Isaya 15:5 - Livulu lya Shukulu Kalunga

⁵ Mbunge yange ilinakulinyenga a Mowavi! Vanu vamwo vanatewela ku membo a Zowale, na ku Engelate Shelishiya. Vamo vanalamata ku tapalo ya ku Luhite, valinakulila oku vaya, vamo vanakavanda ku Holonaime, nakulila manene.

Isaya 15:5 Iomraidhean Croise

Kushangumuka 13:10

Lote wakengele ku mutambela wa Zowale, co wamwene Cana ca Yondau coshe cakele na mema amangi, cafwile ngwe Lihya lya Shukulu Kalunga nambe Ingito. Simbu eyi te Shukulu Kalunga kanda acinyongese vinganda vya Sondoma na Ngomola.

Kushangumuka 14:2

ava vimyene vawana valizivasanene kukalwisa vakwavo vimyene vatanu, mazina avo, Mwene Mbela wa ku Sondoma, na Mwene Mbilesha wa ku Ngomola, na Mwene Shinambe wa ku Andema, na Mwene Shemembele wa ku Zemboime, na mwene wa ku Mbela, ikeyo nganda ya Zowale.

Kushangumuka 19:22

Zambula uteweleko! Kunjasa kulinga cuma cimo kuvanga noo unaketa kuje.” Lote watumbwile ije nganda ngwendi yaindondo, mukemwo ije nganda vailukile ngwavo Zowale.

2 Samwele 15:23

Vanu valilile manene omo vanu va Ndaviti vakatukile. Co mwene wajavukile muna ndonga Kindelone, oku vanu vendi valinakumukava, vaile amolika na ku ngila yakuya mu mambo.

2 Samwele 15:30

Ndaviti walamatele ku Munkinda wa Olive nakulila, kazalele vin̄aku ku mendi endi, co wafwikile ku mutwe wendi kupwa cimweso ca vusiwa. Ngecivene, na voshe vaje vamukavele valifwikile ku mitwe yavo, co lalo valilile.

Isaya 16:14

Co Shukulu Kalunga nendeka ngwendi, “Mwa vushunga vene a myaka itatu vufuko vwavungi vwa Mowavi vukahwa. Akati ka vanu vamwo vavangi, vavandondo lika vakasalao, vakapwa va seo.”

Isaya 22:5

Eyi ikeyo simbu ya kuuya-uya nakufunguluka na vitanga vije vinashulu mu Cimbongo ca Vimona, co Shukulu Kalunga wa Akamwa ya Vyoshe Muka-nzili yoshe navitumu ali yetu. Vivumbe vya nganda yetu vanavisiwila asi, co mitambi yakutukwasa inete mukati ka malundu.

Isaya 59:7

Simbu yoshe mutumba matumbe a vyuma vya vuvi, co mukawalingi vwasi-vwasi. Mukazambula mukutsiya vanu vakujeneka mulonga. Kwoshe kumuya mukasezako vingundu nakuviisako,

Njelemiya 13:17

Oloni nga kumutolilila, co njikalilila kwalikalyange omwo kulyalesa kweni, njikalila manene, co misozi yange ikolomoka omo vanu va Shukulu Kalunga vavatwala ku vunzinda.

Njelemiya 17:16

Oloni Shukulu Kalunga, yange ni kunjalikelele kupwa kanyungi kove, co kunjayongwele litangwa lya tuyando. Shukulu Kalunga, wazivuka vije njendekele.

Njelemiya 4:19

Kekange! Kuvavala! Kunjasa kwoloka! Mbunge yange ilinakulwa manene! Omwo njinazivi malupembo na muyoyo wa nzita.

Njelemiya 4:20

Tuyando tulinakulikavasana, lifuti lyoshe lyasala mupulungwa. Ololo vimbalaka vyetu vinanyongo, mavamba avyo anatavozoka tavu-tavu.

Njelemiya 48:3

Vanu va ku Holonaime valinakutambeka mitambi ya kuuya-uya nakunyonga.

Njelemiya 48:5

Ziveni muyoyo wakusikoka kwavo, omo valinakuya ku Luhite, vakendeka a tuyando, omo vaya ku nganda ya Holonaime.

Njelemiya 50:46

Omo Mbambilone ikawa, co kukakala muyoyo wakama uje ukajajesa kaye, na muyoyo wakulila vakauziva na ku mafuti eka.”

Njelemiya 9:10

Njelemiya wendekele ngwendi, “Njikalilila minkinda, co lalo njikalinyenga mitambela kwakulila vimuna, omwo vinomu cau, co naumo wai alinakwendamo. Naumo wai aziva vingombe omo vatamuna, co tuzila na tusitu vanatewa vanai.”

Kulava 21:29

Luvinda lweni, yeni vanu va Mowavi! Yeni vaka-kulemesa Kemoshe munanyongo! Vinjambi veni vapwisa vanalume ngwe vaka-kwija, co vanakazi ngwe vavanafungulula kuli Mwene Sihone wa vaAmoli.