Isaya 19:25 - Livulu lya Shukulu Kalunga

²⁵ Asinoni Shukulu Kalunga Muka-nzili yoshe akavavezikisa nakwendeka ngwendi, “Njikamivezikisa vanu vange vaka-Ingito, yeni vaAsilya vaje njatangele, neni vaIsalele vanu vange vakwangula.”

Isaya 19:25 Iomraidhean Croise

Myaso 100:3

Zivukeni ngeci Shukulu Kalunga ikeye Njambi, ikeye watutangele, co yetu tunapu tu vanu vendi, tunapu lalo vimanga va ku vutanga vwendi.

Myaso 115:15

Shukulu Kalunga uje watangele lilu na asi amivezikise.

Myaso 138:8

Shukulu Kalunga ukashulisa vije vyoshe wanjikulaesele, Shukulu Kalunga, cizemo cove cije kucesi kutenguluka, cakala ku myaka yoshe. Kesi uvyane vipangi vya mavoko ove.

Isaya 19:24

Lifuti lya Isalele likalipandakana na Ingito na Asilya, co mafuti awa atatu akapwa civezikiso mu kaye mwoshe.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 29:23

Omo vana vendi vakamona vije vinjinalingi akati kavo, co vakasingimika lizina lyange, vakanjishangazala nakunjisingimika yange Njambi wakujela wa Isalele.

Isaya 45:11

Shukulu Kalunga, Njambi wakujela wa Isalele, uje muka-kuvwaesa vyuma vya kulutwe, alinakwendeka ngwendi, “Kumwapandele kunjihula ali vana vange, nambe kunjileka vinjinapande kulinga!

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Isaya 60:21

Vanu vove voshe vakapwa vaka-vushunga, vakashwana lifuti ku myaka yoshe. Njavakunine, nakuvatanga, ngeci vasholole vukama vwange ku vanu voshe.

Isaya 61:9

Vakatsimana akati ka miyati ya vanu, munu woshe uje akavamona akavazivuka ngeci vanapu vanu vaje vanjinavezikisa.”

Isaya 63:17

Omwo vikajo unatwecelela tutunde kuli yove? Omwo vikajo unakaluwisila vimbunge vyetu ngeci kesi tukukomoke? Iluka, yetu tunapu vangamba vove na vanu vove simbu yoshe.

Isaya 64:8

Oloni yove Shukulu Kalunga wapwa u tatetu. Yetu tunapu ngwe vuma, co yove unapu ngwe muka-kushonga. Yove watutangele,

Isaya 65:23

Vipangi vyavo kuvikai mwangoco, co vana vavo kuvakavindama. Njikavezikisa vana vavo amo na vatekulwila vavo simbu yoshe ya kulutwe.

Njelemiya 10:16

Njambi ya Yakomba kalifwile navo, ikeye lika watangele vyuma vyoshe, waangwile Isalele kupwa vanu vendi. Lizina lyendi ikeye Shukulu Kalunga Muka-nzili yoshe.

Njelemiya 2:7

Njaminenele mu lifuti lya vwilo, mukulya vushuka vwamwo na vyuma vyoshe vije vyavivwa. Oloni mwaviisile lifuti lyange nakujwalesa vushwana vuje vunjamyanene.

Hoziya 2:23

Njikatungisa vanu vange mu lifuti nakuvavezikisa. Co njikamwesa cizemo kuli vaje vavatumbwile ngwavo, “Vakujeneka Kuzema,” nakwendeka kuli vaje vavatumbwile ngwavo “Kesi Vanu Vange,” ngwange, “Mu vanu vange,” co vakanjikumbulula ngwavo, “Yove u Njambi yetu.”

Zakaliya 8:13

Vanu va mu Yunda na vanu va mu Isalele! Ku san̄ulu vaka-kwija valisingile umo na mukwavo nakwendeka ngwavo, ‘N̄avava ije vene yawililile a Yunda na a Isalele iwile ali yeni.’ Oloni njikamyamena, co vaka-kwija vaje vakendeka kuli umo na mukwavo ngwavo, ‘Tambuleni vivezikiso vya cifwa cimo vije vyakele a Yunda na a Isalele!’ Ngecivene, simpeni kesi muzive lyova.”

Kulava 24:1

Omo Mbalame wamwene ngeci, cavwaelelesele Shukulu Kalunga kuvezikisa vanu va Isalele, kaile lalo mukushakezeka vyakutaa ngwe muje mwalingile akulivanga, oloni wakengeselele mu mambo.

Kulava 6:24

‘Shukulu Kalunga amivezikise nakuminyunga,

Kulava 6:27

Shukulu Kalunga wendekele ngwendi, “Nga mukatumbula lizina lyange mukuvezikisa vanu va Isalele, co njikavavezikisa vene.”

Loma 3:29

Nambe Njambi kuma wapwa Njambi wa vaYunda lika ndi? Kuma kapwile Njambi wa vaje kesi vaYunda lalo ndi? Mwa vushunga wapwa wa voshe.

Ngalatiya 6:15

Kukwesi mulonga wai nameme kutuuka nambe kujeneka kutuuka, oloni cije cikwasa cinapu kupwa wakutanga kwakuhwa.

Efeso 1:3

Tukandeleleni kuli Njambi na Ishe ya Mwene yetu Yesu Kilistu! Omwo akukala kwetu muli Kilistu, Njambi natuvezikisa akutwana vwana vwoshe vwa munzinzime mu lifuti lya mwilu.

Efeso 2:10

Njambi natupwisa muje mutunafu, co akukala kwetu muli Kilistu Yesu watutangelele mwonyo wa vipangi vyavivwa, vije watuvwaeselelevyo laja ngeci tuvilinge.

Kwituluka mu Mashiko 32:9

Oloni ikeye walyangwilile vatekulwila va Yakomba, wavaangwile kupwa vushwana vwendi.

Filipu 1:6

Ngecivene, njazivuka ngwange Njambi, uje washangumukile cipangi eci cacivwa muli yeni, akatwalao noo nacimanesa a Litangwa lya Yesu Kilistu.

1 Petulu 2:10

A simbu imo kumwapwile vanu va Njambi, oloni ololo munapu mu vanu vendi, a simbu imo kumwazivukile mema ku mbunge ya Njambi, oloni ololo munawana kumizivila mema ku mbunge.