akakala ku ngenge ya mema a kalunga. Cikuma cendi cikapwa cakututikila mato akama. Lifuti lyendi liketa na ku Sindone.

Isaya 23:7

Kuma eyi ikeyo nganda yeni yakuvwaelela ya Tile, ije ivatungile ku san̄ulu ndi? Kuma eyi ikeyo nganda yatumine tunganda kukatunga mu mafuti a musambwa ya ndonga ya mema a kalunga ndi?

Isaya 37:22

Shukulu Kalunga nendeka ngwendi, “Nganda ya Yelusalema ilinakujola yove, Senakelivi, nakukushendumuna.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Isaya 47:5

Shukulu Kalunga nendeka ku Mbambilone ngwendi, “Tumbama kuluu mu lisusulungu, nalumo lwai lalo vakakutumbula vamwene wa mafuti!

Njelemiya 14:17

Shukulu Kalunga wanjishikile ngeci njileke vanu ngwange Shukulu Kalunga nendeka ngwendi, “Mesho ange alinakuyengela misozi mutanya na vutsiki, kunjilikele kulila, omwo vanu vange vanavetwa manene, co vanavulumuka mwamuvi.

Njelemiya 2:10

Yeni mu kangombe ka yambi ku lin̄anda lya Sipulase, co tumeni munu umo mu ngangela ku lifuti lya Kendale, mukamone ngeci nacimo cai cakulifwa neci calingiwile ku san̄ulu.

Njelemiya 46:11

Vanu vaka-Ingito, yeni ku Ngilyande nakushakezeka vumbanda! Vumbanda vweni vwoshe kuvwesi na seo, nacimo cai casa kumikangwisa.

Mbimbi 1:15

“Shukulu Kalunga wayeluwisile mashwalale vange va nzili, watumine mbunga ya mashwalale kunyongesa vakwenje vange. Ikeye watsenene vanu vange ngwe cikamwino ca mikolovozi ya vushuka vwa vinyu.

Mbimbi 1:3

Vanu va mu Yunda vanapu vinzinda, vanaseze membo avo, omwo kayando kakama manene na mapakeso a muuka, valinakuyoya mu mafuti eka, kuvesi na mutambela wavo. Vitozi vavo vanavazengeleka ku mitambela yoshe, noku kuvatewela kwai.

Mbimbi 4:15

Vanu vatambekele ngwavo, “Tundeni kuli yetu! Munalijwalesa kesi mutukwate!” Ngecivene, vakele nakwendangana kutunda ku lifuti limo, nakuya ku lifuti likwavo, oloni naumo wai wavatambwile.

Ezekiyele 27:6

Vashongele vilapo vyove na viti vya oke vya ku Mbashane, vapangele vishelo vya vwato vwove na viti vya tulipi vya ku Sepulasi.

Ndanyele 11:30

Co vaLoma vakaija na mato akama nakumupopolola, co akakala na lyova. “Asinoni akeluka na vukalu vwakama, co akatumba vutumbe vwakumanesa kulemesa kwa vanu va Njambi. Ikeye akakavangeya kunangula kwa vaje vakatunda kukulemesa oku.

Kulava 24:24

Vaka-kulwa vakaija mu mato akama kutunda ku Sipulase, co vakafungulula Asilya na Evele, oloni vakevo lalo vakanyonga voshe njwa.”

Yoshwa 11:8

Shukulu Kalunga wavakundikile ku mavoko a vaIsalele, co vaIsalele vavalwisile nakuvashekela kukunto ku Miselefote Maime, na Sindone, co vetele kungangela na ku cana ca Mizipa. Ngecivene, nzita yakeleko noo vavatsiile voshe.

Kujombolola 18:22

Co majwi a tulyalya na vaka-kwimba vimbendo na malupembo, kuvakawazivi lalo muli yove! Naumo wai lalo muka-vipangi mu vipangi vyoshe-ivyoshe ivakawana lalo muli yove, co muyoyo wa limanya lyakulolela vunga kuvakauzivi lalo muli yove!