Isaya 10:4 - Livulu lya Shukulu Kalunga

⁴ Vakamitsiila mu nzita, nambe kumikokangeya ngwe vinzinda. Oloni nameme ngoco vukalu vwa Shukulu Kalunga kuvukahu, anga akolola livoko lyendi mukuhisa.

Isaya 10:4 Iomraidhean Croise

Isaya 22:2

Nganda yoshe ilinakutambeka, inashulu na muyoyo nakutangalala. Vanu vaje vanalala mu vitapalo omwo yakupenda kuvavatsiile mu nzita.

Isaya 24:22

Njambi akaka mbunga ya vimyene mu citeke ngwe vinzinda. Akavashokela mu kamenga noo simbu ya kusompa kwove inete.

Isaya 34:3

Mivila yavo kuvakaitsindi, oloni ikavolela nakunikila kuje vene, co minkinda ikavenga na maninga.

Isaya 5:25

Shukulu Kalunga naluvala na vanu vendi, co nolola livoko lyendi nakuvahisa. Minkinda ikajaja, co mivila ya vanu va kutsa ikalala mu vitapalo ngwe vyuma vya mazilo. Nameme ngoco, vukalu vwa Shukulu Kalunga kuvukahwilao embwe, oloni anga akolola livoko lyendi mukuvahisa.

Isaya 66:16

Mukwale wendi wa tuhya ukanena vushunga kwoshe-ikwoshe ano asi nakutsiya vanu vavangi.

Isaya 9:11

Shukulu Kalunga nashangumuna vitozi va Lezine ngeci vavalwise.

Isaya 9:12

Lifuti lya Silya mu ngangela na lifuti lya Filisitiya mu kangombe ka yambi, vaneshama tunwa twavo ngeci vamine Isalele. Nameme ngoco vukalu vwa Shukulu Kalunga kuvwahwililileo embwe, oloni anga nolola livoko lyendi mukuhisa.

Isaya 9:16

Vaje vatwamenena vanu ava valinakuvongumuna nakuvazimbalesa.

Isaya 9:17

Ngecivene, Shukulu Kalunga kakatava vakwenje ngeci vaputumukeo, co kakazivila lalo mema ku mbunge vifwile nambe visiwa, omwo vanu voshe vanapu vaka-kujeneka kukulaela, co vanapu vaka-vuvi, na vyuma vyoshe vendeka vinapu vya vuvi. Nameme ngoco, vukalu vwa Shukulu Kalunga kuvukahu, oloni anga akolola livoko lyendi mukuvahisa.

Isaya 9:20

Co mu lifuti mwoshe vanu vakanyangula nakulya tuvyakulya tumo tuvasa kuwana, oloni kuvakasa kukuta. Valya nameme vene vana vavo!

Isaya 9:21

Vanu va Manase na vanu va Efalime valinakulilwisa vakevo vavenya, co vatenguluka nakulwisa Yunda. Oloni nameme ngoco, vukalu vwa Shukulu Kalunga kuvukahu, anga nolola livoko lyendi mukuhisa.

Njelemiya 15:2

Nga vakwihula ngwavo kulijo kuvanapande kuya, valeke ngwove yange Kalunga njinendeka ngwange, ‘Vaje vanapande kutsa ku mushongo, vatse vene ku mushongo! Vaje vanapande kutsa ku nzita, vanapande vene kutsa ku nzita! Vaje vanapande kulanduka ku njala ya lyangengela, vanapande vene kulanduka ku njala ya lyangengela! Vaje vanapande kuvatwala mu vunzinda, vanapande vene kuvatwala mu vunzinda!’ ”

Njelemiya 37:10

Nameme nga mukafungulula mbunga ya mashwalale va Mbambilone voshe, nakuseza lika vanalume vakuvetwa vanalala mu vimbalaka vyavo, oloni vanalume vaje vakuvetwa anga vene vakenduka nakwenyeka nganda eyi.”

Njelemiya 4:8

Ngecivene, zaleni vikeleya, co lileni nakumbolozoka omwo vukalu vwakukomokesa vwa Shukulu Kalunga, vuli ali Yunda.

Hoziya 9:12

Oloni nameme valela vana, anga njikavatambulavo naumo wai njikasezao wakuyoya. Omo njikajenjuka vanu ava, co vyuma vyavikalu vikalingiwa kuli vakevo.”

VaLevi 26:17

Co njikamikengesa nima, co vitozi veni vakamifungulula nakumishwana. Co mukakala na cova-ova, mukatewa ngwe kuli umo ali na kumisheka, kumani naumo wai amisheka.

Kwituluka mu Mashiko 32:30

Omwo vikajo vanu 1,000 vafungulukile kuli munu umo? Na vanu 10,000 vafungulukile kuli vanu vavali lika? Omwo Shukulu Kalunga Njambi yavo wavakengesele nima, omwo Njambi yavo muka-nzili wavakundikile mu mavoko avo.