Isaya 11:15 - Livulu lya Shukulu Kalunga

¹⁵ Shukulu Kalunga akomisa Linema lya Suwezi, co akasana lihunzi lya ntwima kumisa cau Ndonga ya Yufuleti, kukasala lika vana va vindonga vatanu na vavali, ngecivene, munu woshe akasa kujavuka.

Isaya 11:15 Iomraidhean Croise

Kutuuka 14:21

Mosesa wolwele livoko lyendi akamwa ya mema a kalunga, co Shukulu Kalunga wahuwisile lihunzi lyakama lyatundile mu ngangela. Lihunzi lyahuhwile vutsiki vwoshe, co mema a kalunga omine cau. Co mema alyangunukile,

Kutuuka 14:22

ngecivene, vaIsalele vajavukile a mema a kalunga nakwenda a livu lyakuma. Mema emanene noku-noku ngwe vivumbe, ngeci vanu vendele mukati ka vivumbe vya mema.

Kutuuka 14:29

Oloni vaIsalele vendele a livu lyakuma cau, co vendele mukati ka vivumbe vya mema noku-noku.

Isaya 19:16

Omo Shukulu Kalunga Muka-nzili yoshe akolola livoko lyendi lya nzili mukuhisa Ingito, vaka-Ingito vakazeya manene-nene nakulijajela na lyova.

Isaya 43:16

Ku san̄ulu Shukulu Kalunga wamangele ngila mu mema a kalunga, mema a cingungu-muta.

Isaya 44:27

Yange njishika, co mema a kalunga oma cau.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Isaya 51:11

Vaje vawapatwile vaketa mu Yelusalema nakuvwaelela, vakaimba nakutambeka nakujolela. Vakavwaelela ku myaka yoshe, vanapatuka ku vusiwa nakukuviilila ku myaka yoshe.

Isaya 63:12

Nzili ya Shukulu Kalunga yapangesele Mosesa vyuma vyakama, uje wemikile mema a kalunga nakutwamenena vanu vendi a nzinga, ngeci lizina lyendi litsimane ku myaka yoshe.”

Isaya 7:20

“A litangwa lije, Shukulu Kalunga akalanya muka-kuteula wa musambwa ya Ndonga ya Yufuleti mwene wa vaAsilya! Co ikeye akamiteula minjezi yeni na vin̄ambu vya ku mitwe yeni, na maka aa mivila yeni.

Isaya 8:7

yange Kalunga, njikanena mwene wa Asilya na mashwalale vendi voshe ngeci vakulwise Yunda. Vakaija ngwe livazi lya mema a mu Ndonga ya Yufuleti, aje ajalela ku ngenge yayo yoshe.

Ezekiyele 29:10

yange nji citozi cove na citozi ca ndonga yove ya Nailo. Njikapwisa Ingito yoshe ngundu yangoco, kutunda ku nganda ya Mingendole ku kunto nakweta ku nganda ya Aswane mu mbwela, kutwala na ku nginga yoshe ya Sundane.

Ezekiyele 30:12

Njikomisa Ndonga ya Nailo nakwaka vaka-Ingito mwisi ya nzili ya vaka-vuvi. Co vaka-kwija vakaviisa lifuti lyoshe. Munjinendeka yange Kalunga.”

Zakaliya 10:11

Omo vakaita mu mema a kalunga a tuyando, yange Kalunga njikolwesa mankimba, co Ndonga ya Nailo ikauma cau. VaAsilya vaka-kulyalesa vakalikeesa, co nzili ya Ingito ikahwa.

Kujombolola 16:12

Asinoni kangelo wamucitanu na umo wetilile lilonga lyendi a Ndonga yakama ya Yufuleti. Co ije ndonga yomine cau, mukwana ngila kuli vimyene vaje vatundilila mu ngangela.