Isaya 10:5 - Livulu lya Shukulu Kalunga

⁵ Shukulu Kalunga wendekele ngwendi, “Njipangesa Asilya kupwa mulamu wakupupisa vaje vanjinaluvalela.

Isaya 10:5 Iomraidhean Croise

Kushangumuka 10:11

Omo watundile mu lifuti lije, co waile ku Asil ya nakukatunga vinganda vya Nenivayi, na Lehombote Ile, na Kala,

2 Vimyene 18:25

Kuma wayongola ngwove njinalwisa lifuti lyove nakulinyongesa kwakujeneka Shukulu Kalunga kunjikwasa ndi? Shukulu Kalunga vavenya ikeye wanjilekele kulilwisa nakulinyongesa.”

2 Vimyene 19:25

“Kuma kuwazivile ngeci yange Kalunga njayongwele laja vutumbe ovu ndi? Co ololo njinavusholola. Njakwanene nzili yakutengulula vinganda vya vimpaka kuvipwisa mitumbo ya vishwashwa.

Myaso 125:3

Vaka-vuvi kuvakashwana lifuti lya vaka-vushunga, nga vakalingamo, co vaka-vushunga vakalinga vuvi.

Myaso 17:14

Yove Shukulu Kalunga, njamene na livoko lyove ku vanu vaje valinakuvwaelela nakuyoya kwa ano asi. Vahise na tuyando tuje tuwavatulikila, tupwe twatungi kuli vana vavo, tupwe lalo twatungi kuli vatekulwila vavo!

Isaya 10:15

Oloni Shukulu Kalunga endeka ngwendi, “Kuma njaviti yasa kukala na nzili kutuvakana uje munu alinakuyipangesa ndi? Kuma saha yasa kupwa ya vulemu kutuvakana munu uje alinakuyisaesa ndi? Mulamu kuwesi kujundula munu, oloni munu ikeye akajundula mulamu.”

Isaya 10:25

Mu kasimbu kakandondo lika, njikalikela kumihisa, asinoni njikavanyongesa.

Isaya 13:5

Valinakutunda ku mafuti a kulyala a ku shongo ya asi. Co Shukulu Kalunga akamwesa vukalu vwendi mukunyongesa lifuti.

Isaya 14:24

Shukulu Kalunga Muka-nzili yoshe nalisingi cisingo ngwendi, “Vije vinjinayongola vikalingiwa, ngwe vene muje njinendeka.

Isaya 14:25

Njikanyongesa vaAsilya mu lifuti lyange lya Isalele nakuvalyatangela a minkinda yange. Njikapatula vanu vange ku vunzinda vwa vaAsilya.

Isaya 23:13

Kengeni vije vanalingi vaAsilya ku Mbambilone! Vanalwisa nakunyongesa mapela oshe a mu lifuti. VaAsilya vazengelekele tuposhi, nakusiwula vimpaka vya Mbambilone nakuseza nganda yamupulungwa.

Isaya 26:20

Vanu vange, koveleni mu vinjuvo vyeni, co lishokeyeyenimo. Vandeni kasimbu kakandondo lika, noo vukalu vwa Njambi vunahu.

Isaya 29:2

co Njambi akanena tuyando a nganda eyi ivatumbula “Mutula wa Njambi.” Co kukakala kulila nakuulula, nganda yoshe ikapwa ngwe mutula wakufwika na maninga.

Isaya 30:27

Nzili ya Shukulu Kalunga na vumpau vwendi wasa kuvimwena alyala. Tuhya na vwisi vimwesa vukalu vwendi. Ikeye endeka, co majwi endi ashukuma ngwe tuhya.

Isaya 30:30

Munu woshe akaziva lijwi lyakukomokesa lya Shukulu Kalunga, nakuziva nzili ya vukalu vwendi. Co kukakala milangi ya tuhya, na kankumba, na nyonzi ya mamanya, na mita yakama.

Isaya 30:9

Simbu yoshe valinakutengulukila Njambi, simbu yoshe vapwa vaka-makuli, simbu yoshe vakavyana kutolilila ku vilongesa vya Shukulu Kalunga.

Isaya 34:2

Shukulu Kalunga naluvala na miyati ya vanu voshe, na mashwalale vavo voshe. Ikeye navasompela kutsa.

Isaya 66:14

Omo mukamona vyuma evi vilingiwa, co mukavwaelela, cikamilingisa kukala na nzili na vuvwa. Asinoni mukazivuka ngweni yange Kalunga, njikwasa vaje vaka-kunjononoka, co njikamwesa vukalu vwange kuli vitozi vange.”

Isaya 7:17

“Shukulu Kalunga akanena ali yove, na ali vanu vove, na ali naanga yoshe ya vumwene, matangwa a tuyando twakama kutuvakana matangwa a tuyando aje akeleko tunde aje vwalitepesele vumwene vwa Isalele na Yunda, ikeye akanena mwene wa Asilya ngeci akumilwise.

Isaya 7:20

“A litangwa lije, Shukulu Kalunga akalanya muka-kuteula wa musambwa ya Ndonga ya Yufuleti mwene wa vaAsilya! Co ikeye akamiteula minjezi yeni na vin̄ambu vya ku mitwe yeni, na maka aa mivila yeni.

Isaya 8:4

Simbu kanda mwanike azivuke kusana ‘Nana’ nambe ‘Tate,’ vufuko vwoshe vwa mu Ndamasiku na vyuma vya seo vyoshe vya mu Samaliya vakavyambata kuli mwene wa Asilya.”

Isaya 8:7

yange Kalunga, njikanena mwene wa Asilya na mashwalale vendi voshe ngeci vakulwise Yunda. Vakaija ngwe livazi lya mema a mu Ndonga ya Yufuleti, aje ajalela ku ngenge yayo yoshe.

Ezekiyele 22:31

Ngecivene, vukalu vwange vukakala ali vakevo omwo vije vivanalingi, co njikavanyongesa ngwe muje mutukanyongesa tuhya.” Shukulu Kalunga wa Akamwa ya Vyoshe nendekamo.

Ezekiyele 7:10

Litangwa lya tuyando twakama lilinakwija ali Isalele. Mbweti yakukupupisa ilinakujovelela. Kulyalesa kunaama manene.

Ndanyele 11:36

“Mwene wa Silya akalinga cizango cendi. Ikeye akalishasha ngwendi napu wakama kutuvakana njambi woshe-iwoshe, co lalo ngwendi ikeye napu wakama kutuvakana Njambi wa Akamwa ya Akamwa. Akalinga eci noo simbu iketa ije Njambi akamunyanyamesa. Njambi akalinga vije vyanayongola.

Nahumi 1:1

Eli likelyo lijwi lya Shukulu Kalunga a nganda ya Nenevayi. Nahumi uje watundile ku nganda ya Elekoshe, wasonekele vyuma vije Njambi wamumweselevyo mu cimona.

Hambakuke 1:12

Shukulu Kalunga, kutunda kukushangumuka yove wapwa u Njambi vene. Yove wapwa u Njambi yange wakujela, co wakala myaka yoshe. Shukulu Kalunga, Njambi yange muka-kunjinyunga, yove unaangula vaMbambilone, co unavana nzili ngeci vatuhise.

Zefaniya 2:13

Shukulu Kalunga akapangesa nzili yendi mukunyongesa Asilya. Co akanyongesa nganda ya Nenevayi nakuyipwisa ngundu, mambo yakujeka mema.

Kulava 24:24

Vaka-kulwa vakaija mu mato akama kutunda ku Sipulase, co vakafungulula Asilya na Evele, oloni vakevo lalo vakanyonga voshe njwa.”