Isaya 11:14 - Livulu lya Shukulu Kalunga

¹⁴ Co voshe amo vakalwisa vaFilisitiya vaje vakala ku mutambela wa mu kangombe ka yambi, co vakapukula vufuko vwa vanu vaje vakala mu ngangela. Vakafungulula vanu va ku Endome, na Mowavi, co vaAmoni vakavononoka.

Isaya 11:14 Iomraidhean Croise

Isaya 14:29

Vanu va mu Filisitiya, mulamu uje vamipupisile unapokoka, oloni kumwesi na cuma cakumivwaelelesa cai. Mulamu uje vene ukemuka wa vushungu, nakwimuka lalo linyoka ntoka wakupulula.

Isaya 15:1

Awa akewo majwi aa lifuti lya Mowavi. Vinganda vya Ale na Kile vikanyonga vutsiki vumo, co kwoloka kukakala mu lifuti lya Mowavi mwoshe.

Isaya 16:14

Co Shukulu Kalunga nendeka ngwendi, “Mwa vushunga vene a myaka itatu vufuko vwavungi vwa Mowavi vukahwa. Akati ka vanu vamwo vavangi, vavandondo lika vakasalao, vakapwa va seo.”

Isaya 25:10

Shukulu Kalunga akanyunga Munkinda wa Siyone, oloni vanu va Mowavi vakavalyatangela ngwe muje vakalyatangela vishati ngeci vipwe vwilo.

Isaya 33:1

Vitozi vetu vanavindama! Vanevi nakwenda vungungu, nameme kukwesi umo navevila nambe kuvenda vungungu. Oloni simbu yavo yakwiva nakwenda vungungu ikahwa, co navo lao vakavevila nakuvenda vungungu.

Isaya 59:19

Kutunda mu ngangela nakweta mu kangombe ka yambi, vanu voshe vakakomoka vukama vwa nzili yendi. Akaija ngwe mema a cingungu-muta, ngwe lihunzi lyakama.

Isaya 60:14

Vatekulwila va vaje vakuyandesele vakaija nakutsikama kuli yove mukumwesa kasingimiko kavo. Voshe vaje vakuyeluwisile vakatsikama kuli yove, nakwendeka ngwavo, ‘Yove Siyone nganda ya Shukulu Kalunga, Njambi wakujela wa Isalele.’

Isaya 63:1

“Iyajo ou alinakwija atunda ku nganda ya Mbozile mu Endome nazala vuzalo vwavuvwa manene vwakuvenga? Ou alinakuya kulutwe na nzili?” “Ikeye Shukulu Kalunga, uje ali na nzili yakwamena, alinakwija mukwambulula kuhyana kwendi.”

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Njelemiya 40:11

A simbu imo, vaIsalele voshe vaje vakele mu Mowavi, na Amoni, na Endome, na mafuti eka, vazivile ngwavo mwene wa Mbambilone natava vaIsalele vamo kukala mu Yunda, co napwisa Ngendaliya nguvulu wavo.

Njelemiya 48:40

Shukulu Kalunga nendeka ngwendi citozi akashelumukila a Mowavi ngwe ngonga ajangumuna mambava endi,

Njelemiya 49:2

Oloni simbu ilinakwija omo njikatuma vanu va nganda yakama ya Lamba kwakumilwisa, co lifuti lyeni likapwa vingundu na membo amwo oshe akenya njwa. Co Isalele akatambula lalo lifuti lyendi kuli vaje valitambwile.

Njelemiya 49:22

Citozi akalwisa Mbozile ngwe ngonga ashelumuka nakujangumuna mambava endi, a litangwa lije mashwalale va Endome vakalijajela ngwe munakazi ashaka kukita.”

Njelemiya 49:28

Evi vikevyo vyendekele Shukulu Kalunga a muyati wa Kendale na lifuti lije lyakele mu mavoko a Hazole, lije lyafungulwile Mwene Nevukaneza wa Mbambilone ngwendi, “Lwiseni vanu va Kendale nakunyongesa muyati wa mu ngangela!

Ezekiyele 25:14

Vanu vange va Isalele vakanjilingila shambandinga ali Endome, co vakazivisa Endome vukalu vwange vwakama. Co Endome vakazivuka kulumbunuka kwa shambandinga yange eyi.” Munjinendeka yange Kalunga wa Akamwa ya Vyoshe.

Ndanyele 11:41

Ikeye lalo akakovelela Lifuti lya Cikulaeso nakutsiya vanu vakupwa 100,000. Oloni mafuti a Endome na a Mowavi na vaje vakasalao kuli Amoni vakevo vakatewa.

Njwele 3:19

“Ingito ikapwa mambo, co Endome ikapwa ngundu, omwo valwisile lifuti lya Yunda nakutsiya vanu vamwo vakujeneka mulonga.

Amose 9:12

Co vanu va mu Isalele vakafungulula vije vyasalele mu lifuti lya Endome na miyati yoshe vaje vapwile vange laja.” Mukemwo mwalinakwendeka Shukulu Kalunga, uje akatava evi ngeci vilingiwe.

Hambakuke 1:8

“Tuvalu twavo valinalumbisi kutuvakana shonge, co vakevo vatewesa manene na vukalu kutuvakana tungunga. Vaka-kulonda a tuvalu vakatundu ku mafuti a kulyala, co tuvalu twavo vakalingi musindo asi na vimbemba vyavo. Vaka-kulonda a tuvalu twavo vakalu nzita vwasi-vwasi nakucuncumukila a vitozi vavo ngwe vingonga.

Zefaniya 2:5

Yeni vaFilisitiya munanyongo, yeni vanu mwakala ku ngenge ya mema a kalunga. Shukulu Kalunga namisompo laja. Akaminyongesa, co naumo wai akasalao ali yeni.

Zefaniya 2:7

Vanu va mu Yunda vaje vasalao vakatambula lifuti lyeni. Vakalisila matanga avo a vimanga kuje, co vakakala mu vinjuvo vya vaka-Ashekelone. Co Shukulu Kalunga Njambi yavo akakala amo navo, co akavavezikisa lalo.

Zefaniya 2:9

Mwa vushunga vene yange Kalunga Njambi wa Isalele uje wayoya, njilinakulisinga ngeci Mowavi na Amoni vakanyonga ngwe Sondoma na Ngomola. Mafuti avo akemuka mitambela ya vimbulu vya mwongwa muje kuvakasa kulima vimbuto, co mukamena shaku lika. Co vanu vange vaje vakasalao vakapukula nakwambata lifuti lya Mowavi na Amoni.”

Kulava 24:17

Co njikenga ku vije vikaija kulutwe, njamumono mwene uje akaija, oloni kesi kuyehi. Ikeye nalifu na ngongonosi yakuvyazima, akatuuka kuli Yakomba, mulamu wa vumwene ukatunda mu Isalele. Ikeye akamanesa nzili ya vantwama va vaMowavi, nakufungulula vanu voshe va ku Seta.

Mateo 8:11

Njimileka ngwange vavangi vakaija, vakatunda mu ngangela na mu kangombe ka yambi, co vakatumbama ku mesa amo na Avilahama, na Isake, na Yakomba, mu Vumwene vwa mwilu.

Maako 6:3

Co capwile ngeci, omo vaIsalele vakunine vimbuto vyavo, co vaMindyani, na vaAmaleke, na miyati ya vanu va mu mambo vezile nakuvalwisa.