Isaya 22:4 - Livulu lya Shukulu Kalunga

⁴ Ngecivene, njisezeni ange lika njilile manene vanu vange voshe vaje vanatsi. Kesi munjizembeleke embwe.

Isaya 22:4 Iomraidhean Croise

Esita 4:1

Omo Molendekai wazivukile vyoshe vije vyalingiwile, co watavwile vuzalo vwendi wazalele cikeleya nakulishuwila lito ku mutwe, co waile mu nganda nakulila mbimbi-mutwe,

Myaso 77:2

A simbu ya n̄avava njilomba kuli Shukulu Kalunga, vutsiki njijundula mavoko ange nakulombela, oloni kunjalizembelekele.

Isaya 15:3

Co vanu vakenda mu vitapalo oku vanazala vikeleya, mushandangala yangoco na akamwa ya vinjuvo vyavo, vanu valinakulila na kusikoka.

Isaya 33:7

Mashwalale vakusimpa valinakutambeka ngeci vavakwase. Miluwa vaje vashakele kunena kwoloka ololo valinakulila manene.

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 31:15

Shukulu Kalunga alinakwendeka ngwendi, “Vanazivi lijwi mu Lama, lijwi lyakusikoka nakulila manene, Lakele alilila vana vendi, avyana kumuzembeleka, omwo vakevo vaiko.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 6:26

Shukulu Kalunga alinakwendeka kuli vanu vendi ngwendi, “Zaleni vikeleya, co livulungeni mu livu. Lileni manene ngwe munatsisa mwana umolika, omwo vwasi-vwasi vitozi vaija nakumilwisa kujeneka kumileka.

Njelemiya 8:18

Naumo wai asa kunjizembeleka ku vusiwa vwange, vulinakunjivinjisa mu mbunge.

Njelemiya 9:1

Tawee, ngwe mutwe wange wapwile lisima lya mema, co na mesho ange ngwe lisima lya misozi, ngeci njase kulila mutanya na vutsiki omwo vanu vange vaje vavanatsii.

Njelemiya 9:18

Vanu vendekele ngwavo, “Valekeni vazambule, ngeci vakwimbe mwaso wa vusiwa, noo mesho etu anashulu na misozi, ngeci vin̄apeyo vyetu vijule na misozi.”

Mbimbi 2:11

Mesho ange avenga ngengu nakulila, mwonyo wange uli mu vukalu. Njinazeye na vusiwa akunyonga kwa vanu vange. Vanike na vimbututu valinakulezumukila mu vitapalo vya mu nganda.

Ezekiyele 21:11

Mukwale vanaukalula laja ngeci vaupangese. Vanawotola nakuukalula, ngeci vawake mu livoko lya muka-kutsiya.

Ezekiyele 27:31

Vanateula mitwe yavo omwo yove, co vanazala vikeleya. Vimbunge vyavo vivavala manene omwo valinakulila.

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.

Mateo 2:18

“Vazivile lijwi ku Lama, lijwi lyakulila nakusikoka manene. Lakele alilila vana vendi, katava kumuzembeleka, omwo voshe vanatsi.”

Mateo 26:75

co Petulu wanukile lijwi lya Yesu, omo wendekele nendi ngwendi, “Simbu ndemba kanda atambeke, ukanjivyana visimbu vitatu.” Co watuukile anja walilile manene.

Luka 1:2

Vasonekele vije vatulekele vaje vamwene vyuma evi, tunde akushangumuka, vaje vambulwile lijwi.

Luka 19:41

Yesu wetele kuyehi na nganda, co omo waimwene, walilile manene