Isaya 13:2 - Livulu lya Shukulu Kalunga

² Jundula pandelo ya nzita a lilundu lya miti! Tambekeni ku mashwalale, co vashovweyeni na livoko ngeci valwise vikolo vya nganda ya vanu va kulyalesa.

Isaya 13:2 Iomraidhean Croise

Myaso 60:4

Unanangula vaje vakukomoka, ngeci vatewe kesi vavanyongese.

Isaya 10:32

Ku litangwa lya lelo vitozi vali mu limbo lya Nombe, co kuje valinakwinazeka vin̄ome ku Munkinda wa Siyone, ku nganda ya Yelusalema.

Isaya 11:12

Shukulu Kalunga akanena cimweso ku miyati, co akakungulwila lalo amo vanu va Isalele na vanu va Yunda vaje valishandokelele mu vimbango viwana vya ano asi.

Isaya 11:15

Shukulu Kalunga akomisa Linema lya Suwezi, co akasana lihunzi lya ntwima kumisa cau Ndonga ya Yufuleti, kukasala lika vana va vindonga vatanu na vavali, ngecivene, munu woshe akasa kujavuka.

Isaya 18:3

Tolilileni, yeni vanu voshe muli ano asi! Kengeleleni cimweso ca pandelo vaimika akamwa ya minkinda! Tolilileni lupembo lwimba!

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 31:9

Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

Isaya 5:26

Shukulu Kalunga akalinga cizivukiso cakusana miyati yeka yakulyala. Navasana na mulozi, co kengeni, valinakwija lumbisi!

Njelemiya 50:2

“Leka muzimbu ou akati ka miyati ya vanu! Co wambulule! Jundula pandelo nakuwambulula! Kesi uushweke embwe, oloni wambulule ngwove, Mbambilone vakaifungulula, njambi yendi Manduke akaziva shwamwa, akashula na lyova. Tumponya twa Mbambilone tukaziva shwamwa, tumponya twendi twa vunyengwe vakatupujula!

Njelemiya 50:41

Kengeni vanu valinakutunda ku kunto, muyati wa vanu va nzili, co vimyene vavangi valinakulivwaesela nzita.

Njelemiya 51:12

Mweseni cimweso cakulwisa vivumbe vya Mbambilone. Vaka-kunyunga vakolese! Akeni vaka-kunenga! Akeni vaka-kuvandamena!” Shukulu Kalunga nalingi vije vyendekele ngwendi akavilinga kuli vanu va Mbambilone.

Njelemiya 51:25

Mbambilone, unapu ngwe munkinda uje unyongesa kaye koshe, oloni yange Kalunga njinapu citozi cove. Njikakukwata, nakukwandumwina asi upwe amolika na livu, nakukuseza mu lito.

Njelemiya 51:58

Vivumbe vya Mbambilone vyakukola, vakavisiwila asi, co vikolo vya tuposhi twayo vakavyenyeka njwa. Vipangi vya miyati ya vanu vyoshe vinapu vyangoco, vyoshe vije vanapangela, vikenya na tuhya. Yange Kalunga Muka-nzili yoshe, njinendekamo.”