Isaya 14:29 - Livulu lya Shukulu Kalunga

²⁹ Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 14:29 Iomraidhean Croise

2 Vimyene 18:8

Wafungulwile vaFilisitiya, co walwisile membo avo, kutunda ku limbo lyalindondo nakweta ku nganda yakama, amo na Ngaza na membo aje azengelekele ku mutambela uje.

2 Mizimbu 26:6

Uziya waile ku nzita nakulwisa vaFilisitiya. Wasiwile vivumbe vya vinganda vya Ngate na Njaminiya na Ashendonde, co watungile vinganda vya vimpaka kuyehi na Ashendonde na mu lifuti lyoshe lya Filisitiya.

2 Mizimbu 28:18

A simbu ije vene vaFilisitiya vakele nakulwisa vinganda vya mu lifuti lya ku vushelumukilo vwa malundu mu kangombe ka yambi na mu mbwela ya lifuti lya Yunda. Vafungulwile vinganda vya Mbete Shemeshe, na Ainjalone, na Ngendelote, na vinganda vya Soko, na Timuna, na Ngimezo amo na membo avyo, co vatungile muje myaka yoshe.

Visimo 24:17

Kesi uvwaelele omo citozi cove ali mu vukalu, co lalo kesi ujolele omo citozi cove atanuka.

Isaya 11:14

Co voshe amo vakalwisa vaFilisitiya vaje vakala ku mutambela wa mu kangombe ka yambi, co vakapukula vufuko vwa vanu vaje vakala mu ngangela. Vakafungulula vanu va ku Endome, na Mowavi, co vaAmoni vakavononoka.

Isaya 11:8

Nameme mbututu nga ehela muyehi na linyoka wa vushungu kakavulumuka.

Isaya 14:31

Lileni nakukangoka mu vinganda vyeni ngeci vamikwase, yeni vaFilisitiya. Lijajeleni nakulikomokela, muvavoshe! Lishelwa lyakukakumuka ngwe vwisi lilinakwija kutunda ku kunto, mbunga ya mashwalale vakujeneka lyova.

Isaya 2:6

Yove Njambi unavyana vanu vove, vatekulwila va Yakomba! Lifuti lyavo linashulu na vilinga vya manseno vya ku ngangela na ku Filisitiya. Vanu valinakukava futisi ya vangenzi.

Isaya 30:6

Eli likelyo lijwi lya Njambi a tusitu va mu mambo ya mu mbwela ngwendi, “Vaka-kwimanena va lifuti vaketi mukati ka lifuti lya vushonde, muje mwakala vindumba, na manyoka va vushungu, na vyanza-ngombe vakupulula. Vakambata vwana vwa seo yakama a vimulu vavo na a tumelo kutwala ku muyati uje kuwasa kuvakwasa.

Njelemiya 47:1

Simbu kanda mwene wa Ingito alwise Ngaza, Shukulu Kalunga wendekele kuli yange ngeci njileke vaFilisitiya,

Mbimbi 2:17

Shukulu Kalunga nalingi vije vyashakele kulinga, ikeye natunyongesa kujeneka mema ku mbunge, ngwe muje mwatunangwile ku san̄ulu. Ikeye nahyanesa vitozi vetu, navaana kujolela omo tunau.

Ezekiyele 25:15

Shukulu Kalunga wa Akamwa ya Vyoshe wendekele ngwendi, “VaFilisitiya vali na muuka wa shambandinga a vitozi vavo valaja, nakuvanyongesa mu cizindo cavo.

Ezekiyele 26:2

“Muna munu, vanu va mu nganda ya Tile vanakuu vanu va mu Yelusalema ngwavo, ‘Ehe! Yelusalema vanayisiwula! Nzili yendi yakulanda nakulandesa inahu! Kakapu lalo citozi cetu!’

Ezekiyele 35:15

ngwe muje yove wajolelele akuviya kwa Isalele vufuko vwange. Minkinda ya Seya, eyo lifuti lyoshe lya Endome, likapwa ngundu. Asinoni vanu voshe vakazivuka ngeci yange njapwa Kalunga.”

Hoziya 9:1

Vanu va mu Isalele, likeleni kulinga viwano vyeni vyakulisamba ngwe vaka-kujeneka kukulaela. Munatengulukila kweka nakutunda kuli Njambi yeni, co kumwapwile va kulongwa kuli ikeye. Co mu lifuti mwoshe munalilandesa yeni vavenya ngwe vikwizi kuli Mbale nakuzema vimbuto vije mwayongwele ngweni ikeye wamifwetelevyo!

Njwele 3:4

“Vikajo mushaka kulinga kuli yange, yeni vaka-Tile na Sindone na mafuti oshe a Filisitiya? Yeni mushaka kunjiilwisila cuma cimo ndi? Nga mukemwo, co nange vwasi-vwasi njikamifweta!

Amose 1:6

Shukulu Kalunga alinakwendeka ngwendi, “Vanu va ku Ngaza vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe nakuvalandesa kupwa vinzinda kuli vanu va ku Endome.

Amose 1:8

Njikatundisa vaka-kushwana va mu vinganda vya Ashendonde, na Ashekelone. Njikanyanyamesa nganda ya Ekelone, co vaFilisitiya voshe vaje vanasalao vakatsa.” Tile

Ovandiya 1:12

Yeni kumwapandele kulyalesa, a tuyando twa vandolome veni vali mu Yunda. Kumwapandele kuvwaelela, a litangwa lyakuvanyongesa. Kumwapandele kuvajola a tuyando twavo.

Mika 7:8

Vitozi vetu, kesi muvwaelele omwo tuyando twetu! Twasa kuwa, oloni tukenduka lalo, twasa kutumbama mu lisusulungu, oloni Shukulu Kalunga atwana ceke.

Zefaniya 2:4

Naumo wai akasala mu nganda ya Ngaza. Ashekelone ikapwa ngundu. Co vanu va mu Ashendonde vakavasheka a simbu ya mutanya, na vanu va mu Ekelone vakavandandumuna nakuvatundisa mu nganda yavo.

Zefaniya 2:5

Yeni vaFilisitiya munanyongo, yeni vanu mwakala ku ngenge ya mema a kalunga. Shukulu Kalunga namisompo laja. Akaminyongesa, co naumo wai akasalao ali yeni.

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Zakaliya 9:5

Nganda ya Ashekelone vakamona vyuma evi, co vakaziva lyova. Nganda ya Ngaza vakamona vyuma evi, co vakaziva lyova manene. Na Ekelone lalo vakakala mu vukalu, cinyangavili cavo cikahwa. Nganda ya Ngaza vakajeneka mwene yavo, co Ashekelone vakaiseza ngundu yangoco.

Kulava 21:8

Co Shukulu Kalunga walekele Mosesa kufula linyoka wa vutale vwa vunengu nakumushukika a manda,

Yoshwa 13:3

na mitambela yoshe ya Avime ku mbwela. (Lifuti lyakutunda ku muna ndonga Shihole, ku nginga ya Ingito, nakweta ku kunto ku nginga ya ku Ekelone, lifuti eli lyoshe lyapwile lya vaKanana. Vimyene va vaFilisitiya vakele ku Ngaza, na Ashendonde, na Ashekelone, na Ngate, na Ekelone.)