Isaya 17:3 - Livulu lya Shukulu Kalunga

³ Isalele kuyikakala na cimpaka cakuyinyunga, co Ndamasiku vakainyongesa. Va Asilya vaje vakasalao vakaziva shwamwa ngwe vanu va Isalele. Yange Kalunga Muka-nzili yoshe, njinendekamo.”

Isaya 17:3 Iomraidhean Croise

2 Vimyene 16:9

Tingelate Pilesele, akukumbulula cihula ca Ahaze cakumwimanena, wakatukile na mashwalale vendi kukalwisa Ndamasiku, nakuyifungulula, watsiile Mwene Lezine, co watwalele vinzinda ku Kile.

2 Vimyene 17:6

wapwile mwaka wamucitanu na iwana wakushwana kwa Hosheya, co mwene wa vaAsilya wafungulwile Samaliya, watwalele vaIsalele ku Asilya kupwa vinzinda, vamo wavaakele mu nganda ya Halahe, co vakwavo wavaakele kuyehi na Ndonga ya Hambole ku mutambela wa Ngozane, co vakwavo wavaakele mu vinganda vya Mendiya.

Isaya 10:9

Njafungulwile vinganda vya Kaleno na Kalekemishe, na vinganda vya Hamate na Alepande. Njafungulwile Samaliya na Ndamasiku.

Isaya 16:14

Co Shukulu Kalunga nendeka ngwendi, “Mwa vushunga vene a myaka itatu vufuko vwavungi vwa Mowavi vukahwa. Akati ka vanu vamwo vavangi, vavandondo lika vakasalao, vakapwa va seo.”

Isaya 17:4

Shukulu Kalunga wendekele ngwendi, “Litangwa lilinakwija omo vukama vwa Isalele vukahwa, mu vufuko vwendi vakengisamo vuutu.

Isaya 25:2

Unatengulula vinganda vya vitozi vetu kupwa vingundu, nakunyongesa vimpaka vyavyo vyakukola. Mapela avatungile vitozi vetu oshe ananyongo.

Isaya 7:16

Nameme simbu ije kanda icete, mafuti a vimyene vavali vaje vamizivisa lyova, vakaanyongesa.

Isaya 7:8

Omwo vikajo? Omwo Silya kuyesi na nzili yakutuvakana Ndamasiku nganda yayo yakama, co lalo Ndamasiku kuyesi na nzili yakutuvakana Mwene Lezine. Ngeci ali Isalele ni, omo kwita myaka makumi atanu na umo na myaka itanu, vakashandoka kuyikapu lalo muyati.

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Hoziya 1:4

Shukulu Kalunga wendekele kuli Hoziya ngwendi, “Muluke lizina ngwove ‘Njezelele,’ omwo kumuketi simbu yakama omo njikanyanyamesa mwene wa Isalele akutsiya kuje kwalingile kukulwila yendi Yehu ku Njezelele. Co njikamanesa vumwene vwa Yehu.

Hoziya 1:6

Ngecivene, Ngomele wakele na mwana wamucivali lalo, a simbu eyi wapwile mwana wa munakazi. Co Shukulu Kalunga wendekele kuli Hoziya ngwendi, “Muluke lizina ngwove ‘Wakujeneka Kuzema,’ omwo kunjikamwesa lalo cizemo ku vanu va Isalele nambe kuvasambesa embwe.

Hoziya 10:14

nzita ikaija ali vanu veni, co vimpaka vyeni vyoshe vakavinyongesa. Cikafwa ngwe a litangwa lije omo Mwene Shalamane wanyongesele nganda ya Mbetelavele mu nzita, co vainavo na vana vavo vavatsiilile mu nzita.

Hoziya 3:4

Mu cifwa cimolika vanu va Isalele vakakala simbu yakama kwakujeneka vimyene nambe vantwama, kwakujeneka kukombelela nambe kukala na vimanda vya mamanya vyakujela, kwakujeneka tumponya nambe vifwa vyakupangesa mukutaa.

Hoziya 8:8

Isalele vanemuka ngwe miyati yeka kuvesi na seo ngwe ndeo ya vuma ya kutsa.

Hoziya 9:11

Vukama vwa Isalele vukapulwila kulyala ngwe kazila, co kukukasemuka lalo vana kuli vakevo, kukukakala lalo vanakazi va tufumba-kazi, naumo mwana ivakemita wai.

Amose 8:14

Co vaje vakalisingi na tumponya twa ku Samaliya, vaje vakendeka ngwavo, ‘Ali njambi wa ku Ndani,’ nambe ngwavo, ‘Ali njambi wa ku Mbeleshemba,’ co vanu va cifwa eci vakawa, kuvakenduka lalo.”