Isaya 13:19 - Livulu lya Shukulu Kalunga

¹⁹ Vumwene vwa Mbambilone vwapwa vwavuvwa manene na nzili kutuvakana vumwene vwoshe, vavenya vumwene valyaleselavwo. Oloni yange Kalunga, njikanyongesa Mbambilone ngwe munjanyongesele Sondoma na Ngomola!

Isaya 13:19 Iomraidhean Croise

Kushangumuka 19:24

Aje vene, Shukulu Kalunga wanyokesele tuhya twa lilungu lyakama a vinganda vya Sondoma na Ngomola.

Kushangumuka 19:25

Co wanyongesele membo oshe, na cana coshe, amo na vanu voshe vakelemo, na vyuma vyoshe vije vyamenene muje.

Isaya 13:1

Awa akewo majwi aa Mbambilone, aje atambwile Isaya muna Amoze kuli Njambi.

Isaya 21:9

Kengeni, vaka-kulonda a tuvalu valinakwija! Vavali-vavali. Co muka-kunyunga watambekele ngwendi, “Mbambilone inau! Na tumponya twoshe tuje vakele nakulemesa vanashandokela mu livu.”

Isaya 47:5

Shukulu Kalunga nendeka ku Mbambilone ngwendi, “Tumbama kuluu mu lisusulungu, nalumo lwai lalo vakakutumbula vamwene wa mafuti!

Isaya 48:14

“Kungulukeni yeni voshe mutolilile! Kukwesi vinjambi vayongwele ngwavo munu ou injinaangula asa kulwisa Mbambilone, nakulinga vije vinjishaka ngeci avilinge.

Njelemiya 25:12

Co munima yevi njikanyanyamesa Mbambilone na mwene wamwo a vuvi vwavo. Co njikanyongesa lifuti lije nakulipwisa ngundu ku myaka yoshe.

Njelemiya 49:18

Cuma cimolika cikalingiwa ku Endome ngwe cije calingiwile ku Sondoma na Ngomola, omo vakevo na vinganda vyakwatako vavinyongesele. Co naumo wai lalo akakala muje. Yange Kalunga, njinendekamo.

Njelemiya 50:40

Cuma cimo cikalingiwa ku Mbambilone, ngwe cije calingiwile ku Sondoma na Ngomola, omo njavanyongesele amo na vinganda vije vyakele kuyehi. Naumo wai lalo akakala muje. Yange Kalunga, njinendekamo.

Njelemiya 51:26

Kukwesi limanya limo likatunda kuli yove kupwa limanya lya mu mbango, nambe kupwa limanya lyakujalesa luvula, omwo ukapwa ngundu ku myaka yoshe. Yange Kalunga, njinendekamo.

Njelemiya 51:29

Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Njelemiya 51:41

Shukulu Kalunga alinakwendeka ali vaka-Mbambilone ngwendi, “Nganda ije ivashangazalele kaye koshe vanaifungulula! Mbambilone inemuka cimweso ca vunyengwe ku miyati ya vanu!

Njelemiya 51:62

Asinoni lombela ngwove, ‘Shukulu Kalunga, yove wendekele ngwove ukanyongesa mwela uno, ngeci kesi mukakale cuma cimo cakuyoya, nambe munu, nambe kasitu, co mwela uno ukapwa mambo ku myaka yoshe.’

Ndanyele 4:30

co wendekele ngwendi, “Kengeni vukama vwa Mbambilone! Njaitungile kupwa nganda yange yakama mukumwesa vukama vwange na nzili yange na vumpau vwange na kasingimiko kange.”

Amose 4:11

“Njanyongesele vamo veni ngwe munjanyongesele Sondoma na Ngomola. Co vamo veni vaje vaputumukileo vapwile ngwe cimbundi cakwenya cije civanatundisa mu liko. Nameme ngoco kumwelukile kuli yange.” Mwanendeka Shukulu Kalunga.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Loma 9:29

Ngwe muje mwendekele Isaya akulivanga ngwendi, “Nga Shukulu Kalunga Muka-nzili yoshe katusezeleleko vatekulwila, nga tunapu ngwe Sondoma na Ngomola.”

Kwituluka mu Mashiko 29:23

Mahya akominina, akakakama na lilungu, na mwongwa, cuma nacimo cai cikamenamo, nameme mwila. Co lifuti lyeni likafwa ngwe vinganda vya Sondoma, na Ngomola, na Andema, na Zemboime, vinganda vije vyanyongesele Shukulu Kalunga omo waluvalele manene.

Kujombolola 18:11

Co vaka-kulandulula va ano asi vakamulila nakusikoka, omwo naumo wai akalanda vufuko vwavo,

Kujombolola 18:19

Valishuwilile livu a mitwe yavo, valilile nakusikoka, co vendekele ngwavo, “Kengeni! Naana! Kayeketu! Kayeketu! Nganda eyi yakama! Yapwile nganda ije yafukisile vaka-mato akama voshe vaje vakele nakwendela a mema a kalunga! Co ola imolika lajoko nazimbalesa vyendi vyoshe!”