Isaya 14:19 - Livulu lya Shukulu Kalunga

¹⁹ oloni yove kuwesi na mbumbo, oloni muvila wove vanaumbila ngeci uvole. Vanaufwiki na mivila ya mashwalale vaje vanatsililile mu nzita, vanaumbila amolika na mivila yavo mu mbulu ya mamanya, nakuulyatangela.

Isaya 14:19 Iomraidhean Croise

1 Vimyene 21:19

Muleke ngwove yange, Kalunga, njendeka kuli ikeye ngwange, ‘Kuma omo unatsii munu, co ulyambatela na vufuko vwendi lalo ndi?’ Muleke ngwove evi vikevyo njinendeka yange ngwange, ‘Mu mwela umolika vene uvanakacwila tutali maninga a Navote mukemwo lalo vakakacwila maninga ove!’ ”

1 Vimyene 21:24

Kavushoko kove woshe akatsila mu nganda vakamulya ku tutali, co kavushoko kove woshe akatsila mu shwata vakamulya ku makuvi.”

2 Vimyene 9:25

Yehu wendekele kuli mukwasi wendi Mbindekale ngwendi, “Ambata muvila wendi uumbile mu lihya lije lyapwile lya Navote. Anuka omo yove nange twendele amo munima ya Mwene Ahave ishe ya Njolame, Shukulu Kalunga wendekele majwi awa kuli Ahave ngwendi,

Isaya 13:15

Woshe uje ivakafungulula vakamutsiya na moko ya mukwale.

Isaya 14:18

Omo vimyene va ano asi vatsa, vakavatsinda mu vimbumbo vyavo vyavivwa,

Isaya 34:3

Mivila yavo kuvakaitsindi, oloni ikavolela nakunikila kuje vene, co minkinda ikavenga na maninga.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Njelemiya 16:6

Vaka-kufuka na tuutu vakatsila mu lifuti eli, oloni naumo wai akavatsinda nambe kuvalila. Naumo wai akalitavozola ikeye vavenya nambe kuteula vin̄ambu vyendi mukumwesa vusiwa.

Njelemiya 22:19

Vakamutsinda ngwe cimulu, vakamukoka nakumumbila anja ya vikolo vya Yelusalema.”

Njelemiya 41:7

Co omo vakovelele mu nganda, Ishimela na vanu vendi vavatsiile, vavombilile mu lisima.

Njelemiya 41:9

Mu lisima muje mwombilile Ishimela mivila ya vanu vaje vatsiile lyapwile lyakama manene, Mwene Asa ikeye waliindile omo vamulwisile kuli Mwene Mbasha wa mu Isalele. Co Ishimela washulisile lije lisima na mivila ya vanu vaje vatsiile.

Njelemiya 51:4

Mashwalale vavo vakavetwa, co vakatsila mu vitapalo vya mu vinganda vyavo.

Ezekiyele 32:23

co vimbumbo vyavo vili kwisi-kwisi manene ya lifuti lya vatsi. Mashwalale vendi voshe vatsililile mu nzita, na vimbumbo vyavo vyazengeleka mbumbo yendi. A simbu imo omo vakele nakuyoya vazivisile lyova lifuti lya vaka-kuyoya.

Ezekiyele 32:27

Vakevo kuvavatsindile ngeci muje vatsindile vingenyenye va ku laja vaje vavatsindile na vitwa vyavo vya nzita, vavaakele mikwale yavo kwisi ya mitwe yavo, na vintelo vavyakele a mivila yavo. Vingenyenye ava a simbu imo vapwile va nzili mukuzivisa lyova lifuti lya vaka-kuyoya.