Isaya 10:29 - Livulu lya Shukulu Kalunga

²⁹ Vanajomboka ngila, co vanakalalela ku Ngemba! Vanu va mu nganda ya Lama vali na lyova, co vanu va mu nganda ya Ngimbeya ya Mwene Saulu vanatewe.

Isaya 10:29 Iomraidhean Croise

1 Vimyene 15:23

Vyuma vyeka vije vyalingile Mwene Asa, vilinga vyendi vyakunyanyama na membo aje azengelekele cimpaka, vyoshe vavisoneka mu Livulu lya Mizimbu ya Vimyene va mu Yunda. Oloni omo wakuluvalele, watengukile na mushongo wa mendi.

Njelemiya 31:15

Shukulu Kalunga alinakwendeka ngwendi, “Vanazivi lijwi mu Lama, lijwi lyakusikoka nakulila manene, Lakele alilila vana vendi, avyana kumuzembeleka, omwo vakevo vaiko.

Hoziya 10:9

Shukulu Kalunga alinakwendeka ngwendi, “Vanu va Isalele kuvalikelele kulinga vuvi ku mesho ange tunde a simbu ije valingile vuvi ku Ngimbeya. Ngecivene, nzita ikavawana ku Ngimbeya.

Hoziya 5:8

Imbeni malupembo a nzita mu Ngimbeya! Imbeni mwondo wa nzita mu Lama! Tambekeni mutambi wa nzita mu Mbetele! Koveleni mu nzita yeni vanalume va Mbenjemani!

Hoziya 9:9

Vanapu vavavi manene mu vije valinakulinga, ngwe muje muvafwile ku Ngimbeya. Njambi akanuka vuvi vwavo nakuvanyanyamesa.

Yoshwa 21:17

Co ku mutambela wa Mbenjemani vavaanene vinganda viwana, mazina avyo, Ngimbiyone, na Ngemba,

1 Samwele 10:26

Co Saulu nendi welukile ku Ngimbeya. Co mashwalale vamo, vaje Njambi wasindiiye vimbunge vyavo, vaile amo nendi.

1 Samwele 11:4

Co miluwa vetele ku Ngimbeya, kuje kwakele Saulu, co omo vambulwile muzimbu, vanu vashangumukile kulila.

1 Samwele 13:16

Saulu, na munendi Yonatana, na vanu vavo, vakele mu Ngemba, mu lifuti lya Mbenjemani, co vaFilisitiya vatungilile cilombo cavo ku Mikemashe.

1 Samwele 13:2

Saulu waangwile vanalume 3,000 mu Isalele. Vanalume 2,000 vakele amo na Saulu ku Mikemashe mu lifuti lya malundu a ku Mbetele, co watumine vanalume 1,000 vaile na munendi Yonatana ku Ngimbeya, mu lifuti lya muyati wa Mbenjemani. Co vaje vasaleleo Saulu wavatumine munu na munu kuya ku mbalaka yendi.

1 Samwele 13:23

Co vaFilisitiya vatumine mbunga ya mashwalale kukemana ku ngila ya ku Mikemashe.

1 Samwele 14:2

ikeye watungile cilombo cendi mwisi ya muti wa lipomingilanete mu Mingelone, kesi kulyala na Ngimbeya, wakele na vanalume vakweta ku 600.

1 Samwele 14:4

Yonatana wetile mukati ka ngila ya ku Mikemashe, co wetele ku cilombo ca vaFilisitiya, kuje kwakele mamanya avali akushongomoka, limanya limo valyakele sambwa limo lya ngila, limanya likwavo valyakele sambwa likwavo lya ngila, valitumbwile ngwavo Mbozeze, co likwavo ngwavo Sene.

1 Samwele 14:5

Limo lyakele ku mutambela wa kunto ya ngila, lyakengele ku Mikemashe, co limo lalo lyakele ku mutambela wa mu mbwela lyakengele ku Ngemba.

1 Samwele 15:34

Asinoni Samwele waile ku Lama, co Mwene Saulu waile kwimbo lyendi ku Ngimbeya.

1 Samwele 7:17

Asinoni welukile kwimbo lyendi ku Lama, co kuje wapwile lyaako. Co ku Lama watungilile Shukulu Kalunga mutula.