Isaya 17:8 - Livulu lya Shukulu Kalunga

⁸ Vanatungu mitula na mitambela yakwenyekela insense kuli Ashela njambi wa munakazi, vanashimbika vimanda vyakujela vya Ashela. Oloni vakalikela kulemesa ku mitambela eyi.

Isaya 17:8 Iomraidhean Croise

2 Samwele 22:42

Vatambeka ngeci vavakwase, oloni naumo wai avamena. Vatambeka kuli Shukulu Kalunga, oloni kavakumbulula.

2 Mizimbu 14:5

Omwo watundisile mitambela ije vakele nakulemesela vaka-kujeneka kukulaela, na mitula ya insense mu vinganda vyoshe vya mu Yunda, co kwakele kwoloka a simbu ije yashwanene.

2 Mizimbu 31:1

Omo vamanesele ciwano, vanu voshe va Isalele vaile ku nganda na nganda ya mu Yunda nakushimbula vimanda vya mamanya, vavatozwele vifwa vya Ashela njambi wa munakazi, co vasiwile mitula na mitambela ije vakele nakulemesela vaka-kujeneka kukulaela. Co valingile cuma eci mu mitambela yoshe ya mu Yunda, na mu mafuti a Mbenjemani na Efalime na Manase, asinoni voshe velukile ku membo avo.

2 Mizimbu 34:4

Akushika kwendi, vanu vasiwile mitula ivalemeselele Mbale, na mitula ya insense. Co vatwile vunga vifwa vya Ashela, na tumponya tukwavo twoshe, asinoni vakuvile lije lito a vimbumbo vya vanu vaje vakele nakuvakombelela.

Kutuuka 34:13

Oloni yeni mukasiwule mitula yavo, nakunyongesa vimanda vyavo vyakulemesela, co mukavujula vimweso vya Ashela njambi yavo wa munakazi.

Isaya 1:29

Ukaziva shwamwa omwo walemesele miti nakukuna vitungu vyakujela.

Isaya 10:20

Simbu ilinakwija omo va Isalele vaje vanasalao kuyoya kuvakakulaela a muyati uje wavayandesele. Oloni mwa vushunga vakakulaela lika kuli Shukulu Kalunga, Njambi wakujela wa Isalele.

Isaya 17:9

Omo litangwa lije likaija, vinganda vije vakele nakunyunga mwamuvwa vikapwa vingundu, co vikasiwuka ngwe vinganda vije vivasezele vaHivi, na vaAmoli omo vatewele kuli vanu va Isalele.

Isaya 2:8

Mu lifuti mwoshe munashulu na tumponya, co valinakulemesa vyuma vije vivanapanga na mavoko avo.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Isaya 30:22

Mukambata tumponya tweni twakufwika na siliva, na tumponya tweni twakufwika na ngolinde, mukatumbila kuti ngwe mazilo, co mukatambeka ngweni, “Tundeni kuli yetu!”

Isaya 37:19

omwo vinjambi vavo kuvapwile vinjambi vavavwa, oloni vifwa lika vya viti, na mamanya, vije valingile na mavoko a vanu, ngecivene, vavenyekele.

Isaya 41:29

Voshe vinjambi ava vanapu vangoco, nacimo cai civasa kulinga, vanapu vakuzeya, co kuvesi na nzili.”

Isaya 44:15

Munu apangesa mutambela umo wa muti uje kupwa vitale vya tuhya, co mutambela ukwavo ashongao kamponya. Avwekesa tuhya mutambela ukwavo wa muti kwocao likende, mutambela ukwavo ashongao kamponya nakukalemesa.

Njelemiya 17:2

Vana veni vakalemesa ku mitula, na ku vifwa vije vivashimbikilile Ashela njambi wa munakazi mwisi ya minzinze ya miti yoshe yakutonola na akamwa ya malundu,

Ezekiyele 36:25

Co njikamishamwina mema akujela, nakumijelesa ku tumponya tweni twoshe, na ku vyuma vyeka vije vinamijwalesa.

Hoziya 14:8

Vanu va mu Isalele kuvakalemesa lalo tumponya embwe. Njikakumbulula malombelo avo nakuvanyunga mwamuvwa. Njikavana munzinze, ngwe muti uje kuwesi kutotomoka maputa awo, yange njapwa nji nsina ya vivezikiso vyavo vyoshe.”

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

Zefaniya 1:3

vanu voshe na tusitu, tuzila na visi. Njikatundisa vaka-vuvi voshe, njikanyongesa vanu voshe, co naumo wai akasalao. Yange Kalunga, njinendekamo.

Zakaliya 13:2

A litangwa lije njikatundisa mazina a tumponya mu lifuti, co naumo wai lalo akavanuka. Njikatundisa woshe uje akalitumbula muka-kwimanena, co njikatundisa cizango cakulemesa tumponya.

Kwituluka mu Mashiko 7:5

Omu mukemwo mumukalinga navo, mukasiwula mitula yavo, nakuvujula vimanda vya mamanya vyakulemesela, nakuvatula viti vya Ashela njambi yavo wa munakazi, nakwenyeka tumponya twavo.