Isaya 16:10 - Livulu lya Shukulu Kalunga

¹⁰ Naumo wai alinakuvwaelela mu mahya a vwilo. Naumo wai alinakutambeka nambe kwimba myaso mu vitungu vya mikolovozi ya vushuka vwa vinyu, naumo wai alinakulyatangela vushuka vwakulivanga vwa vinyu, Njambi namanesa mitambi yakujolela yoshe.

Isaya 16:10 Iomraidhean Croise

Yombi 24:11

Vakevo vakakamuna mazi a olive, na mikolovozi ya vushuka vwa vinyu ngeci vanwe, oloni nameme valinakukamuna, vali na lihwila.

Isaya 24:11

Vanu vatambeka mu vitapalo omwo kukwesi lalo vinyu. Kujolela kunahu, kuvwaelela kwaimo mu lifuti.

Isaya 32:10

Mwasa kukala mwamuvwa, oloni a simbu ino vene mungolosika, vukalu vukaija omwo kumukalala na mikolovozi ya vushuka vwa vinyu vumukakungulula.

Njelemiya 48:33

Kuvwaelela nakujolela kwa kuteja vimbuto kuvyesimo lalo mu vitungu na mu mahya a lifuti lya Mowavi lya vwilo. Yange njikavindika vinyu kwita omo vavikamuna, co naumo wai akajolela akukamuna vinyu.

Ezekiyele 7:7

Kukotoka kulinakwija ali yeni vanu vaje valinakuyoya mu lifuti. Simbu ili muyehi, omo kukukakala lalo viwano vyakulisamba a minkinda yakulemesela, oloni citanga lika cikakalako.

Njwele 1:12

Mikolovozi ya vushuka vwa vinyu na miti ya mikuyu yajujwama, miti yoshe ya vushuka yajujwama, co inatsi. Kujolela kunahu muli vanu.

Amose 5:11

Yeni munayandesa tuutu nakuvevila vimbuto vyavo. Co kumukakala mu vinjuvo vya mamanya vije vimunatungu, nambe kunwa vinyu vya ku vitungu vyavivwa vije mwakunine.

Amose 5:17

Ku mahya a mikolovozi ya vushuka vwa vinyu kukakala kulila. Evi vyoshe vikalingiwa omwo njikaija nakuminyanyamesa.” Mukemwo mwanendeka Shukulu Kalunga.

Amose 9:13

Shukulu Kalunga alinakwendeka ngwendi, “Matangwa akaija, omo vimbuto vikamena vwasi-vwasi ngeci simbu yakuviteja ikapwa yaindondo, na mikolovozi ya vushuka vwa vinyu, ikasalao kutunda ku mwaka umo nakweta ku mwaka ukwavo. Mikolovozi ya vushuka vwa vinyu ikafwika a minkinda, na a malundu akakala lalo mikolovozi ya vushuka vwa vinyu.

Zefaniya 1:13

Vufuko vwavo vakavupukula, co vinjuvo vyavo vakavinyongesa. Vakatunga vinjuvo, oloni kuvakakalamo nambe kunwa vinyu vya mu vitungu vya mikolovozi ya vushuka vwa vinyu vije vakatombeka.”

Maako 9:27

Co voshe vaile mu mahya avo nakuvuya mikolovozi ya vushuka vwa vinyu, vavulingile vinyu nakulinga ciwano. Co vaile mu njuvo ya njambi yavo, kuje vakalile nakunwa, co vashendumwine Avimeleke.