Isaya 14:31 - Livulu lya Shukulu Kalunga

³¹ Lileni nakukangoka mu vinganda vyeni ngeci vamikwase, yeni vaFilisitiya. Lijajeleni nakulikomokela, muvavoshe! Lishelwa lyakukakumuka ngwe vwisi lilinakwija kutunda ku kunto, mbunga ya mashwalale vakujeneka lyova.

Isaya 14:31 Iomraidhean Croise

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 14:29

Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 16:7

Vanu va Mowavi vakalila omwo tuyando tuje valinatwo. Voshe vakalisimoka omo vakanuka vyakulya vije valile mu nganda ya Kile Helese. Co vakavasheka kujeneka cinyangavili.

Isaya 20:1

Akushika kwa Mwene Salengoni wa Asilya, mukulunu muka-kushika mbunga ya mashwalale va Asilya walwisile Ashendonde nganda ya Filisitiya.

Isaya 24:12

Nganda inasala yamupulungwa, co vikolo vyayo vanavisiwula.

Isaya 26:1

Litangwa lilinakwija omo vanu va mu Yunda vakaimba mwaso ou ngwavo, Nganda yetu yapwa yakukola! Njambi ikeye wanyunga vivumbe vyayo!

Isaya 3:26

Co vikolo vya nganda vikalinyenga nakulila ngwe vanu, co nganda nayo ikapwa ngwe munakazi natumbama asi mushelengwa.

Isaya 34:16

Shakezekeni mu livulu lya Shukulu Kalunga lya vikashama vakuyoya mulave vije vilyendeka. Nacimo cai cuma cakutanga cikajenekamo, co cuma cakutanga nacimo cai cikajeneka kukala na cikwavo. Shukulu Kalunga ikeye nashiki ngeci vifwemo, ikeye vavenya akavikungulwila amo.

Isaya 45:2

“Yange vene njikavwaesa ngila yove, njikalambesa minkinda na malundu, njikapokozola vikolo vya vunengu nakutsena mikambo yavyo ya vikuvo.

Njelemiya 1:14

Co wendekele kuli yange ngwendi, “Tuyando tukatundilila ku kunto tukaija ali vanu voshe vaje vakala mu lifuti eli,

Njelemiya 47:2

Wendekele ngwendi, “Kenga, mema alinakukatuka ku kunto, akapwa ngwe ndonga yakujalela. Akakupula lifuti na vyoshe vilimo, na vinganda na vanu vaje valinakukalamo. Vanu vakatambeka ngeci vavakwase, voshe vaje vakala mu lifuti vakatendeka manene.

Njelemiya 47:4

Simbu inete yakunyongesa Filisitiya, naumo wai akasalao mukukwasa vinganda vya Tile na Sindone. Yange Kalunga, njikanyongesa vaFilisitiya voshe vaje vatundile ku vikuma vya Kelete.