Isaya 22:12 - Livulu lya Shukulu Kalunga

¹² Shukulu Kalunga wa Akamwa ya Vyoshe Muka-nzili yoshe wamilekele ngeci mulile na kusikoka, nakuteula mitwe yeni nakuzala vikeleya.

Isaya 22:12 Iomraidhean Croise

2 Mizimbu 35:25

Co Njelemiya muka-kwimanena wasonekele mbimbi yakulila ali Mwene Yosiya. Eci capwile cilika mu Isalele kuli vaka-kwimba, vanalume na vanakazi, vembile ou mwaso wa mbimbi omo vamulilile. Co mwaso ou wa mbimbi vausoneka muLivulu lya Mbimbi.

Ezela 9:3

Omo njazivile vyuma evi, co njatavozwele vuzalo vwange mukuviilila, njatetele vin̄ambu vya ku mutwe wange na munjezi wange, njazivile vusiwa, co njatumbamene asi.

Nehemiya 9:9

“Yove wamwene vakukulwila vetu muvayandele mu Ingito, wazivile mutambi wavo wakuvakwasa ku Mema a Kalunga Akuvenga.

Yombi 1:20

Yombi wakatukile watavwile vuzalo vwendi mukuviilila. Co watewile ku mutwe wendi, walyumbilile asi nakulemesa Shukulu Kalunga.

Muka-kwambulula 3:11

Njambi naaka simbu yaivwa ya vyuma vyoshe. Co lalo nalingisa vanu kuyongola vyuma vya kulutwe, oloni nameme ngoco, munu kasa kuzivuka vije vyanapanga Njambi kutunda akulivanga kweta na ku mamaneselelo.

Muka-kwambulula 3:4

Kuli simbu ya vusiwa, na simbu yakujolela, kuli simbu yakulila, na simbu yakukina,

Isaya 15:2

Vanu va ku Ndimboni vanalamata a lilundu kukalilila ku tuzangu twavo. Vanu va ku Mowavi valilila vinganda vya Nembo na Mendeva, vanateula mitwe yavo na minjezi yavo mukumwesa kuviilila kwavo.

Isaya 26:10

Nameme umwesa ngozi kuli vaka-vuvi, kuvesi kulilongesa kulinga vushunga. Nameme mu lifuti muli vaka-vushunga, oloni vaka-vuvi anga vatwalelelao kulinga vuvi, kuvesi kumona vukama vwove.

Isaya 29:1

Mutula wa Njambi, ukewo Yelusalema vene, unanyongo! Nganda muje mwashimbikile Ndaviti cilombo inanyongo! Nganda eyi ilisambe na viwano vyamwo mwaka na mwaka,

Isaya 3:24

Mu mwela wa mazi akunika lwengo lwaluvwa, mukakala mazi akunika mwamuvi. Mu mwela wa miva yaivwa, vakazalelamo mikole yakuvola. Mitwe yavo kuyikakala na vin̄ambu vyavivwa, ikakala na mandya. Kuvakakala na vuzalo vwavuvwa, vakazala vuzalo vwakutavozoka. Vuvwa vwavo vukemuka shwamwa!

Isaya 32:11

Munakele nakuyoya mwamuvwa kujeneka kulishoshomwena, oloni ololo, jajeni na lyova! Shululeni vuzalo vweni, co zaleni vikeleya.

Isaya 37:1

Omo Mwene Hezekiya wazivile muzimbu wavo, watavozwele vuzalo vwendi mukuviilila, co wazalele cikeleya, waile ku Njuvo ya Shukulu Kalunga.

Isaya 37:2

Watumine Elyakime, mwata wa ku lipela, na Shevana, muka-kusoneka wa mu mbanja, na vaka-kukombelela va vakulunu kuli Isaya muka-kwimanena muna Amoze. Navo lalo vazalele vikeleya.

Isaya 58:3

Vanu vehula ngwavo, “Omwo vikajo tunapande kulikela kulya nga Shukulu Kalunga kacizivukile? Omwo vikajo tunapande kujeneka kukala na vyakulya nga ikeye kombuko mbunge?” Shukulu Kalunga alinakwendeka kuli vakevo ngwendi, “Vushunga vukevwo ovu, a simbu ije mulikela kulya, mulinakuungumuka na mashungu eni vavenya nakuyandesa vaka-kumipangela.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 16:8

“Kesi ukovele mu njuvo muje muli ciwano. Kesi utumbame navo mukulya nakunwa.

Njelemiya 4:8

Ngecivene, zaleni vikeleya, co lileni nakumbolozoka omwo vukalu vwakukomokesa vwa Shukulu Kalunga, vuli ali Yunda.

Njelemiya 7:29

“Yeni vanu va mu Yelusalema, lileni, teuleni vin̄ambu vyeni muvyumbile kuti. Imbeni myaso ya vusiwa akamwa ya malundu, omwo yange Kalunga njinaluvala, co njinamivyana.

Ezekiyele 27:31

Vanateula mitwe yavo omwo yove, co vanazala vikeleya. Vimbunge vyavo vivavala manene omwo valinakulila.

Ndanyele 5:1

A vutsiki vumo Mbeleshazale walanyele vamyata vendi vakupwa 1,000 ngeci vaye ku ciwano cakama cakulya nakunwa vinyu.

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:8

Lileni, yeni vanu, ngwe mumbanda alila kutsa kwa munalume uje nashakele kumwambata.

Njwele 2:12

Shukulu Kalunga alinakwendeka ngwendi, “Nameme ololo, tengulukeni na vimbunge vyeni vyoshe ngeci mwiluke kuli yange nakulikela kulya nakulila nakulinyenga.

Njwele 2:17

Vaka-kukombelela, vaje vakapangela Shukulu Kalunga akati ka mutula na ku cikolo ca Njuvo ya Shukulu Kalunga, vanapande kulila nakulombela ngwavo, “Shukulu Kalunga, zivilako ngozi vanu vove. Kesi utave miyati ya vanu veka vatuyeluwise nakutushendumuna nakwendeka ngwavo, ‘Njambi yeni ali kulijo?’ ”

Amose 8:10

Njikatengulula viwano vyeni kuvipwisa vusiwa, na myaso yeni yakujolela kuyipwisa mitambi yakulila. Mukateula mitwe yeni, co mukazala vikeleya. Mukapwa ngwe visemi vaje valila munavo umolika wa munalume. Litangwa lije likapwa lyalikalu akukotoka kwalyo.

Yona 3:6

Omo mwene wa Nenevayi wazivile muzimbu ou, wakatukile a litanda lyendi, washulwile vuzalo vwendi vwa vumwene, wazalele cikeleya, co watumbamene mu lito.

Mika 1:16

Vanu va ku Yunda, teuleni vin̄ambu vyeni a simbu ya vusiwa a vanike vamwazema. Liteuleni mandya ngwe makuvi, omwo vana veni vakavatundisa kuli yeni nakuvatwala mu vunzinda.

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!