Isaya 18:7 - Livulu lya Shukulu Kalunga

⁷ Simbu ilinakwija omo Shukulu Kalunga Muka-nzili yoshe akatambula milambu yakutunda ku lifuti lije lya kushango ya vindonga, ku muyati uje wa nzili na muuka, ku vanu vaje vavalaja va cikonde cakuseneta, vanu vaje vavatewa mu kaye mwoshe. Vakaija ku Munkinda wa Siyone, kuje kuvakalemesela Shukulu Kalunga Muka-nzili yoshe.

Isaya 18:7 Iomraidhean Croise

2 Mizimbu 32:23

Vanu vavangi vezile ku Yelusalema, vanenele vin̄ombelo kuli Shukulu Kalunga na vwana kuli Hezekiya, co kutunda a simbu ije miyati yoshe vasingimikile Hezekiya.

Myaso 68:32

Imbileni kuli Njambi, vumwene vwoshe vwa asi, imbeni nakushangazala Shukulu Kalunga.

Isaya 16:1

Mu nganda ya Sela mu mambo vanu va ku Mowavi, vatume vwana vwa vana va vimanga kuli muka-kushwana mu Yelusalema.

Isaya 18:2

Ku lifuti lije kwezile miluwa vezile na Ndonga ya Nailo mu mato akutunga na mahongo. Yeni miluwa, ilukeni kwimbo lyeni! Twaleni majwi ku lifuti lyeni kuje kushango ya vindonga, ku muyati weni wa nzili na muuka, vanu vaje vavalaja va cikonde cakuseneta, vaje vavatewa mu kaye mwoshe.

Isaya 18:4

Shukulu Kalunga wendekele kuli yange ngwendi, “Njikakenga asi na kwoloka kuluu oku njili mwilu, ngwe lime lilinakuwila asi vutsiki omo kuli ntwima a simbu ya kuteja, ngwe misha ya litangwa a simbu ya mutanya.

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Mika 4:13

Shukulu Kalunga alinakwendeka ngwendi, “Vanu va mu Yelusalema, yeni nakunyanyamesa vitozi veni! Njikamitakamesa ngwe ngombe wa nkomba wa vimbinga vya vutale na vimbemba vya vunengu. Mukatsena miyati yaingi ya vanu na vufuko vwavo na nzita, co mukavwana kuli yange Kalunga wa kaye koshe.”

Hambakuke 1:7

Vakevo valingisa vanu kwoshe-ikwoshe kujaja na lyova, co valyalesa nakuliziva ngeci vyoshe vali na kulinga vinapu vya vushunga, co lalo valinakukava lishiko.

Zefaniya 3:10

Nameme vaje vakala kulyala ku Sundane, vanu vange vaje vashandokele, vakanena vin̄ombelo kuli yange.

Malakiya 1:11

Kutunda ku shongo ya kaye nakweta ku shongo ya kaye vanu vakanjisingimika. Co kwoshe-ikwoshe vakenyeka insense nakunjikombelela vin̄ombelo vyavivwa. Omwo lizina lyange likapwa lyakama akati ka miyati ya vanu!

Mateo 2:11

Co vakovelele mu njuvo, vamwene mwanike na vaina Maliya, co vatsikamene nakumulemesa. Asinoni vafukwile mu vinjeke vyavo, co vamwanene vwana vwa ngolinde na fulankininsense na miila.