Isaya 19:14 - Livulu lya Shukulu Kalunga

¹⁴ Shukulu Kalunga naaka muli vakevo munzinzime wakuvatanganesa. Vantwama va Ingito vanalingisa lifuti eli ngeci lipelyangele nakulishanjela ngwe muka-kupenda.

Isaya 19:14 Iomraidhean Croise

2 Mizimbu 18:22

Co Mikaya wamanesele kwendeka ngwendi, “Shukulu Kalunga ikeye naaka munzinzime wa makuli mu tunwa twa vaka-kwimanena vove voshe ngeci vakukwise. Oloni ikeye nazivuka ngwendi ukakala mu vukalu!”

Yombi 12:16

Njambi wapwa Muka-nzili, co simbu yoshe muka-kuhyana, munu uje ivanakwisa na munu uje akwisa mukwavo, voshe vanapu vanu va Njambi.

Yombi 12:25

Co vapapateya mu lisusulungu mwakujeneka ceke, co avapelyanganesa ngwe vaka-kupenda.

Visimo 12:8

Munu muka-mana vakamushangazala, oloni cilema vakamukenga na shwamwa.

Isaya 19:2

Shukulu Kalunga endeka ngwendi, “Njikashangumuna nzita mu Ingito, co vakalitengulukile nakulilwisa ndolome na ndolome, mundambo na mundambo. Nganda na nganda ikalilwisa imo na ikwavo, co vumwene vukalilwisa na vukwavo.

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 29:14

Ngecivene, kengeni, njikalinga lalo vyuma vyakukomokesa a vanu ava, co njikanyongesa mana a vaje valiyongola ngwavo vali na mana nakuzivuka.”

Isaya 3:12

Vaka-kukumwisa vimbongo valinakuyandesa vanu vange, co vaje vavakumwisa valinakuvakwisa. Vanu vange, vantwama veni valinakumyungumwisa, ngeci mujeneke kuzivuka mu ngila ikajo mumunapande kuya.

Isaya 9:16

Vaje vatwamenena vanu ava valinakuvongumuna nakuvazimbalesa.

Njelemiya 25:27

Asinoni Shukulu Kalunga wendekele kuli yange ngwendi, “Leka vanu ngwove yange Kalunga Muka-nzili yoshe, Njambi ya Isalele, njivashika vanwe vapende nakushanja, vawe kesi venduke, omwo a nzita ije njituma kuli vakevo yakuvalwisa.

Njelemiya 48:26

Shukulu Kalunga wendekele ngwendi, “Pendeseni Mowavi omwo yanjitengulukila nakunjilwisa. Mowavi akalyalanga a vishanjo vyendi, co vanu vakamujola.

Mateo 17:17

Co Yesu wakumbulwile ngwendi, “Yeni vaka-kujeneka kukulaela, vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni? Muneneni kuno kuli yange!”

2 Tesalonika 2:11

Ngecivene, Njambi natumu nzili yakuvasevwisa mukupanga muli vakevo ngeci vakulaele vije vinapu vya makuli,

Maako 9:23

Asinoni Njambi wakovelesele cizindo akati ka Avimeleke na vanu va ku Shekeme, co vakevo vatengulukilile Avimeleke nakumulwisa.