Isaya 14:14 - Livulu lya Shukulu Kalunga

¹⁴ Wendekele ngwove ukalonda mwilu aje asikisila mashelwa, co ukapwa ngwe Muka-nzili yoshe.

Isaya 14:14 Iomraidhean Croise

Kushangumuka 3:5

Njambi nendeka ngacije omwo nazivuka ngeci ku litangwa lije mukalyako mesho eni akatona, co mukalifwa na Njambi, mukazivuka vuvwa na vuvi.”

Yombi 20:6

Nameme wakele na lutsimo lwakama lwakweta na mwilu, na mutwe wendi weta ku mashelwa,

Isaya 21:1

Awa akewo majwi aa Mbambilone. Ngwe kankumba akomba mu mambo, tuyando tukaija ngacije vene kutunda mu lifuti lyakutewesa.

Isaya 47:1

Shukulu Kalunga alinakwendeka ngwendi, “Mbambilone, shuluka a litanda lyove, co tumbama asi mu livu. Laja wapwile u mumbanda, nganda ije kuvasele kufungulula, oloni kuwesi lalo na cikonde cacivwa cakuvotsiya, ololo unapu u ndungo!

Isaya 47:8

“Yove washaka vyuma vya senga, uyongola ngwove uli mwamuvwa na kwoloka. Ulinakuliyongola ngwove u wakama ngwe Njambi, ngwove kukwesi weka lalo wakulifwa nove. Wayongola ngwove nalumo lwai ukapwa u fwile, nambe kutsisa vana vove.

Njelemiya 51:1

Shukulu Kalunga alinakwendeka ngwendi, “Njinena lihunzi lyakama, lyakulwisa Mbambilone na vanu vamwo.

Ezekiyele 28:2

“Muna munu, leka muka-kushwana wa ku Tile evi vinjendeka yange Kalunga wa Akamwa ya Vyoshe ngwove, ‘Mu kulyalesa kwove ulinakwendeka ngwove u njambi. Ulinakwendeka ngwove unatumbama a litanda ngwe njambi mu mema a kalunga. Wasa kuyongola ngwove u njambi oloni yove unapu lika munu kesi u njambi nameme wayongwele ngwove u njambi.

Ezekiyele 31:10

“Ngecivene, ololo, yange Kalunga wa Akamwa ya Vyoshe, njikamileka vije vikalingiwa ku muti uje wakolele noo waketele ku mashelwa. Omo wakolele kupwa waulaja, co wakele na kulyalesa,

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Ndanyele 11:37

Mwene akayengula njambi uje ivalemesele vakukulwila vendi, co lalo akayengula njambi uje ivazema vanakazi. Mwa vushunga, akayengula njambi woshe-iwoshe, omwo akayongola ngwendi ikeye napu wakama kutuvakana njambi woshe-iwoshe.

2 Tesalonika 2:4

Ikeye akalwisa vyuma vyoshe vije vilitumbula ngwavyo vinjambi na cuma coshe-icoshe civakalemesa, akalyaka akamwa yavyo vyoshe. Co lalo akakovela nakutumbama mu Njuvo ya Shukulu Kalunga nakulitumbula ikeye vavenya ngwendi Njambi.