Isaya 11:1 - Livulu lya Shukulu Kalunga

¹ Cikota ca vumwene vwa Ndaviti cinalifu ngwe muti wakushinja, oloni minango yaiha ijovelela ku cimbundi, ngecivene, mwene wamuhwa akatunda akati ka vatekulwila va Ndaviti.

Isaya 11:1 Iomraidhean Croise

2 Samwele 23:3

Njambi ya Isalele nendeka, muka-kunyunga Isalele nendeka kuli yange ngwendi, “Mwene muka-kushwana na vushunga, muka-kushwana nakwononoka Njambi,

1 Mizimbu 2:12

co Mbowasi wakitile Ovende, co Ovende wakitile Njesi.

Myaso 145:11

Vakendeka vya vumpau vwa vumwene vwove, nakwambulula a nzili yove,

Isaya 11:10

Litangwa lije likaija omo mwene wamuhwa wakutunda ku vumwene vwa Ndaviti akapwa cimweso ku miyati. Miyati vakakungulukila mu nganda ya vumwene vwendi nakumwana kasingimiko.

Isaya 4:2

Simbu ikaija omo Shukulu Kalunga akalingisa lifuti lyendi kukala na vwilo na vumpau. Co vanu va Isalele voshe vaje vakayoya vakajolela nakuvwaelela a vije vilinakumena mu lifuti lyavo.

Isaya 53:2

Capwile cizango ca Shukulu Kalunga ngeci ngamba yendi akole ngwe kamuti kakandondo kamena mu livu lyakuma. Kakele na kasingimiko nambe vuvwa ngeci tumukenge. Kakele na seo ngeci tumukomoke, nacimo cai catulupwisile mbunge ngeci tukenge kuli ikeye.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 23:5

Shukulu Kalunga alinakwendeka ngwendi, “Simbu ilinakwija omo njikaangula mwene wa kulongwa wa ku vatekulwila va Ndaviti. Mwene uje akashwana na mana, nakulinga vyavivwa na vushunga mu lifuti mwoshe.

Njelemiya 33:15

A simbu ije njikaangula mwene wa vushunga, mutekulwila wa Ndaviti. Mwene uje akalinga vya vushunga na kulongwa, mu lifuti mwoshe.

Ezekiyele 17:22

Evi vikevyo vyalinakwendeka Shukulu Kalunga wa Akamwa ya Vyoshe ngwendi, “Njikapokola shongo ya njovolwezi ya muti waulaja wa kendale, co njikaukuna a munkinda waulaja,

Ezekiyele 37:25

Vakakala mu lifuti lije linjanene kuli ngamba yange Yakomba, mu lifuti lije muvakele vakukulwila vavo. Vakakala muje myaka yoshe, ngecivene, vana vavo na vatekulwila vavo voshe vakakala muje myaka yoshe. Ngamba yange Ndaviti ikeye akavashwana myaka yoshe.

Mika 5:2

Shukulu Kalunga alinakwendeka ngwendi, “Yove Mbetelehema Efaleta yove wapwa uwamundondo akati ka vinganda vya mu Yunda, oloni kuli yove kukatunda muka-kushwana Isalele, uje naanga yendi yakeleko tunde ku san̄ulu.”

Zakaliya 3:8

Tolilila, Yoshwa akupwa yove Muka-kukombelela Wakama, cooni tolilileni, yeni vakwavo vaka-kukombelela, yeni munapu cimweso cacivwa ca kulutwe. Njikasholola ngamba yange, uje ivatumbula ngwavo Munango!

Zakaliya 6:12

Co muleke ngwove Shukulu Kalunga Muka-nzili yoshe alinakwendeka ngwendi, ‘Munalume uje ivanatumbula ngwavo Munango akakula kwoshe kuje kwali, co akatungulula Njuvo yange.

Mateo 1:1

Ou ukewo mukana wa vikota vya vakukulwila va Yesu Kilistu, wa ku cikota ca Ndaviti, na ku cikota ca Avilahama.

Loma 15:12

Co lalo Isaya endeka ngwendi, “Mutekulwila wa Njesi akasholoka, akaija mukushwana vaje kesi vaYunda, co vakaka cinyangavili cavo muli ikeye.”

VaHevelu 7:14

Omwo tunazivuka mwamuvwa ngwetu mwene yetu wasemukile ku muyati wa Yunda, co Mosesa kendekele a muyati uje omo wendekele vya vaka-kukombelela.

Kujombolola 22:16

“Yange Yesu, njinatumu kangelo kange nakwambulula vyuma evi kuli yeni mu vikungulukilo. Yange njatunda ku naanga ya Ndaviti, yange litota lyakuvyazima lya mutondo.”

Kujombolola 5:5

Asinoni umo wa vaje vakulunu wendekele kuli yange ngwendi, “Kesi ulile. Kenga! Ndumba wakutunda ku muyati wa Yunda, naanga yakama ya kuli Ndaviti, ikeye nahyana, co asa kuvatula tusateso otu tutanu na tuvali nakufukula eli livulu.”

Lute 4:17

Vanakazi vaje muvalyatelele valukile mwana lizina lya Ovende. Co valekele vanu voshe ngwavo, “Kuli Naumi kunasemuka mwana wa munalume.” Ovende ikeye ishe ya Njesi, uje wakitile Ndaviti.

1 Samwele 17:58

Co Saulu wamwihwile ngwendi, “Ove mukwenje, u muna iya?” Ndaviti wamukumbulwile ngwendi, “Nji muna ndungo yove Njesi, wa mu limbo lya Mbetelehema.”