Isaya 12:2 - Livulu lya Shukulu Kalunga

² Njambi ikeye muyoyesi wange, njikamukulaela kunjikazivi lyova. Omwo Shukulu Kalunga ikeye nzili yange, na mwaso wange. Co napu muyoyesi wange.

Isaya 12:2 Iomraidhean Croise

2 Samwele 7:24

Unalingisa vaIsalele kupwa vanu vove ku myaka yoshe, co yove Shukulu Kalunga, unapu Njambi yavo.

Yombi 13:16

Eci lalo cikapwa ngeci kusimpa kwange kukanjamena, omwo kukwesi munu muka-vuvi uje asa kusimpa ku kenga kuli Njambi.

Myaso 112:8

Ikeye kakazivi lyova nambe kujujuka, noo namono vitozi vendi vanavafungulula.

Myaso 118:14

Shukulu Kalunga ikeye muka-kunjikanyamesa, nakunjana nzili, ikeye napu muyoyesi wange!

Myaso 118:21

Njikushangazala yove Shukulu Kalunga, omwo wakumbulwile malombelo ange, co unapu muyoyesi wange.

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 65:6

Yove wemikile minkinda mu mitambela yayo na nzili yove, mukusholola nzili yove yakukomokesa.

Myaso 68:20

Njambi yetu wapwa Njambi muka-kutwamena, ikeye wapwa Njambi, Shukulu Kalunga uje muka-kutupatula ku kutsa.

Myaso 68:21

Mwa vushunga Njambi akatavozola mitwe ya vitozi vendi, vaje vakakateya mu vingila vyavo vya vuvi.

Myaso 83:18

Vazivuke ngeci yove lika wapwa Shukulu Kalunga, muka-kushwana kaye koshe!

Kutuuka 15:2

Shukulu Kalunga ikeye nzili yange omu mukemwo njilinakumwimbila, omwo nanjamena. Ikeye Njambi yange, co njikamushangazala, ikeye Njambi ya tate, co njikamwimbila a vukama vwendi.

Isaya 10:24

Shukulu Kalunga Muka-nzili yoshe wa Akamwa ya Vyoshe endeka ku vanu vendi vaje vakala mu Siyone ngwendi, “Kesi muzive lyova lya vaAsilya, nameme vamiyandesa ngwe muvamiyandesele va Ingito.

Isaya 17:10

Isalele, munevala Njambi uje wamipatwile nakuminyunga, ikeye limanya lya nzili. Oloni mukuna mahya akujela ngeci mulemese njambi weka.

Isaya 27:5

Oloni nga vitozi va vanu vange vashaka ngeci njivanyunge, veceleni valizivasane nange, co vakakala mu kwoloka.”

Isaya 32:2

Umo na umo wavo akapwa ngwe mwela mwakuvanda lihunzi, na cimpaka mwakuvanda lihunzi lyakama. Vakapwa ngwe vana va vindonga vya mema mu mambo, ngwe limanya lyakama lije lyana munzinze omo kuli ntwima.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 38:20

Shukulu Kalunga, unanjikangwisa, tukaimba tulyalya nakwimba myaso yakukushangazala, tukaimba myaso yakukushangazala mu Njuvo yove matangwa oshe akuyoya kwetu.

Isaya 45:17

Oloni Shukulu Kalunga akamena Isalele, co akahyana ku myaka yoshe, vanu vendi kuvakazivi shwamwa.’ ”

Isaya 49:5

Omo kanda njisemuke, Shukulu Kalunga wanjangwile, ngeci njimupangele, nakwilwisa vanu va Isalele vaje vanashandoka. Shukulu Kalunga nanjana kasingimiko, nakunjipwisa munu wa nzili.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 51:12

Shukulu Kalunga nendeka ngwendi, “Yange muka-kumitakamesa. Omwo vikajo muzivila lyova munu, uje ikeye oma na kutsa ngwe mwila?

Isaya 61:10

Yelusalema ijolela omwo vije vyanalingi Shukulu Kalunga. Shukulu Kalunga nafu ngwe shombolwa nazala vuzalo vwa vushombolwa. Njambi namwamena nakumuhyanesa.

Isaya 62:11

Shukulu Kalunga alinakwendeka ku vanu voshe va mu kaye ngwendi, “Lekeni vanu va Yelusalema ngweni, Shukulu Kalunga alinakwija nakwovola nganda ya Siyone, nakwana vanu vamwo cikandelela.”

Isaya 65:18

Vwaeleleni nakujolela myaka yoshe mu vyuma vyaviha vinjinatanga. Yelusalema yaiha injitanga mukakala kujolela, co vanu vamwo vakavwaelela.

Isaya 7:14

Ngecivene, Shukulu Kalunga ikeye vavenya akamyana cimweso, kengeni mumbanda uje kanda alimone na munalume akakala na limo, co akakita mwana wa munalume, vakamuluka lizina lyendi ‘Manuwele.’

Njelemiya 23:6

Omo akapwa mwene, vanu va mu Yunda vakakala mwamuvwa, na vanu va mu Isalele vakayoya mu kwoloka. Vakamutumbula ngwavo, ‘Shukulu Kalunga Kwamena Kwetu.’ ”

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Ndanyele 3:28

Ngecivene, mwene wendekele ngwendi, “Shangazaleni Njambi ya Shandelaki, na Meshake, na Ambendenengo! Ikeye natumu kangelo kendi kwamena vanalume ava vaka-kumupangela nakumukulaela. Vakevo kuvononokele lishiko lyange, co valambwile myonyo yavo ngeci kesi vakulame nakulemesa njambi weka kuvanga Njambi yavo lika.

Hoziya 1:7

Oloni njikamwesa cizemo ku vanu va mu Yunda. Yange Kalunga Njambi yavo, njikavamena, oloni kunjikavamena nakulwa embwe, nambe na mikwale, nambe na mata a lusipa na mikili, nambe na tuvalu na vaka-kulonda a tuvalu.”

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Yona 2:9

Oloni yange njikaimba nakukwalesa, nakukombelela n̄ombelo kuli yove, nakulinga vije njalikumiiye. Kwamena kwatunda kuli Shukulu Kalunga!”

Hambakuke 3:18

anga vene njikajolela nakuvwaelela muli Shukulu Kalunga, omwo Shukulu Kalunga Njambi, ikeye wapwa muka-kunjinyunga.

Loma 1:16

Omwo kunjesi na shwamwa mukwambulula muzimbu wauvwa, unapu nzili ya Njambi yakwovola voshe vaje vakulaela, akulivanga kuli vaYunda, co lalo na kuli vaje kesi vaYunda.

1 Timateo 3:16

Naumo wai asa kuvyana a vukama vwa cisin̄iko ca vu Njambi vwetu! Uje washolokele mu cifwa ca vunu, Munzinzime wamusholwele kupwa wa vushunga, na tungelo vamumwene. Vamwambulwile akati ka miyati, vamukulaelele mu kaye mwoshe, co vamutwalele mwilu.

Kujombolola 7:10

Vatambekele na majwi akama ngwavo, “Kwamena kwatunda kuli Njambi yetu, uje natumbama a litanda, na kuli Muna Manga!”

1 Samwele 2:1

Hana walombelele ngwendi, “Mbunge yange ijolela muli Shukulu Kalunga, njavwaelela omwo a evi vyanalingi Shukulu Kalunga! Njilinakujola vitozi vange, njijolela manene omwo Njambi nanjikwasa!