Isaya 19:20 - Livulu lya Shukulu Kalunga

²⁰ Vyuma evi vikapwa vimweso kuli vanu va mu Ingito ngeci Shukulu Kalunga Muka-nzili yoshe ali amo navo. Omo vanu vaIngito vakakala mu vukalu, co vakatambeka kuli Shukulu Kalunga ngeci avakwase, co ikeye akatuma umo mukuvapatula ku vitozi vavo.

Isaya 19:20 Iomraidhean Croise

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Kutuuka 2:23

Co omo kwetile myaka yaingi, mwene wa Ingito watsile. Oloni vaIsalele vakele nakukemanga omwo ya vundungo vwavo, vakele nakutambeka ngeci vavakwase. Co mutambi wavo wetele kuli Njambi.

Kutuuka 3:7

Asinoni Shukulu Kalunga wendekele ngwendi, “Mwa vushunga, njinamono tuyando twa vanu vange muvali nakuvapangesela mu Ingito. Njazivi valinakulila ngeci vavapatule ku vundungo vwa vaje valinakuvayandesa. Njamono a tuyando twavo twoshe.

Isaya 19:4

Njikana vaka-Ingito ku mavoko a mwene wa vukalu na muuka, Yange Kalunga Muka-nzili yoshe, njinendekamo.”

Isaya 20:4

Munu woshe mu vinganda evi vitatu akenda mushelengwa, co kakazala vin̄aku omo mwene wa Asilya akavatwala mu vunzinda. Vakwenje na vakulunu vakenda mushelengwa, co kuvakazala vin̄aku ku mendi avo, shwamwa yavo ikasholoka, mukuzivisa shwamwa Ingito.

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 43:11

“Yange lika njapwa Kalunga, uje asa kumyamena.

Isaya 43:3

Yange njapwa Kalunga Njambi yeni, Njambi wakujela wa Isalele, uje amyovola. Njikecela Ingito ngeci vamikule, Sundane na Semba ngeci vamiinge.

Isaya 45:15

Mwa vushunga yove wapwa u Njambi, yove muka-kulishweka, Njambi ya Isalele muka-kwamena.

Isaya 52:5

Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange.

Isaya 55:13

Miti ya sipelese na cinyota ikamena mu mutambela muje mwakele mambimbo. Miti eyi ikapwa cizivukiso ca vumpau vwa Shukulu Kalunga ku myaka yoshe.”

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 63:8

Shukulu Kalunga wendekele ngwendi, “Mwa vushunga vapwa vanu vange, kuvasa kunjikwisa embwe.” Ngecivene, wavamenene

Luka 2:11

Vutsiki vuno vene mu nganda ya Ndaviti munasemuka Muyoyesi weni, ikeye Kilistu Mwene!

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

Yakomba 5:4

Yeni kumwafwetele vaje vaka-kumipangela mu mahya eni. Ziveni kuteta kwavo! Miteto ya vaje valinakumitejela vimbuto vyeni inete ku matwi a Njambi, Shukulu Kalunga Muka-nzili yoshe!

Yoshwa 22:34

Co vanu va Luvena, na Ngande vendekele ngwavo, “Mutula ou unapu vukaleo kuli yetu voshe ngeci Shukulu Kalunga napu Njambi.” Ngecivene, vaulukile lizina lyawo ngwavo, “Vukaleo.”