Isaya 13:6 - Livulu lya Shukulu Kalunga

⁶ Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 13:6 Iomraidhean Croise

Yombi 31:23

Omwo yange njitewa cihiso ca Njambi, co kunjasa kulinga cuma ca cifwa cangacije.

Isaya 10:25

Mu kasimbu kakandondo lika, njikalikela kumihisa, asinoni njikavanyongesa.

Isaya 10:3

Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 13:9

Kenga, litangwa lya Shukulu Kalunga lilinakwija, litangwa lya vukalu vwendi vwakama nakuluvala kwendi. Mukuluvala kwendi Shukulu Kalunga akapwisa lifuti mupulungwa, nakunyongesa vaka-vuvi vamwo.

Isaya 14:23

Njikatengulula Mbambilone kupwa n̄ondo, co makun̄ulu vakakalamo. Njikakomba Mbambilone na cikombeso cije cikombela vyuma vyoshe kulyala. Yange Kalunga Muka-nzili yoshe, njinendekamo.”

Isaya 14:31

Lileni nakukangoka mu vinganda vyeni ngeci vamikwase, yeni vaFilisitiya. Lijajeleni nakulikomokela, muvavoshe! Lishelwa lyakukakumuka ngwe vwisi lilinakwija kutunda ku kunto, mbunga ya mashwalale vakujeneka lyova.

Isaya 2:12

A litangwa lije, Shukulu Kalunga Muka-nzili yoshe akakeesa munu woshe, munu woshe uje muka-kulyalesa nakulijundula.

Isaya 23:1

Awa akewo majwi aa Tile. Tambekeni nakuviilila, yeni vaka-kujavula mato akama a mu mema a kalunga! Limbo lyeni lya mu cikuma ca Tile vanalinyongesa, vinjuvo na cikuma calyo vinaviya. Mwakuziva muzimbu omo mato eni akeluka ku Sepulasi.

Isaya 34:2

Shukulu Kalunga naluvala na miyati ya vanu voshe, na mashwalale vavo voshe. Ikeye navasompela kutsa.

Isaya 34:8

Eyi ikeyo simbu omo Shukulu Kalunga akapatula Siyone na nakulinga shambandinga vitozi vendi.

Isaya 47:11

Tuyando twakama tukaija ali yove vwasi-vwasi kujeneka yove kuzivuka, co manseno ove oshe kuwakakukwasa.

Isaya 52:5

Ngecivene, ololo cuma cimo lalo cinasholoka mu Mbambilone, munapu mu vinzinda, co nacimo cai vamilandele naco. Co vaje vamishwanene vatambekele, co vashawile lizina lyange.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 63:4

Njalingile ngeci omwo simbu yakwamena vanu vange inete, yapwile simbu yakulinga shambandinga vitozi vavo.

Isaya 65:14

Vakaimba nakujolela, oloni yeni mukalila nakupokoka vimbunge.

Njelemiya 25:34

Lileni, yeni vantwama, yeni tunyungi va vanu vange, lileni manene! Lileni nakulikotinga mu livu. Omwo simbu yeni inete yakumitsiya, co vakamitsiya ngwe majamba a vimanga.

Njelemiya 49:3

Vanu va ka Heshevone, lileni manene! Nganda ya Ai inanyongo! Vanakazi va mu Lamba, lileni! Zaleni vikeleya nakulila. Shatozokeni mu kuuya-uya, omwo njambi yeni Moleki vakamutwala mu vunzinda amolika na vaka-kukombelela vendi na vamyata.

Njelemiya 51:8

Vwasi-vwasi Mbambilone inau nakuyinyongesa! Yeni vaka-kwija lileni Mbambilone! Ishakezekeleni vumbanda vwa vimbandu vyayo amo yasa kukanguka.

Ezekiyele 13:5

Kuvesi nakunyunga ku mitambela kuje kunaviya vivumbe, nambe kutungulula vivumbe, ngecivene, Isalele kasa kulyamena omo nzita ikaija a litangwa lya Shukulu Kalunga.

Ezekiyele 21:12

Muna munu, kemanga mu vusiwa, omwo mukwale ou vanaushomwena vanu vange, na vantwama voshe va Isalele. Vakavatsiya amolika na vanu vange voshe. Cinyangavili cove coshe cinapande kuhwa.

Ndanyele 5:26

Omu mukemwo muvyalumbunukila. Kulava, kulumbunuka ngeci Njambi nalava matangwa a vumwene vwove, co vunahu,

Ndanyele 5:9

Cuma eci cakolesele manene lyova Mwene Mbeleshazale, co cihanga cendi cafufutukile manene, vaje vanu vendi va vulemu kuvasele kuwana ngila yakumukwasela.

Njwele 1:11

Linyengeni, yeni vandimi, lileni mbimbi-mitwe, yeni vaka-kunyunga vitungu vya mikolovozi ya vushuka vwa vinyu, omwo tiliku na mbale ya maumwa na vimbuto vyoshe vinanyongo.

Njwele 1:13

Yeni vaka-kukombelela mukapanga ku mutula, zaleni vikeleya, linyengeni nakulila mbimbi-mitwe! Yeni mu Njuvo ya Shukulu Kalunga nakulila vutsiki vwoshe, omwo kukwesi vimbuto nambe vinyu vyakukombelela kuli Njambi yeni.

Njwele 1:15

Litangwa lya Shukulu Kalunga lili muyehi, litangwa lije omo Muka-nzili yoshe akanena kunyonga. Litangwa lije likapwa lyakujujwisa!

Njwele 1:5

Indukeni mulile, yeni vaka-kupenda, lileni, yeni vaka-kunwa vinyu, mikolovozi ya vushuka vwa vinyu vuje mukalingi vinyu vyaviha vanainyongesa.

Njwele 2:1

Imbeni lupembo, co imbeni mwondo a Siyone, lilundu lya Njambi lyakujela. Jajeni, yeni vanu va mu Yunda! Litangwa lya Shukulu Kalunga lili muyehi.

Njwele 2:11

Shukulu Kalunga ashika mashwalale vendi na lijwi lyakama ngwe cililimo. Mashwalale vaje vamwononoka vapwa vavangi, co lalo vakala na nzili. Litangwa lya Shukulu Kalunga likapwa lya vukalu manene! Naumo wai akasa kuputumuka.

Njwele 2:31

Litangwa likazivala, na ngonde ikavenga ngengu ngwe maninga, omo litangwa lyakama lyakukomokesa lya Shukulu Kalunga kanda lyete.

Amose 5:18

Luvinda lweni yeni mwavandamena litangwa lya Shukulu Kalunga! Vuvwa mukajo vukalingiwa ali yeni a litangwa lije? Kuli yeni likapwa litangwa lya lisusulungu, kesi litangwa lya ceke embwe.

Zefaniya 1:14

Litangwa lije omo Shukulu Kalunga akasompa vanu lili muyehi-yehi, lilinakwija vwasi-vwasi! Litangwa lije likapwa lya vusiwa manene, nameme mashwalale vakusimpa vakalila nakutendeka cinyangavili cakutambula vukwasi!

Zefaniya 1:7

Litangwa lili muyehi omo Shukulu Kalunga akatumbama nakusompa vanu ngecivene, olokeni kuluu ku mesho endi. Shukulu Kalunga nalivwaesela cimweja kukombelela vanu vendi, nalanya vitozi mukupukula Yunda.

Zakaliya 14:1

Kengeni, litangwa lya Shukulu Kalunga lyakusompa lili muyehi. Co Yelusalema vakaipukula, co vije vyakupukula vakavipangela akati keni.

Malakiya 4:5

“Kengeni, njikamitumina Elinja muka-kwimanena simbu kanda litangwa lyakama lya Shukulu Kalunga lya vukalu lyete.

Yakomba 5:1

Co yeni vanu vaka-kufuka, tolilileni kuli yange! Lileni nakumbolozoka a n̄avava ije ilinakwija ali yeni!

Kujombolola 18:10

Vakashondoloka nakwimana kulyala, omwo vakaziva lyova lya tuyando twendi, co vakendeka ngwavo, “Kengeni! Naana! Kayeketu! Kayeketu! Mbambilone nganda yakama! Mu ola imolika lajoko vanakunyanyamesa!”