Isaya 13:22 - Livulu lya Shukulu Kalunga

²² Minguli vakohyela mu tuposhi twavo, co vimbanje vakavwozela mu mapela amavwa. Simbu ya Mbambilone inete! Matangwa ayo anahu laja.”

Isaya 13:22 Iomraidhean Croise

Myaso 44:19

Oloni yove unatwecelela ngoco mukati ka tusitu, co unatumbila mu lisusulungu vwii.

Isaya 14:23

Njikatengulula Mbambilone kupwa n̄ondo, co makun̄ulu vakakalamo. Njikakomba Mbambilone na cikombeso cije cikombela vyuma vyoshe kulyala. Yange Kalunga Muka-nzili yoshe, njinendekamo.”

Isaya 25:2

Unatengulula vinganda vya vitozi vetu kupwa vingundu, nakunyongesa vimpaka vyavyo vyakukola. Mapela avatungile vitozi vetu oshe ananyongo.

Isaya 32:14

Nameme mu lipela vakatewamo, na nganda ikapwa ngundu. Membo na tuposhi vikapwa vingundu ku myaka yoshe. Vimulu vakalilamo mwila, co vimanga vakawana kwakulila mwila wauvwa.

Isaya 34:13

Mambimbo na mishwena vikamena mu mapela mwoshe na mu vinganda, co mukakala vimbanje na makun̄ulu.

Isaya 34:14

Tusitu vakendanganamo, co minzinzime yakujwala ikalisanenamo umo na ukwavo. Cikashama wa vutsiki akaijamo mukushakezeka mutambela wakuhwimina.

Isaya 35:7

lishen̄avu lyakwenya likemuka lishali, co lifuti lyakuma likashula na masima a tuvwelu-vwelu. Muje mwakele vimbanje, mukamena mateve na mahongo.

Isaya 43:20

Nameme tusitu vakanjisingimika, vimbanje na vankumbwa vakanjishangazala, njiketisa vindonga vya mema mu mambo, kwana mema ku vanu vange vaje vanjalyangwilile.

Njelemiya 48:16

Luvinda lwa Mowavi lulinakushwena kuyehi, kayando kayo kalinakwija vwasi.

Njelemiya 51:33

Vanu va Mbambilone vanavatete nakuvalyatangela ngwe vimbuto vije vivalyatangela ku lijungwilo. Yange Kalunga Muka-nzili yoshe, Njambi ya Isalele, njinendekamo.”

Njelemiya 9:11

Shukulu Kalunga alinakwendeka ngwendi, “Njikapwisa Yelusalema mambo, na vinganda vya mu Yunda kupwa mambo muje mukayoyela vimbanje, ukapwa mutambela uje naumo wai akakalamo.”

Mbimbi 4:3

Nameme vaina ya vana va vimbanje akalele mwamuvwa vana vendi, oloni vanu vange vanapu ngwe vanavilanda, vali na muuka kuli vana vavo.

Mika 1:8

Asinoni Mika wendekele ngwendi, “Omo a evi, njikalila nakulinyenga. Mukumwesa vusiwa vwange, co njikenda mendi-mendi na mutotototo. Njikalila ngwe mbanje, co njikasikoka ngwe nkumbwa.

Hambakuke 2:3

Cisoneke, omwo simbu kanda yete ngeci vyuma evi vikalingiwe. Oloni simbu ilinakwija vwasi omo vyuma evi njilinakukumwesa vikalingiwa. Nameme vene vikevyo vinambata simbu ngeci vilingiwe, vandamena lika, vikevyo vikalingiwa a simbu injemika, kuvikeshwala embwe.

Zefaniya 2:14

Nganda ya Nenevayi ikapwa mutambela wakulila matanga a vimanga, na tusitu va miyati-yati vakavutamamo. Co vinkungulu vakakala mukati kavije vingundu na mitambi yakwoya kwavyo ikatuukila mu vinjanena. Co na makololo vakendekela a vipamba vya vikolo, vanu vakavujula mavaya a kendale a kulyala aje avatungisile vinjuvo vyendi.

Kwituluka mu Mashiko 32:35

Shukulu Kalunga akavalinga shambandinga nakuvahisa, simbu iketa omo vakawa, litangwa lya tuyando twavo lili muyehi.

2 Petulu 2:3

Co mu cipululu cavo, ava valongisi va makuli vakawana nganyo akumileka tusimilili. Omwo a simbu yakama ololo Lyaako wavo nalivwaesela cimweja, co Muka-kunyongesa wavo ali laja mu mesho!