Isaya 11:4 - Livulu lya Shukulu Kalunga

⁴ akasompela tuutu mwamuvwa, akaakwila mwa vushunga vaka-. Akahisa vanu na lijwi lya mu kanwa kendi, co akatsiya vaka-vuvi na muku wa mu kanwa kendi.

Isaya 11:4 Iomraidhean Croise

2 Samwele 8:15

Ngecivene, Ndaviti washwanene Isalele yoshe, co walingile mwamuvwa na vushunga kuli vanu vendi.

Yombi 15:30

co ikeye kakatundu mu lisusulungu. Co ikeye akafwa ngwe muti uje minango yawo inenye na tuhya, muti uje vishani vyawo vinapekumuka na lihunzi.

Yombi 4:9

Njambi akavanyongesa mu vukalu vwendi vwakama.

Myaso 110:2

Shukulu Kalunga akatava nzili yove kutunda ku Siyone, co ukashwana akati ka vitozi vove.

Myaso 18:8

Co vwisi vwatuukile mu majulu endi, mulangi wakunyongesa, na manungu a tuhya vyatundile mu kanwa kendi.

Myaso 2:9

Ukavapokola na mulamu wa cikuvo, nakuvasanyozola vimbazuvwila-mbazuvwila, ngwe vitambi vya ndeo ya vuma.’ ”

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

Isaya 13:11

Shukulu Kalunga endeka ngwendi, “Njikahisa kaye omwo vuvi vwako, nakuhisa lalo vaka-vuvi omwo vuvi vwavo. Njikanyongesa kulyalesa kwa vaka-muuka.

Isaya 14:30

Shukulu Kalunga akapwa kanyungi ka vanu vendi vakuutwa nakuvecela ngeci vakale mwamuvwa. Oloni akatuma njala yakukomokesa ya lyangengela ali vamo veni va vaFilisitiya, co vakwavo vakavatsiya.

Isaya 16:5

Asinoni umo wa ku vatekulwila va Ndaviti akapwa mwene, akashwana vanu na kulongwa na cizemo. Co ikeye akalinga vyuma vije vya vushunga, akamona ngeci vushunga vulinakulingiwa vwasi-vwasi).

Isaya 2:4

Ikeye akasompa vin̄anda akati ka miyati yakama. Vakafula mikwale yavo kuyipwisa matemo, co makunga avo vakaapwisa vimoko vyakunongesa minango ya miti. Miyati ya vanu kuvakalilwisa umo na mukwavo lalo na vimoko vya mikwale, co kuvakalivwaesela lalo kulwa nzita embwe.

Isaya 26:6

Vaje vavayandesele valinakwenda akamwa yavyo nakuvilyatangela na mendi avo.

Isaya 29:19

Tuutu na vaka-kulikeesa vakajolela muli Shukulu Kalunga, Njambi wakujela wa Isalele.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 30:28

Ikeye akatumu lihunzi kulutwe lwendi, co lipwa ngwe livazi lije lisindumwina vyuma vyoshe kulyala. Likakombo mafuti nakuwanyongesa nakumanesa matumbe avo amavi.

Isaya 30:31

VaAsilya vakajaja omo vakaziva lijwi lya Shukulu Kalunga, co akavapupa na mulamu wendi.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 32:1

Kengeni, mwene akashwana mu vushunga, na vantwama va lifuti vakashika mwa kulongwa.

Isaya 32:7

Cilema napu muka-vuvi, muka-kulinga vyuma vyavivi, atumba matumbe a makuli akuviisa tuutu nakuvavindika ngeci kesi vawane vushunga.

Isaya 33:22

Shukulu Kalunga wapwa lyaako lyetu na mwene yetu, akatunyungu mwamuvwa.

Isaya 40:7

Mwila ujujwama, na vishani vyuma akushika kwa Shukulu Kalunga. Mwa vushunga vanu vanapu mwila.

Isaya 49:2

Ikeye walingisile majwi ange kuvambuka ngwe moko ya mukwale, nambe ngwe mukili wakushongomoka, wakukalwila cimweja. Wanjinyungile mwamuvwa na livoko lyendi.

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Njelemiya 5:28

omwo vikajo vananunu nakukala mwamuvwa. Vilinga vyavo vyavivi kuvyesi naa avyasikisila. Kuvesi kwana visiwa vije vinavapande nambe kumwesa vushunga kuli vaka-kuyanda.

Hoziya 6:5

Omu mukemwo njatumu vaka-kwimanena vange kuli yeni na majwi a kusompa na akunyongesa. Vinjishaka kuli yeni vinapu vyavyasi vinalumbunuka vikevyo evi.

Zefaniya 2:3

Ilukeni kuli Shukulu Kalunga yeni voshe vaka-kulilumbilisa va mu lifuti, vaje valinakwononoka mashiko endi. Lingeni vije vya vushunga, co lilumbiliseni ku mesho a Shukulu Kalunga. Amo mukaputumuka ku cihiso a litangwa lije omo Shukulu Kalunga akasholola vukalu vwendi.

Malakiya 4:6

Co akatengulwila vimbunge vya vaishe kuli vana, nakutengulwila vimbunge vya vana kuli vaishavo, nga ngoconi, njikaija nakunyongesa lifuti na cisingo.”

Mateo 11:5

tupuputwa vatona, vilema venda, vaka-mbumba vajela, tusinda-matwi vaziva, vatsi vasanguka, tuutu vavambulwila Vin̄anda Vyavivwa.

Mateo 5:5

“Vanavezika vaje vaka-kukongomeka, omwo vakashwana ano asi!

Vilinga vya Miluwa 9:1

A simbu ije vene Saulu wakele na muuka wakushungwiya kutsiya vandongisi va Mwene. Waile kuli Muka-kukombelela Wakama,

2 Kolinte 10:1

Yange, Paulu njimilambelela, yange uje ivalinakwendeka ngwavo, walikeesa na kulyononwesa omo njili amo neni, oloni nji wamukalu omo njili kulyala neni. Njilinakumilomba a kwoloka na kutetela kwa Kilistu ngeci

Ngalatiya 5:23

kulikeesa nakulinyunga. Kukwesi lishiko livindika vyuma vya cifwa eci.

2 Tesalonika 2:8

Asinoni uje Muka-vuvi akasholoka, oloni omo Mwene Yesu akaija, akamutsiya na muku wakutunda mu kanwa kendi nakumunyongesa na vumpau vwendi.

Tito 3:2

Valeke kesi vakashaule munu naumo wai, oloni vapwe vaka-kwoloka nakulizema, co simbu yoshe vasholole vuvwa vunapandemo ku mesho a vanu voshe.

Yakomba 3:13

Kuma akati keni ali muka-mana na muka-kuzivisisa ndi? Ikeye napande kuwajombolola na vukaleo vwakuyoya kwendi kwakuvwa na vilinga vyendi vya cifwa cakulikeesa na mana.

Kujombolola 1:16

Ikeye wakwatele vingongonosi vitanu na vivali mu livoko lyendi lya cilyo, co mu kanwa kendi mwatuukile moko ya mukwale ya vuvela kuvali. Cihanga cendi cavyazimine ngwe misha ya litangwa lya akati ka mutwe.

Kujombolola 19:11

Asinoni njamwene lilu lyashokolokele, co kwakele kavalu wakutoka. Co uje walondeleo vamutumbwile ngwavo Muka-kulongwa na Vushunga, ikeye akasompo nakulwa vinzita vyendi mu vushunga.

Kujombolola 19:15

Co moko ya mukwale yatuukile mu kanwa kendi, ikeyo yakafungulula nayo miyati. Ikeye akavashwana na mulamu wa cikuvo, co akakamuna vinyu mu cikamwino ca vinyu ca vukalu vwa Njambi Muka-nzili yoshe.

Kujombolola 2:16

Tenguluka ku vivi vyove! Nga shove, co njilinakwija vwasi kuli yove nakulwisa vanu vaje na moko ya mukwale yakutunda ku kanwa kange.