Isaya 10:33 - Livulu lya Shukulu Kalunga

³³ Shukulu Kalunga Muka-nzili yoshe akavawisila asi ngwe minango yakushaja ku muti. Co vaka-kulyalesa na vaka-kulijundula vakevo vavenya vakavashinjila asi nakuvazivisa shwamwa.

Isaya 10:33 Iomraidhean Croise

2 Mizimbu 32:21

Co Shukulu Kalunga watumine kangelo uje wakatsiile mashwalale na vamyata va mbunga ya mashwalale vaAsilya. Ngecivene, mwene welukile na shwamwa ku lifuti lyendi. Co litangwa limo omo wakele mu njuvo ya njambi yendi, vana vendi va vanalume vamutsiile na mikwale yavo.

Isaya 18:5

Omo kanda vacikungulule vushuka, omo vishani vyoshe vinatotomoka, co vushuka omwo vuhya, Shukulu Kalunga akanyongesa vaSundane ngwe moko ivatozola minango ya mikolovozi ya vushuka vwa vinyu.

Isaya 32:19

Nameme nyonzi ya mamanya ikawisa miti mu shwata na vinganda vikasiwuka.

Isaya 33:3

Omo utulwila, miyati ya vanu vatewa muyoyo wa nzita yove.

Isaya 37:38

A litangwa limo, omo wakele nakulemesa mu njuvo ya njambi yendi Nisoloke, vana vendi vavali va vanalume, Andalameleke na Shalezele, vamutsiile na mikwale yavo, co vatewelele ku lifuti lya Alalate. Munendi Esalehandone wamushwanene kupwa mwene.

Isaya 5:15

Munu woshe akaziva shwamwa, co vaka-kulyalesa voshe vakavakeesa.

Njelemiya 22:7

Njikatuma vanu ngeci vakalinyongese. Voshe vakaija na vinjaviti vyavo mukushinja vimanda vyayo vyavivwa vya kendale, nakuvyumbila mu liko.

Ezekiyele 31:3

Yove unalifu ngwe muti wa kendale wa ku Lembanone, uli na minango na munzinze wauvwa. Muti waulaja manene unete na ku mashelwa.

Ndanyele 4:37

“Ngecivene, ololo, yange Nevukaneza njishangazala nakusingimika nakulemesa Njambi ikeye Mwene wa Lilu. Vyuma vyoshe vyakalingi vyapwa vya vushunga, co vingila vyendi vyapwa vya kulongwa, co akononwesa uje woshe alyalesa.”

Amose 2:9

“Nameme ngoco, vanu vange, omwo yeni ngeci njanyongesele vaAmoli, vaje vapwile vanu vavalaja ngwe miti ya kendale, co vakele na nzili ngwe miti ya Oke.

Nahumi 1:12

Evi vikevyo vyalinakwendeka Shukulu Kalunga kuli vanu vendi va Isalele ngwendi, “Nameme vaAsilya vatumu manene, nambe vali na nzili, vakanyonga, co vakaziluka. Vanu vange, njamiyandesele, oloni kunjikacilingi lalo embwe.

Luka 14:11

Omwo woshe uje akalyaka ku vukama vakamukeesa, co woshe uje alikeesa vakamwaka ku vukama.”