Isaya 11:2 - Livulu lya Shukulu Kalunga

² Munzinzime wa Shukulu Kalunga ukamwana mana, nakuzivuka na kulongwa mukushwana vanu vendi. Ikeye akazivuka cizango ca Shukulu Kalunga co akamusingimika,

Isaya 11:2 Iomraidhean Croise

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

Myaso 72:2

ngecivene, akaakwile vanu vove mu vushunga, nakusompela vaka-kuyanda mu vushunga.

Kutuuka 28:3

Co sana vanalume voshe vaka-vutongwe vaje njinaana vutongwe, valeke ngeci vatongele Alone vuzalo, ngeci apwe wakukundama ku vipangi vyange vya vuka-kukombelela.

Isaya 28:6

Akana mana a vushunga kuli maako, nakumona ngeci vanu vendi vasa kwamena vinganda vyavo ku vitozi.

Isaya 32:15

Oloni Njambi lalo akatutumina munzinzime wendi. Lifuti lya vwilo likakala na vwilo, co mu mahya mukamena vimbuto vyavivwa.

Isaya 42:1

Shukulu Kalunga alinakwendeka ngwendi, “Kengeni ngamba yange uje injinatakamesa, uje injinaangula, muli ikeye njinavwaelela. Njikaka munzinzime wange ali ikeye, co akanena vushunga ku mafuti oshe.

Isaya 48:16

“Shwenyeni muyehi nange muzive evi vinjendeka. Kutunda ku vushangumukilo njendekele neni citona-mesho, co majwi ange simbu yoshe anapu a vushunga.” (Ololo Shukulu Kalunga wa Akamwa ya Vyoshe nanjitumu na nzili yendi.)

Isaya 59:21

Njilinakulikumiiya cikumiiyo neni, njinamyana Munzinzime wange na vilongesa vyange kupwa vyeni ku myaka yoshe, co kutunda lelo nakutwala kulutwe, munapande kunjononoka nakulongesa vana veni, na vatekulwila veni kunjononoka visimbu vyoshe vikaija kulutwe.”

Isaya 61:1

Shukulu Kalunga wa Akamwa ya Vyoshe nanjishulisa na Munzinzime wendi. Nanjangula nakunjituma mukutwala muzimbu wauvwa kuli tuutu. Mukukolesa vaka-vimbunge vyakupokoka. Mukwambulwila vinzinda kupatuka, nakupatula vaje vali mu kamenga.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Zakaliya 4:6

Co kangelo wanjilekele kwambulula majwi awa kuli Zelumbambele akutunda kuli Shukulu Kalunga ngwange Shukulu Kalunga nendeka ngwendi, “Yove ukahyana, kesi na nzili ya vushwalale nambe na nzili yove vavenya embwe, oloni na Munzinzime wange.

Mateo 3:16

Omwo Yesu vamumbwitikile, vwasi-vwasi omo watumukile mu mema, co mwilu mwashokolokele, co wamwene Munzinzime wa Njambi watongamene ali ikeye ngwe katela.

Yowano 14:17

Ikeye Munzinzime wa vushunga, uje asholola vushunga vwa Njambi. Vaka-kaye kuvasa kumutambula, omwo kuvasa kumumona nambe kumuzivuka. Oloni yeni mumuzivuka, omwo wakala neni, co ali muli yeni.

Yowano 15:26

“Oloni omo Mukwasi akaija, ikeye Munzinzime, uje akasholola vushunga vwa ali Njambi, akaija kutunda kuli Tate. Njikamutuma kuli yeni kutunda kuli Tate, co akendeka vukaleo vwange.

Yowano 16:13

Omo Munzinzime akaija, uje akasholola vushunga vwa Njambi, akamitwamenena mu vushunga vwoshe. Omwo kakendeka mu nzili yendi embwe, oloni akendeka vije aziva nakumileka vyuma vikaija kulutwe.

Yowano 3:34

Omwo woshe uje yanatumu Njambi endeka majwi a Njambi, omwo Njambi namwana Munzinzime Wakujela muvungi.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

Kwituluka mu Mashiko 34:9

Ngecivene, Yoshwa muna Nune washulile na mana a Munzinzime wa Njambi, omwo Mosesa wamukambekele mavoko nakwinga mu mwela wendi. Co vanu va Isalele vononokele Yoshwa nakunyunga mashiko aje aanene Shukulu Kalunga kuli Mosesa.

2 Timateo 1:7

Omwo Njambi katwanene munzinzime wa lyova, oloni Munzinzime wendi natushulisa na nzili na cizemo nakulinyunga.

Kujombolola 1:4

Viindu vyakutunda kuli Yowano vyakutuma ku vikungulukilo vije vitanu na vivali vya mu lifuti lya Asiya. Kutetela na kwoloka vyakutunda kuli Njambi ou aliko na uje wakeleko, co na uje akaija, vipwe vyeni, co vinatundu lalo kuli minzinzime ije itanu na ivali ili kulutwe lwa litanda lyendi,