Isaya 20:4 - Livulu lya Shukulu Kalunga

⁴ Munu woshe mu vinganda evi vitatu akenda mushelengwa, co kakazala vin̄aku omo mwene wa Asilya akavatwala mu vunzinda. Vakwenje na vakulunu vakenda mushelengwa, co kuvakazala vin̄aku ku mendi avo, shwamwa yavo ikasholoka, mukuzivisa shwamwa Ingito.

Isaya 20:4 Iomraidhean Croise

2 Samwele 10:4

Ngecivene, Hanune wakwatele vaje miluwa va Ndaviti, wavatewile minjezi yavo mutambela umolika, co watetangele vuzalo vwavo kuvupwisa a vinyonga, co wavashekele.

1 Mizimbu 19:4

Ngecivene, Hanune wakwatele vaje miluwa va Ndaviti, wavatewile minjezi yavo, co watavozwele vuzalo vwavo kuvupwisa a vinyonga, co wavashekele.

Isaya 19:4

Njikana vaka-Ingito ku mavoko a mwene wa vukalu na muuka, Yange Kalunga Muka-nzili yoshe, njinendekamo.”

Isaya 3:17

Oloni njikavahisa, njikakongovola mitwe yavo nakuyipwisa ya mandya!”

Isaya 31:2

Shukulu Kalunga azivuka vije vyalinakulinga! Atuma tuyando. Ikeye akahisa vaka-vuvi na vaka-kuvanyunga.

Isaya 31:3

Vaka-Ingito kesi vinjambi embwe, vanapu lika vanu. Co tuvalu twavo vapwa situ lika kesi minzinzime. Omo Shukulu Kalunga amwesa vukalu vwendi, co anyongesa vaka-Ingito na voshe vaje vajendamenene ali vakevo. Co voshe vakanyonga.

Isaya 47:2

Tengulula n̄unju utwemo tiliku! Shulula nanga yove yakulivuva! Kambula cifunga cove! Jundula vuzalo vwove ku mendi, omo ujavuka vana va vindonga!

Isaya 47:3

Vanu vakamona mushelengwa wove, vakamona kulilumbilisa kwove na shwamwa. Co yange njikalinga shambandinga, naumo wai asa kunjivindika.”

Njelemiya 13:22

Nga mukehula ngweni omwo vikajo vyoshe evi vinalingiwa kuli yeni, omwo vikajo vuzalo vweni vwatavozokela nakumilinga vuvi mu ngila kesi ikeyo? Vamilingile vyuma vyoshe evi omwo vuvi vweni vwakukomokesa manene.

Njelemiya 13:26

Shukulu Kalunga ikeye vavenya akamishulula vuzalo vweni ngeci mukazive shwamwa.

Njelemiya 46:19

Yeni vanu vaka-Ingito, livwaeseleni cimweja kupwa vinzinda! Mefise ikapwa mambo, ngundu muje munajeneka munu wakukalamo.

Njelemiya 46:26

nakuvakundika ku mavoko a vaje vashaka kuvatsiya, kuli Mwene Nevukaneza wa Mbambilone na ku mbunga ya mashwalale vendi. Oloni kulutwe, vanu vakakala lalo mu Ingito, ngwe muje muvakelemo laja ku visimbu vya kunima. Yange Kalunga, njinendekamo.”

Ezekiyele 30:18

Co lisusulungu likawila a Tafanehese omo njikamanesa nzili ya Ingito, nakumanesa nzili yayo ije vakele na kulyalesa nayo. Lishelwa likafwika Ingito, co vanu voshe va mu vinganda vyayo vakavatwala ku vunzinda.

Amose 9:7

Shukulu Kalunga alinakwendeka ngwendi, “Yeni vanu va mu Isalele, njikamisinganyeka ngeci munjikasinganyeka vanu va ku Sundane. Njatundisile vaFilisitiya ku Kelete, na vaSilya njavatundisile ku Kile, ngwe munjamitundisile ku Ingito.

Mika 1:11

Yeni vanu va Shafi, yeni mu vunzinda mutotototo na shwamwa. Vaje vakala mu Zanane kesi vatunde mu nganda yavo. Omo muziva vanu va Mbetezele valila, mukazivuka ngeci kukwesi muka-kwija kuje wai.

Nahumi 3:10

Oloni vanu va ku Tevese vavatwalele mu vunzinda. Vana vavo vavapupile nakuvatsiila a masambwa-ngila. Vanalume vavo va kasingimiko vavakutile malyenge nakuvatwala nakulipangezelavo akati ka vaje vavakwatele.

Zefaniya 2:12

Co Shukulu Kalunga lalo akatsiya vaka-Sundane.

Kujombolola 3:18

Ngecivene, njikunangula ngeci ulande ngolinde kuli yange, ngolinde yakujela, ngeci ufuke. Co lalo landa vuzalo vwakutoka uzale ngeci ufwike mutotototo wove wa shwamwa. Co lalo landa cemba cakwaka mu mesho ove, ngeci wase kumona.