Isaya 16:8 - Livulu lya Shukulu Kalunga

⁸ Mahya a muyehi na Heshevone na vitungu vya mikolovozi ya vushuka vwa vinyu ya ku Simbema vanainyongesa, vitungu vya mikolovozi ya vushuka vwa vinyu vene ije vinyu vyayo vyakele nakupendesa vaka-kushwana mafuti. A simbu imo mikolovozi ya vushuka vwa vinyu yashalavelele nakweta ku nganda ya Njazele, co yetele na mu ngangela mu mambo, na mu kangombe ka yambi ku mutambela ukwavo wa Mema a Kalunga a Kutsa.

Isaya 16:8 Iomraidhean Croise

2 Samwele 1:21

“Nyonzi nambe lime kesi viwile a malundu a Ngilembowa, mahya ao kesi akale na vyakulya simbu yoshe. Omwo vintelo vya vaka-kusimpa vyapokokelele aje vene na shwamwa, ntelo ya Saulu kuvakaikwiti mufwitilo na mazi lalo.

Isaya 10:7

Oloni mwene wa vaAsilya ali na matumbe endi a lwozi mu mbunge. Nalivwaesela cimweja kunyongesa miyati yaingi.

Isaya 15:4

Vanu va ku Heshevone na ava va ku Eleale vakalila, co kulila kwavo vakaciziva kulyala ku Njahaze. Nameme mashwalale va Mowavi vakatambeka nakulila oku valijajela.

Isaya 16:9

Njililila mikolovozi ya vushuka vwa vinyu ya ku Simbema ngwe munjililila ya ku Njazele. Njililila Heshevone na Elyale, omwo vanu kuvakateje nakujolela.

Isaya 24:7

Mikolovozi ya vushuka vwa vinyu inajujwama, co vinyu vinapu vyavindondo, munu woshe uje wakele nakuvwaelela ololo naviilila,

Njelemiya 48:32

Njikalinyenga a vanu vali mu Simbema, kutuvakana vanu vali mu Njazele. Nganda ya Simbema, unafu ngwe mukolovozi wa vushuka vwa vinyu uje minango yawo inete ku Lishali lya Kutsa, nakweta ku Njazele. Oloni ololo vushuka vwove vwa ndombo na vushuka vwove vwa vinyu vakavunyongesa.

Kulava 21:32

Co Mosesa watumine vanu kuwana ngila yaivwa yakulwa na nganda ya Njazele. Co vaIsalele vaifungulwile na membo aje ayizengelekele, co vashekele vaAmoli vaje vakele muje.

Kulava 32:3

“Vinganda vya Atalote na Ndimboni na Njazele na Nimela na Heshevone na Simbema na Nembo na Mbeone,

Kulava 32:35

naa a ku Atalote Shofane, naa a ku Njazele, naa a ku Njongambeha,

Kulava 32:38

na Nembo, na Mbale Meone, na Simbema, oloni vatengulwile lika lizina lya Mbale Meone. Co valukile mazina amaha ku membo aje avatungulwile.

Yoshwa 13:19

na Kilyatehaime, na Simbema, na Zelete-Shahale a lilundu lya a cana,

Yoshwa 13:25

Co nginga yapwile Njazele na vinganda vyoshe vya Ngilyande, na litambelo lya lifuti lya vaAmoni kweta na ku Aloele, ije yakala mu ngangela ya Lamba.