Isaya 16:3 - Livulu lya Shukulu Kalunga

³ Miluwa va Mowavi vendekele ku vanu va ku Yunda ngwavo, “Tulingeni mwamuvwa nakutukwasa. Tunyungeni, ngwe munzinze wa muti wakutonola a simbu ya litanya, tuhwimine mu munzinze weni. Tunapu tu vaka-kwija, tushwekeni kuje naumo wai asa kutuwanako.

Isaya 16:3 Iomraidhean Croise

1 Vimyene 18:4

omo Njezevele wakele nakutsiya vaka-kwimanena va Shukulu Kalunga, Ovandiya wambateleo vaka-kwimanena 100, co wavashwekele mu manzenzengoma mu vimbunga vivali mumo makumi atanu mukwavo makumi atanu, co wavanene vyakulya na mema.)

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

Isaya 25:4

Tuutu na vaka-kujeneka vatewelele kuli yove, co vanakala mwamuvwa a simbu ya tuyando. Wavanene mwakuvandela lihunzi, na munzinze ngeci vavande ntwima ya litanya. Vaka-muuka vakalu ngwe lihunzi lya cisika,

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 56:8

Shukulu Kalunga wa Akamwa ya Vyoshe uje wanenele vanu vendi vaIsalele kwimbo kuvatundisa ku vunzinda, nakulaesa ngeci akanena veka lalo vakulipandakane navo.

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 21:12

“Tolilileni ku evi njendeka yange Kalunga. A litangwa na litangwa sompeni mwa vushunga. Ameneni vaje vavanevila vyavo kuli vaje valinakuvayandesa. Kutewa vukalu vwange vukashwama ngwe tuhya tuje naumo wai asa kutuzima, omwo a vuvi vuje mulinakulinga.

Njelemiya 22:3

Yange Kalunga njikushika kulinga vije vyavivwa nevi vya vushunga. Ameneni vaje vavalinakunyanyamena kuli vaje valinakuvanyanyamena. Kesi muyandese vaka-kwija, na visiwa, nambe vifwile, co kesi mutsiile vanu vakujeneka mulonga mu mutambela ou wakujela.

Ndanyele 4:27

Ngecivene, yove shukulu, tava kunangula kwange. Likele kulinga vuvi, co linga vije vya vushunga. Zivila mema ku mbunge vaka-kuutwa. Co ukakala mwamuvwa simbu yoshe.”

Zakaliya 7:9

“Ku san̄ulu njashikile mashiko awa kuli vanu vange ngwange, ‘Moneni ngeci vushunga vulinakulingiwa, mweseni ngozi na mema ku mbunge kuli umo na mukwavo.

Mateo 25:35

Omwo njakele na njala, co mwanjilisile, njakele na lihwila, co mwanjinwisile, njapwile nji mungenzi, co mwanjitambwile,

VaHevelu 13:2

Anukeni kutambula vangenzi mwamuvwa ku vinjuvo vyeni. Omwo kwakele vamo vacilingile, co vatambwile tungelo kujeneka kuzivuka.

Maako 9:15

Co muti wa mambimbo wakumbulwile ngwawo, ‘Nga yeni mwa vushunga mushaka yange njipwe nji mwene yeni, ijeni oni mwakuhwimine mu munzinze wange. Nga sheni, co tuhya twa milangi tukatuuka ku minango ya mambimbo ange nakwenyeka miti ya Kendale ya ku Lembanone.’ ”