Isaya 2:12 - Livulu lya Shukulu Kalunga

¹² A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 2:12 Iomraidhean Croise

2 Samwele 22:28

Yove ukamena vaje vaka-kulikeesa, oloni ukakeesa vaje vaka-kulyalesa.

Yombi 24:1

“Omwo vikajo Njambi Muka-nzili yoshe kemikile simbu yakusompesa, kupwa litangwa lya vushunga kuli vaje vamupangela?

Myaso 131:1

Shukulu Kalunga, yange njinecela kulyalesa kwange, co njinecela kulyaka ku vukama, yange kunjesi kukundama ku vin̄anda vyakama, nambe kukundama ku vyuma vyakukomokesa.

Myaso 18:28

Yove Shukulu Kalunga wapwa ceke, tundisa lisusulungu lyange.

Myaso 37:13

Oloni Shukulu Kalunga akajolo vaka-vuvi, omwo nazivuka ngeci kasimbu kakandondo lika vakanyonga.

Myaso 94:2

Yove lyaako wa vanu voshe, vahise ngwe ku vilinga vyavo!

Visimo 16:5

Shukulu Kalunga wazinda munu woshe uje muka-kulyalesa, mwa vushunga vene akavahisa.

Isaya 10:12

Oloni Shukulu Kalunga endeka ngwendi, “Omo njimanesa kupanga vipangi vyange vyoshe a Munkinda wa Siyone na mu Yelusalema, co njikahisa mwene wa Asilya omwo akulishasha na a kulyalesa kwendi kwoshe.”

Isaya 10:33

Shukulu Kalunga Muka-nzili yoshe akavawisila asi ngwe minango yakushaja ku muti. Co vaka-kulyalesa na vaka-kulijundula vakevo vavenya vakavashinjila asi nakuvazivisa shwamwa.

Isaya 13:11

Shukulu Kalunga endeka ngwendi, “Njikahisa kaye omwo vuvi vwako, nakuhisa lalo vaka-vuvi omwo vuvi vwavo. Njikanyongesa kulyalesa kwa vaka-muuka.

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 13:9

Kenga, litangwa lya Shukulu Kalunga lilinakwija, litangwa lya vukalu vwendi vwakama nakuluvala kwendi. Mukuluvala kwendi Shukulu Kalunga akapwisa lifuti mupulungwa, nakunyongesa vaka-vuvi vamwo.

Isaya 14:15

Oloni ololo, vanakushulwisila asi ku mutambela wa kulova manene wa vukalo vwa vatsi.

Isaya 23:9

Shukulu Kalunga Muka-nzili yoshe ikeye watumbile vutumbe mukumanesa nakushaula kulyalesa kwa vanu voshe vaje vavasingimikile ano asi.

Isaya 24:21

Simbu ilinakwija omo Shukulu Kalunga akahisa vaka-nzili ya a mukambwila na vaka-kushwana va ano asi.

Isaya 24:4

Kaye kauma nakujujwama, nakuzeya, kaye na lilu vikanyongolokota.

Isaya 40:23

Njambi akakeesa vaka-kushwana vakama, nakuvapwisa vangoco.

Isaya 42:15

Njikanyongesa malundu na minkinda nakumisa mwila cau na miti. Vindonga njikavipwisa mambo, co njikomisa cau mashali a mema.

Isaya 5:15

Munu woshe akaziva shwamwa, co vaka-kulyalesa voshe vakavakeesa.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Njelemiya 12:9

Vanu vange vakwangula vanafu ngwe kazila, uje valinakulwisa ku tumbembe ku mitambela yoshe noku-noku. Saneni tusitu vaije ku ciwano!

Njelemiya 13:9

“Omu mukemwo munjikamanesela kulyalesa kwa vanu va mu Yunda na kulyalesa manene kwa vanu va mu Yelusalema.

Njelemiya 30:7

Litangwa lyalikalu lilinakwija, kukwesi lalo litangwa lyeka lyakulifwa nalyo, ikapwa simbu yaikalu kuli vanu vange, oloni vakovoka.”

Njelemiya 46:10

Eli likelyo litangwa lya Shukulu Kalunga wa Akamwa ya Vyoshe Muka-nzili yoshe, litangwa lya lelo akalinga shambandinga, litangwa lya lelo akanyanyamesa vitozi vendi. Mukwale wendi ukavatapa, nakunwa maninga ngwe munu. Litangwa lya lelo Shukulu Kalunga Muka-nzili yoshe akombelela n̄ombelo ya shambandinga ku kunto, ku Ndonga ya Yufuleti.

Njelemiya 50:31

“Mbambilone, u muka-kulyalesa, ngecivene, yange, Kalunga wa Akamwa ya Vyoshe, Muka-nzili yoshe, njilinakukulwisa! Simbu yange inete yakukunyanyamesa.

Ezekiyele 13:5

Kuvesi nakunyunga ku mitambela kuje kunaviya vivumbe, nambe kutungulula vivumbe, ngecivene, Isalele kasa kulyamena omo nzita ikaija a litangwa lya Shukulu Kalunga.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Amose 5:18

Luvinda lweni yeni mwavandamena litangwa lya Shukulu Kalunga! Vuvwa mukajo vukalingiwa ali yeni a litangwa lije? Kuli yeni likapwa litangwa lya lisusulungu, kesi litangwa lya ceke embwe.

Mika 2:3

Ngecivene, Shukulu Kalunga alinakwendeka ngwendi, “Njilinakuyongola kunena tuyando twakama ali yeni, co kumukasa kuvanda embwe. Mukakala mu vukalu, co kumukende na kulyalesa lalo.

Mika 5:11

Njikanyongesa vinganda vya mu lifuti lyeni nakusiwula vimpaka vyeni vyoshe.

Zefaniya 1:16

litangwa lya muyoyo wa malupembo a nzita na mutambi wa mashwalale vaje valwisa vimpaka vya vinganda na tuposhi twatulaja.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Malakiya 4:1

Shukulu Kalunga Muka-nzili yoshe alinakwendeka ngwendi, “Litangwa lilinakwija omo voshe vaka-kulyalesa na vaka-vuvi vakavenyeka ngwe vishati. A litangwa lije voshe vakenya njwa, co nacimo cai cuma cavo cikasalao.

Malakiya 4:5

“Kengeni, njikamitumina Elinja muka-kwimanena simbu kanda litangwa lyakama lya Shukulu Kalunga lya vukalu lyete.

Mateo 23:12

Woshe alyamesa ikeye vavenya, vakamupwisa wamundondo, co woshe alikeesa ikeye vavenya vakamwamesa.

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”

1 Kolinte 5:5

kundikeni ou munalume kuli Satana ngeci muvila wendi ukanyonge, oloni munzinzime wendi ukovoke a Litangwa lya Mwene Yesu.

1 Tesalonika 5:2

Omwo yeni vavenya mwazivuka ngweni Litangwa lya Mwene likaija ngwe mwizi omo akaija a simbu ya vutsiki.

Yakomba 4:6

Oloni kutetela kwa Njambi kwanatwana kwapwa kwa nzili manene. Ngwe muvyendeka visoneka ngwavyo, “Njambi avyana vaka-kulyalesa, oloni atetela vaka-kulikeesa.”