Isaya 21:8 - Livulu lya Shukulu Kalunga

⁸ Muka-kunyunga wendekele ngwendi, “Mwane, njinemana simbu yoshe nakunyunga mutanya na vutsiki.”

Isaya 21:8 Iomraidhean Croise

2 Mizimbu 20:24

Omo mashwalale va vaYunda vezile ku kaposhi mu mambo, vakengele kulutwe kuje kwakele vitozi vavo, co vamwene ngeci voshe vanalala ngumbanga asi vanatsi. Naumo wai wasaleleo na mwonyo.

Myaso 127:1

Nga Shukulu Kalunga kakwasa mukutunga njuvo, vipangi vya muka-kutunga vinapu vyangoco, nga Shukulu Kalunga kakwasa mukunyunga nganda, vaka-kunyunga vemana nakunyunga ngoco.

Myaso 63:6

Omo njilala a vulili vwange njikakuyongola, vutsiki vwoshe njikanuka lika yove,

Isaya 5:29

Mashwalale vavo vakaana ngwe vindumba vaje vanatsii kasitu, co vamukokela kulyala kuje naumo wai avatambulaye.

Isaya 56:10

Ikeye alinakwendeka ngwendi, “Vantwama voshe, vaje vapandele kunangula vanu vange, vanapu tupuputwa! Nacimo cai vazivuka. Vanapu ngwe tutali vaje vakanyungu vyuma oloni kuvesi kuvwoza, vakakala lika, vazema lika kulala nakulota!

Isaya 62:6

Yelusalema njinaka vaka-kunyunga a vivumbe vyove. Vipangi vyavo vinapu kwendeka mutanya na vutsiki, vanapande kwanukisa Shukulu Kalunga vikulaeso vyendi kwakwonwa kuvivala.

Njelemiya 25:38

Shukulu Kalunga naseza vanu vendi, ngwe ndumba akatuka mu livandelo lyendi. Vukalu vwa nzita, nakuluvala kwakama kwa Shukulu Kalunga vinatengulula lifuti kupwa mambo.

Njelemiya 4:7

Ngwe ndumba atunda ku mwela wanavutama, muka-kunyongesa miyati ya vanu nakatuka laja. Alinakwija mukunyongesa Yunda. Vinganda vya Yunda vikasala vyamupulungwa, co naumo wai akakalamo.

Njelemiya 49:19

Njikaija kuli va Endome ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga, nakuvashekela kulyala kutunda mu lifuti lyavo. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

Njelemiya 50:44

“ Yange Kalunga njikashekela vaMbambilone kulyala kutunda mu nganda yavo, ngwe ndumba atunda mu shwata yakuzika, ku ngenge ya Ndonga ya Yondau nakuya ku mwila wauvwa wakutonola mukulwisa vimanga. Co uje ntwama injinaangula akashwana muyati wa vanu. Iyajo nalifu nange? Iyajo asa kulwa nange? Muka-kushwana iyajo asa kunjiyeluwisa?

1 Petulu 5:8

Kesi mupende, pweni vaka-kukengelela! Citozi ceni Liyavola alinakwendangana nakwaana ngwe ndumba, ashakezeka umo ngeci amusanyozole.