Isaya 10:3 - Livulu lya Shukulu Kalunga

³ Vatijo mukalinga omo Njambi akamihisa? Vatijo mukalinga omo ikeye akanena miyati yeka ngeci vamilwise nakumihisa? Kulijo kumukatewela ngeci mukawaneko vukwasi? Vufuko vweni mukavutewesela kuli?

Isaya 10:3 Iomraidhean Croise

Kushangumuka 31:1

Yakomba wazivile ngeci vana va Lambani va vanalume valinakwendeka ngwavo, “Yakomba nambata vyuma vyoshe vya tatetu vikevyo vije vinamufukisa.”

2 Vimyene 7:15

Co vaje vanalume vaile noo vaketele ku Yondau, co mu ngila mwoshe vamwene vuzalo na vivala vije vivasezele vaSilya omo vatewele. Asinoni velukile, co vakambulwile vukaleo kuli mwene.

Yombi 31:14

Nga kunjilingimo, vatijo njasa kulimona na Njambi? Vatijo njasa kwendeka omo Njambi aija mukunjisompa?

Visimo 11:4

Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Isaya 13:6

Lileni, nakukangoka! Litangwa lili muyehi, omo Shukulu Kalunga Muka-nzili yoshe akaija mukunyongesa.

Isaya 17:4

Shukulu Kalunga wendekele ngwendi, “Litangwa lilinakwija omo vukama vwa Isalele vukahwa, mu vufuko vwendi vakengisamo vuutu.

Isaya 20:6

Omo vyuma evi vikalingiwa, vanu vaje vatungila ku ngenge ya ndonga ya mema a kalunga ya Filisitiya vakendeka ngwavo, ‘Kengeni vije vinalingiwa ku vanu vaje twajendamenene ngeci vatunyunge kuli mwene wa Asilya! Twasa kuyoya vatijo?’ ”

Isaya 26:14

Vaje vitozi vanatsi voshe, vanatsi kuvakasanguka lalo, unavahisa, co vananyongo, naumo wai lalo akavanuka.

Isaya 26:21

Shukulu Kalunga alinakwija kutunda mwilu muje mwakala mukuhisa vanu va ano asi omwo a vuvi vwavo. Kulitsiya kuje kwalingiwile mu vushweke ano asi kukajomboloka, co livu kulikashweke vanu vaje vavatsiile.

Isaya 28:20

Mukapwa ngwe munu uje vasoneka mu livulu lya visimo, munu uje wesekele kulala a vulili vwavwihi oloni wonwene kutandavala, na lipai lyendi lalo lyapwile lyalindondo ngeci kasele kulishetula.

Isaya 29:6

Shukulu Kalunga Muka-nzili yoshe akakupatula na nzili ya lihunzi lyakama na likuna lya tuhya twa vukalu,

Isaya 30:16

Oloni mutumba vutumbe vwakutewa kuli vitozi veni akulonda a tuvalu twa lumbisi. Mwamuvwa kuli yeni kutewa! Munayongola ngweni tuvalu tweni vali na lumbisi, oloni tuvalu twa vaje valinakumisheka vali na lumbisi kutuvakana.

Isaya 30:5

vanu va mu Yunda vakaziva shwamwa omwo vakulaelele muyati kuwesi na seo, muyati uje ukonwa kuvakwasa.”

Isaya 30:7

Ingito kuyasa kumikwasa, omu mukemwo njashendumuna Ingito ngwange, ‘Candza-ngombe Wa Vushungu.’ ”

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 39:3

Asinoni Isaya muka-kwimanena waile kuli Mwene Hezekiya, wamwihwile ngwendi, “Vanu ava vanatundu kulijo? Vikajo vanendeka kuli yove?” Hezekiya wamukumbulwile ngwendi, “Vanatundu ku lifuti lya kulyala, ku Mbambilone.”

Isaya 5:14

Vukalo vwa vatsi vulinakuvashungwiya, vuneshama kanwa kavwo, ngeci kaleule vaka-kufuka va mu Yelusalema amo na mbunga ya muyoyo wa vanu vangoco.

Isaya 5:26

Shukulu Kalunga akalinga cizivukiso cakusana miyati yeka yakulyala. Navasana na mulozi, co kengeni, valinakwija lumbisi!

Njelemiya 22:7

Njikatuma vanu ngeci vakalinyongese. Voshe vakaija na vinjaviti vyavo mukushinja vimanda vyayo vyavivwa vya kendale, nakuvyumbila mu liko.

Njelemiya 4:30

Yelusalema, unanyongo! Omwo vikajo uzalela vyakuvenga? Omwo vikajo uzalela vya senga nakukwita mufwitilo ku mesho ove? Ulisina ngoco kulivwaesa! Vaka-cizemo cove vanakuvyana, vashaka kukutsiya.

Njelemiya 5:31

Vaka-kwimanena kuvesi nakwendeka vya vushunga kuvanga vya makuli lika, vaka-kukombelela kuvesi kumba mbunge ku vije njishaka yange, co vanu vange navo lalo valinakukavangeya vyuma evi. Oloni vakalinga vatijo omo litangwa lya vukalu liija?’ ”

Njelemiya 9:9

Kuma kunjikavanyanyamesa a vyuma evi ndi? Kuma kunjikalingi shambandinga a muyati wa cifwa cangeci ndi? Yange Kalunga, njinendekamo.”

Hoziya 5:13

“Omo Isalele wamwene alinakuvinja, co omo Yunda wamwene vimbandu vyendi vavenya, asinoni Isalele waile ku Asilya nakukalomba mwene wakama mukumukwasa, oloni kasele kuvasaka nameme kukangwisa vimbandu vyavo.

Hoziya 9:5

Vakalinga vati omo simbu ya matangwa a viwano vivemika vya kusingimika Shukulu Kalunga iketa?

Hoziya 9:7

Simbu yakunyanyamesa inete, simbu ije omo vanu vakatambula vije vinavapande. Omo cuma eci cikalingiwa, Isalele vakacizivuka! Mulinakwendeka ngweni, “Ou muka-kwimanena napu cikolokomba. Munalume ou wa Njambi nazaluka.” Yeni vanu mwanjizinda manene omwo vuvi vweni vunapu vwavungi manene.

Amose 5:19

Likapwa ngwe munu atewa ndumba, co aliwana lalo na mbeya! Nambe ngwe munu aija ku njuvo yendi, co aaka livoko lyendi a civumbe, co aje vene ashumiwa ku linyoka!

Mika 7:4

Nameme vana vavavwa vakwononoka manene, oloni vanapu ngwe shaku yangoco. Litangwa likaija omo Njambi akanyanyamesa vanu, ngwe muje mwavanangwile ali vaka-kunyunga vavo vaka-kwimanena. Co ololo vali mu citanga.

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Luka 19:44

Co vakevo vakakunyongesa njwa amo na vanu vove vaje vali mu vivumbe vyove, kuvakaseza limanya limo mu mutambela walyo, omwo yove kuwazivukile simbu omo Njambi wezile nakukwovola!”

Kwituluka mu Mashiko 28:49

Shukulu Kalunga akamitumina muyati wakutunda kulyala, muyati wa vanu vaje kumuzivuka ndaka yavo. Vakevo vakumicuncumukila ngwe ngonga.

1 Petulu 2:12

Futisi yeni akati ka vaka-kujeneka kukulaela inapande kupwa yaivwa ngeci omo vamyana mulonga wakupanga vuvi, vakevo vakamona vilinga vyeni vyavivwa, co vakashangazala Njambi a Litangwa lyendi lyakwija.