Isaya 18:1 - Livulu lya Shukulu Kalunga

¹ Musambwa ya vindonga vya Sundane, kuli lifuti tulinakuziva cilumo ca mambava.

Isaya 18:1 Iomraidhean Croise

2 Vimyene 19:9

Lijwi lyetele kuli vaAsilya ngeci nzita ya vaka-Ingito, ije yatwamenenene Mwene Tilehaka wa ku Sundane, yakele nakwija nakuvalwisa. Omo mwene wazivile evi, co watumine mukanda kuli Mwene Hezekiya wa mu Yunda,

Myaso 17:8

Njinyunge ngwe muukanyungu mun̄andi wa lisho, co njinyunge ngwe mwakanyungu kazila vana vendi mu mambava endi

Myaso 36:7

Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 61:4

Njitave njikale nove myaka yoshe, ngeci njiwane kwoloka mu mambava ove.

Myaso 63:7

omwo wapwa u mukwasi wange. Co njiimba nakujolela, mu munzinze wa mambava ove.

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Isaya 31:1

Ngongo yavo vaje vaya ku Ingito mukuvakwasa! Vaje vanakulaela a tuvalu, na matemba amangi na mashwalale. Oloni kuvakulaelele kuli Shukulu Kalunga, Njambi wakujela wa Isalele, nambe kumulomba ngeci avakwase.

Isaya 37:9

Lijwi lyetele kuli vaAsilya ngeci nzita ya vaka-Ingito, ije yatwamenenene mwene wa ku Sundane, yakele nakwija nakuvalwisa. Omo mwene wazivile evi, co watumine mukanda kuli Mwene Hezekiya

Isaya 45:14

Shukulu Kalunga alinakwendeka kuli Isalele ngwendi, “Vufuko vwa Ingito na Sundane vukapwa vwove, na vanalume vavalaja va ku Semba vakapwa vindungo vove, vakakukavangeya oku vali mu malyenge. Vakatsikama a mavuli nakulitavela kuli yove ngwavo, ‘Njambi ali nove, ikeye lika napu Njambi.

Ezekiyele 30:9

“Omo litangwa lije lyeta, co Ingito ikanyonga, njikatuma miluwa mu mato akama mukunyangumuna vanu va ku Sundane, co vakavazivisa lyova manene. Litangwa lije lilinakwija!”

Zefaniya 2:12

Co Shukulu Kalunga lalo akatsiya vaka-Sundane.

Zefaniya 3:10

Nameme vaje vakala kulyala ku Sundane, vanu vange vaje vashandokele, vakanena vin̄ombelo kuli yange.

Mateo 23:37

“Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange, ngwe kasumbi avutikiya vana vendi mu mambava, oloni yove kuwanjitavele!

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”