Isaya 16:11 - Livulu lya Shukulu Kalunga

¹¹ Ngecivene, mbunge yange ilinakulinyenga a Mowavi, nakulinyenga a Kile Helese.

Isaya 16:11 Iomraidhean Croise

Isaya 15:5

Mbunge yange ilinakulinyenga a Mowavi! Vanu vamwo vanatewela ku membo a Zowale, na ku Engelate Shelishiya. Vamo vanalamata ku tapalo ya ku Luhite, valinakulila oku vaya, vamo vanakavanda ku Holonaime, nakulila manene.

Isaya 21:3

Vije vinjamwene nakuziva mu cimona vyanjizivisile lyova nakuvinja, ngwe munakazi alinakukita.

Isaya 63:15

Shukulu Kalunga, kenga ali yetu oku uli mwilu, mwimbo lyove lya vumpau. Kuma lajoko unatwivala ndi? Nzili yove ilikulijo? Cizemo cove nakutetela vilikulijo? Kesi utuyengule.

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 48:31

Ngecivene, njikalinyenga a munu woshe ali mu Mowavi na ali vanu vali mu Kile Helese.

Njelemiya 48:36

“Ngecivene, mbunge yange ilinakulinyenga a Mowavi na ali vanu va ku Kile Helese, ngwe munu alinakwimba mwaso wa vusiwa na mbendo, omwo vyuma vyoshe vakele navyo vinanyongo.

Mbimbi 1:20

“Shukulu Kalunga, kenga tuyando twange, kenga kukemanga kwa mwonyo wange! Mbunge yange ilinakulwa mu nulo, omwo vusiwa vwa vuvi vwange. Kuli kulitsiya mu vitapalo, nameme mu vinjuvo muli kutsa.

Hoziya 11:8

“Vatijo njasa kukwecelela, Isalele? Vatijo njasa kukumbila kuti? Kuma njasa kuminyongesa ngwe munjanyongesele Andema ndi? Nambe kumipangesa ngwe munjapangesele Zemboime ndi? Mbunge yange kuyikanjitavesa kucilinga! Cizemo cange kuli yeni cinapu cakama manene.

Filipu 2:1

Myonyo yeni muli Kilistu ilinakumyana nzili, na cizemo cendi cilinakumizembeleka. Muli na kulitombola na Munzinzime, co muli na mbunge ya ngozi nakulitetela umo na mukwavo.