Isaya 2:6 - Livulu lya Shukulu Kalunga

⁶ Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi.

Isaya 2:6 Iomraidhean Croise

2 Vimyene 1:2

Mwene Ahaziya wa mu Isalele wawililile asi kutunda mu njanena ya njuvo yendi ya akamwa ya lipela mu Samaliya, co wavulumukile manene. Ngecivene, watumine miluwa vakehule Mbalezevuve, njambi wa Ekelone nganda ya Filisitiya, ngeci azivuke nga enduka nambe kenduka kukuvulumuka kwendi.

2 Vimyene 17:20

Shukulu Kalunga wavyanene vaIsalele voshe, wavahisile, co wavakundikile kuli vitozi vakukaluwa noo akukotoka voshe vatundile ku mesho endi.

1 Mizimbu 10:13

Saulu watsile omwo kakulaelele kuli Shukulu Kalunga. Ikeye kononokele kushika kwa Shukulu Kalunga, ikeye wesekele kuwana kunangula akwihula ku minzinzime ya vaka-kutsa,

2 Mizimbu 15:2

co waile nakuliwana na Mwene Asa. Co watambekele ngwendi, “Njitolilile, yove Mwene Asa, neni vanu voshe va Yunda na Mbenjemani njitolilileni! Shukulu Kalunga ali amo neni, omo yeni muli amo nendi, nga mumushakezeka, mukamuwana, oloni nga mutunda kuli ikeye, co akamiseza.

2 Mizimbu 24:20

Co Munzinzime wa Njambi wakovelele muli Zekaliya muna Yehoyanda muka-kukombelela. Wemanene akamwa ku mesho a vanu voshe nakuvaleka ngwendi, “Shukulu Kalunga Njambi nehula ngwendi omwo vika kumwononokela mashiko endi, co munalikokela n̄avava yeni vavenya? Yeni munamuseza, ngeci nendi lalo namiseza!”

Nehemiya 13:23

Co a simbu ije lalo, njawanene ngeci vanalume va vaYunda vavangi vambatele vanakazi va ku Ashendonde, na ku Amoni, na ku Mowavi.

Myaso 106:35

oloni valyambatelele na ije miyati, co vatembunwine vilinga vya vaka-kujeneka kukulaela.

Kutuuka 22:18

“Kesi mutave munakazi muka-manseno ngeci ayoye embwe.

Kutuuka 34:16

Co omo vana veni va vanalume vakambata vana vavo va vanakazi, co vakavatangula kukulaela kwavo, co vakalemesa vinjambi vavo.

Visimo 6:1

Munange, kuma wakulaesele kulyamena na likongo lya mukweni ndi?

Isaya 14:29

Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 8:19

Oloni vanu vakamileka kwihula majwi kuli vaka-kulukiya na kuli vaka-kwendeka na vakulu, na vaka-kuningita. Vakendeka ngwavo, “Vanu vanapandele kwihula majwi akutunda ku minzinzime nakwihula vatsi kwimanenako vaka-kuyoya.”

Njelemiya 10:2

Shukulu Kalunga alinakwendeka ngwendi, “Kesi mukavangeye vingila vya miyati ya vanu veka, co kesi mujujuke a vizivukiso mumona mwilu, nameme miyati yeka vajaja.

Njelemiya 12:7

Shukulu Kalunga alinakwendeka ngwendi, “Njinaseze vaIsalele, njinavyana muyati wange wakwangula. Njinaana vanu vaje vanjazema mu mavoko a vitozi vavo.

Mbimbi 5:20

Omwo vikajo unatusezela ngacije simbu yakama? Kuma kuukatwanuka lalo ndi?

VaLevi 19:31

“Kesi mukaye kuli vanu vaje valinakwendeka na minzinzime ya vatsi. Nga mulingamo, co mukalijwalesa yeni vavenya. Yange njapwa Kalunga Njambi yeni.

VaLevi 20:6

“Nga munu umo aya mukwihula kuli vanu vaje vakendeka na minzinzime ya vatsi, njikamukengesa nima, co kunjikamulava lalo kupwa munu wange.

Mika 5:11

Njikanyongesa vinganda vya mu lifuti lyeni nakusiwula vimpaka vyeni vyoshe.

Mika 5:12

Njikanyongesa vyemba vyeni, co kumukakala lalo na vimbanda.

Zefaniya 1:8

Shukulu Kalunga alinakwendeka ngwendi, “A litangwa lije omo njikalingisa vitozi kutsiya vanu vange, njikanyanyamesa, vamyata, na naanga ya mwene, na vaje voshe valinakulemesa vinjambi veka.

Kulava 23:7

Co Mbalame wendekele vuka-kwimanena vwendi ngwendi, Mbalake mwene wa vaMowavi ikeye nanjinena kuno, kutunda ku Silya, ku minkinda ya mu ngangela, ikeye wendekele ngwendi, “Ija wakunjisingileko Yakomba, nakunjikun̄wilako vanu va Isalele.

Loma 11:20

Eci cinapu ca vushunga. Vavajokweleko omwo kuvakulaelele, oloni yeni munatumbama mu mwela weni omwo munakulaela. Oloni kesi mulyalese a viyongola evi, munapande kuziva lyova.

1 Samwele 6:2

co vanu vasanene vaka-kukombelela na vaka-manseno, vavehwile ngwavo, “Vatijo tulinga na Cikasa ca Cikumiiyo ca Shukulu Kalunga? Nga tuciilwisa kuje kucakele, co tukaciilwisa mu ngila ikajo?”