Isaya 2:8 - Livulu lya Shukulu Kalunga

⁸ Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Isaya 2:8 Iomraidhean Croise

1 Vimyene 16:7

Lijwi lya Shukulu Kalunga ali Mbasha na naanga yendi lyezile ali Yehu muka-kwimanena omwo a vuvi vwalingile ku mesho a Shukulu Kalunga. Mbasha washangumwine vukalu vwa Shukulu Kalunga kesi lika omwo a vuvi vuje vwalingile, ngwe vwalingile Mwene Yelovowame akulivanga embwe, oloni omwo watsiile lalo naanga ya Yelovowame yoshe.

2 Vimyene 17:10

Co a malundu oshe, na mwisi ya minzinze yoshe ya miti, vashimbikilemo vimanda vya mamanya na vifwa vya Ashela njambi wa munakazi,

2 Vimyene 17:16

Vapokwele mashiko oshe a Shukulu Kalunga Njambi yavo, vafulile vana va vingombe va nkomba vavali va vutale nakuvalemesa, co lalo vafulile cifwa ca Ashela njambi wa munakazi, co valemesele vingongonosi, co valemesele Mbale kupwa njambi yavo.

2 Mizimbu 27:2

Ikeye walingile vije vyavwaelelesele Shukulu Kalunga, ngwe mwalingile ishe Uziya, oloni kalingile vuvi vwakwenyekela insense mu Njuvo ya Shukulu Kalunga. Oloni nameme ngoco, vanu anga vakele nakulinga vuvi.

Isaya 17:8

Vanatungu mitula na mitambela yakwenyekela insense kuli Ashela njambi wa munakazi, vanashimbika vimanda vyakujela vya Ashela. Oloni vakalikela kulemesa ku mitambela eyi.

Isaya 26:13

Shukulu Kalunga Njambi yetu, vanakala nakutushwana kuli vanu veka, oloni yetu twononoka lika yove Shukulu Kalunga.

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 40:19

Ikeye kafwile ngwe kamponya kakushonga kuli vanu, kaje kavanafwiki na ngolinde vaka-kushonga, nakukatumbika a citumbikilo ca siliva.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 57:5

Mulinakulemesa vinjambi va tumponya nakulingila vupangala mwisi ya miti yeni yakujela. Mulinakukombelela vana veni mu manzenzengoma a mamanya kuyehi na muna ndonga.

Njelemiya 1:16

Co njikahisa vanu vange omwo vanalingi vuvi akunjiseza, vanakombelela vin̄ombelo ku vinjambi veka, co vanashongo tumponya nakutulemesa.

Njelemiya 11:13

Vanu va mu Yunda muli na vinjambi vavangi manene kutuvakana vinganda vyeni, muli na mitula yaingi mu Yelusalema yakukombelela kuli Mbale njambi wa vunyengwe kutuvakana vitapalo vya mu Yelusalema.

Njelemiya 2:28

“Vali kulijo vinjambi vaje mwalishongelele? Vanapande kumyamena, omo muli mu tuyando! Yunda, yove uli na vinjambi vavangi ngwe muuli na vinganda vyavingi.

Hoziya 12:11

Oloni tumponya valinakutulemesa mu Ngilyande, co vaje vatulemesa vakatsa. Co vingombe va nkomba vavakombelela kupwa vin̄ombelo ku Ngilingale, mitula ikapwa ngwe mitumbo ya mamanya akuvujuka.”

Hoziya 13:2

Oloni vacili nakutwalao kulinga vuvi, akulinga vifwa vya vutale nakuvilemesa, tumponya otu twa siliva vanatulingi na mana a vanu, na mavoko a vanu. Asinoni vendeka ngwavo, “Tukombeleleni n̄ombelo kuli vakevo!” Vatijo vanu vasa kukandelela kamponya, kamponya uje wa cifwa ca ngombe!

Hoziya 14:3

Vaka-Asilya kuvasa kutwamena, nameme tuvalu twa nzita kuvasa kutwamenena. Kutukendeka lalo ku tumponya twetu ngwetu, ‘Yeni munapu Njambi yetu’ embwe. Yove Shukulu Kalunga, ukazivila mema ku mbunge vaje kuvesi noku kweka vasa kuya.”

Hoziya 8:6

Uje kamponya wamupangele mutongwe wa mu Isalele, co uje kamponya kesi njambi embwe! Uje ngombe wa nkomba wa ngolinde valemesa vanu va mu Samaliya vakamupujula vimbazuvwila-mbazuvwila!

Mika 5:12

Njikanyongesa vyemba vyeni, co kumukakala lalo na vimbanda.

Vilinga vya Miluwa 17:16

Omo Paulu wakele nakuvandamena Silasi na Timateo mu Atena, wakele na citanga cakama manene omo wamwene muje mu nganda munashulu tumponya.

Kwituluka mu Mashiko 4:28

Kuje mukapangela vinjambi vakushonga na mavoko a vanu, vinjambi va viti, na va mamanya, vinjambi vaje kuvesi kuziva nambe kumona, nambe kulya, nambe kuziva kunika.

Kujombolola 9:20

Vaje vanu vasaleleo, voshe vaje kuvatsile na tuyando otu, kuvatengulukile kutunda ku vije vivalingile vakevo vavenya. Kuvalikelele kulemesa minzinzime yakujwala nambe tumponya twa ngolinde, siliva, vunengu, mamanya na viti, vije kuvyasa kumona nambe kuziva nambe kwenda.