Isaya 19:18 - Livulu lya Shukulu Kalunga

¹⁸ Omo simbu ije iketa, kukakala vinganda vitanu mu Ingito vakendeka ndaka ya ciHevelu. Co vanu va muje vakakavangeya Shukulu Kalunga Muka-nzili yoshe. Nganda imo ku vinganda vije vakaitumbula ngwavo, “Nganda ya Litangwa.”

Isaya 19:18 Iomraidhean Croise

Kushangumuka 11:1

Akulivanga, vanu voshe vaano a kaye vendekele muyati umolika, na ndaka imolika.

Nehemiya 10:29

tunalipandakana na vantwama vetu nakulisinga cisingo mukukava Mashiko a Njambi, aje avaanene ali ngamba yendi Mosesa, nakwononoka Mashiko oshe, na vilongesa vya Shukulu Kalunga, Shukulu yetu.

Myaso 68:31

Vaka-kwimanena mafuti vakatunda ku Ingito, co vaka-Sundane vakajundula mavoko avo nakulombela kuli yove Njambi.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 14:1

Shukulu Kalunga akatetela vanu vendi va Isalele, akavaangula lalo nakuvaka mu lifuti lyavo, co vaka-kwija vakaija nakukala amo navo.

Isaya 19:19

Omo simbu ije iketa, kukakala mutula wa Shukulu Kalunga mu lifuti lya Ingito, co na manda ya limanya vakaikundika kuli ikeye ku nginga ya vaka-Ingito mukusingimika Shukulu Kalunga.

Isaya 19:21

Shukulu Kalunga akalisholola ikeye vavenya kuli vaka-Ingito, co vakamuzivuka nakumulemesa, vakamukombelela nakumulambwila. Vakalisinga cikulaeso ca cikumiiyo kuli ikeye nakulinga vije vivanakulaesa.

Isaya 2:11

A litangwa lije vaka-kulyalesa vakaziva shwamwa, co vaka-vukama vakavakeesa. Asinoni vakashangazala lika Shukulu Kalunga.

Isaya 27:13

Omo litangwa likaija, vakaimba lupembo lwakusana vaIsalele vaje vakele mu vunzinda ku Asilya na ku Ingito. Vakaija nakulemesa Shukulu Kalunga mu Yelusalema, a lilundu lyendi lyakujela.

Isaya 65:16

Woshe uje ali mu lifuti ashaka civezikiso, vakamuvezikisa kuli Njambi wa kulongwa. Woshe uje alisinga, alisinge a lizina lya Njambi wa kulongwa. Tuyando twa kunima tukahwa, co vakatwivala.”

Njelemiya 12:16

Miyati ya vanu ava vakevo valongesele vanu vange kulemesa Mbale. Oloni nga vakendeka ngwavo yange Kalunga njapwa Njambi wa vushunga, co vatava lalo vanu vange ngeci vavalongese muje vanapande kunjilemesela, miyati ya vanu veka ava navo lalo vakapwa vanu vange.

Zefaniya 3:9

“Asinoni njikatengulula vimbunge vya vanu, co vakalombela lika kuli yange, kesi ku vinjambi veka lalo embwe. Co voshe vakanjononoka.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Kwituluka mu Mashiko 10:20

Ononokeni Shukulu Kalunga Njambi yeni nakumupangela. Kakateyeni kuli ikeye nakulisinga mu lizina lyendi lika.