Isaya 21:2 - Livulu lya Shukulu Kalunga

² Vanjimwesele cimona cakutewesa, cimona ca vungungu na kunyongesa. Mbunga ya mashwalale va Elame, na mbunga ya mashwalale va Mendiya, vazengelekeni nakulwisa vaMbambilone. Njambi akamanesa tuyando tuje tuvalingile vaMbambilone.

Isaya 21:2 Iomraidhean Croise

Kushangumuka 10:22

Vana va Shemi va vanalume mazina avo, Elame, na Ashule, na Alepakeshande, na Lunde, na Alama. Vakevo vapwile vakukulwila va vanu vaje valilukile mazina avo.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

Myaso 119:158

Omo njikenga ali vaka-vungungu, njiziva kuviya manene mu mbunge, omwo kuvesi kunyunga mashiko ove.

Myaso 12:5

Shukulu Kalunga alinakwendeka ngwendi, “Oloni ololo njilinakwija, omwo tuutu valinakuvayandesa, na vaka-kuyanda valinakulinyenga omwo tuyando. Njikavanyunga ku tuyando twavo.”

Myaso 25:3

Mwa vushunga naumo wai akulaela kuli yove akaziva shwamwa, shwamwa ikola vaka-vungungu omwo kashwilo kai.

Myaso 60:3

Unayandesesa manene vanu vove, unatunwisa vwala vwakutupelyangesa.

Myaso 79:11

Tolilila kukukemanga kwa vinzinda, kwete ku mesho ove, na vukama vwa nzili yove, amena vaje vavanatumbwila kutsa.

Visimo 13:15

Mana awanesa kasingimiko, oloni vaje vaka-kujeneka kukulaela vali mu ngila yakuya kukunyonga.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 14:4

Mukashendumuna mwene wa Mbambilone ngweni, “Mwene wa vukalu nau! Kakayandesa lalo munu!

Isaya 14:7

Akukotoka kaye koshe kakakala mu kwoloka, co munu woshe akaimba nakujolela.

Isaya 22:6

Mashwalale va ku lifuti lya Elame vezile oku vanalondo a tuvalu, vambatele mata a lusipa na mikili. Co mashwalale va ku lifuti lya Kile valivwaeselele cimweja vintelo vyavo.

Isaya 24:16

Tukaziva myaso yakutunda ku mitambela yakulyala ya ano asi yakushangazala Isalele, muyati wa vushunga. Oloni kunjesimo na cinyangavili! Njinanyongo! Vaka-makuli valinakulinga vungungu, co makuli avo anaama manene.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Isaya 35:10

Vaketa mu Yelusalema nakujolela, vakaimba nakutambeka nakujolela. Vakavwaelela myaka yoshe, vusiwa nakuviilila kuvikakalako myaka yoshe.

Isaya 47:6

Njaluvalele na vanu vange, njavapangesele ngwe kesi vanu vange. Njavaakele mu mavoko ove, oloni yove kuwavamwesele mema ku mbunge, nameme tukulukazi vene wavapangesele na muuka.

Njelemiya 25:25

na vimyene voshe va mu Zimeli, na Elame, na Mendiya,

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 31:25

Njikahwimisa vaje vanajuka, co njikana vyakulya ku munu na munu uje nazeye na njala.

Njelemiya 45:3

ulinakwendeka ngwove, ‘Ngongo yange! Shukulu Kalunga nawezelelako vusiwa ku tuyando twange, njinazeye nakukemanga, co kunjasa kuwana kuhwima embwe!’

Njelemiya 49:34

Omo Zendekiya wapwile mwene wa mu Yunda, co Shukulu Kalunga Muka-nzili yoshe, wendekele kuli yange a lifuti lya Elame.

Njelemiya 49:35

Wendekele ngwendi, “Njikatsiya vaka-mata a lusipa voshe vaje vanaana Elame nzili.

Njelemiya 50:14

“Yeni voshe vanalume vaka-kwasha mata a lusipa, likwalalekeni mu mundando muzengeleke Mbambilone nakuyilwisa. Asheni mikili yeni a Mbambilone omwo vanu vamwo vanavulumuna ku mesho ange yange Kalunga.

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Njelemiya 51:11

Shukulu Kalunga nashiki vimyene va Mendiya kukalwisa Mbambilone, omwo nayongola kuyinyongesa. Omu mukemwo mwakalinga shambandinga vaMbambilone omwo vasiwile Njuvo ya Shukulu Kalunga. Vamyata va nzita valinakushika ngwavo, “Otoleni mikili yeni! Vwaeseleni cimweja vintelo vyeni!

Njelemiya 51:44

Njikanyanyamesa Mbele, njambi wa Mbambilone, nakumulingisa ngeci ecele vufuko vuje wevile, co miyati ya vanu nalumo lwai lalo vakamulemesa. “Vivumbe vya Mbambilone vinau.

Njelemiya 51:53

Nameme nga Mbambilone yasa kulonda mwilu, nakutungamo vimpaka vyakukola, anga njasa kutumamo vanu nakukayinyongesa. Yange Kalunga, njinendekamo.”

Mbimbi 1:22

“Vahise akuvulumuna kwavo kwoshe, vanyanyamese, ngwe muwanjinyanyamesele yange omwo vuvi vwange. Njilinakukemanga mu tuyando, co cinyangavili cange coshe cinahu.”

Ndanyele 5:28

kulyangunuka, vumwene vwove vanavwangununa ngeci vavwane kuli vaMende na kuli vaPelesha.”

Ndanyele 5:9

Cuma eci cakolesele manene lyova Mwene Mbeleshazale, co cihanga cendi cafufutukile manene, vaje vanu vendi va vulemu kuvasele kuwana ngila yakumukwasela.

Ndanyele 8:2

Mu cimona eci njamwene njili mu nganda ya cimpaka mu Susa, nganda ije yakele mu lifuti lya Elame. Njemanene ku ngenge ya Ndonga ya Ulai,

Ndanyele 8:20

“Lijamba lya manga uje iwamwene ali na vimbinga vivali nemanena vumwene vwa Mende na Pelesha.

Kujombolola 13:10

Woshe uje vatwala ku vunzinda, mwa vushunga vene akaya ku vunzinda, woshe uje vakatsiya na moko ya mukwale, mwa vushunga vene akatsa na moko ya mukwale. Aa akeo vene anapande lukakateya nakukulaela kuli vanu va Njambi.”

1 Samwele 24:13

Uzivuka visimutwiya vya va san̄ulu ngwavo, ‘Vuvi vakavulingi lika vanu vaje vaka-vuvi.’ Ngecivene, yange kunjikakuvulumuna embwe.