Isaya 10:27 - Livulu lya Shukulu Kalunga

²⁷ Omo simbu ije iketa, njikamipatula ku nzili ya Asilya, co mandauluwa yavo kuyikaleme lalo a vitsili vyeni.”

Isaya 10:27 Iomraidhean Croise

2 Samwele 1:21

“Nyonzi nambe lime kesi viwile a malundu a Ngilembowa, mahya ao kesi akale na vyakulya simbu yoshe. Omwo vintelo vya vaka-kusimpa vyapokokelele aje vene na shwamwa, ntelo ya Saulu kuvakaikwiti mufwitilo na mazi lalo.

Myaso 105:15

Wendekele kuli vakevo ngwendi, “Kesi muvulumune vangamba vange vakwangula, co kesi muvulumune vaka-kwimanena vange!”

Myaso 132:10

Shukulu Kalunga, Ndaviti napu munu wove wakwangula, kesi umuvyane embwe.

Myaso 2:6

“Njinaka mwene yange a Siyone, lilundu lyange lyakujela.”

Myaso 20:6

Ololo njazivuka ngeci Shukulu Kalunga akahyanesa mwene uje yanavwavesa, ikeye akamukumbulula kutunda mwilu muje mwakujela, co a nzili yendi yakama ya livoko lyendi lya cilyo akamuhyanesa.

Myaso 45:7

Uzema vushunga nakuzinda vuvi, mukemwo Njambi, Njambi yove, nakuvezikisa vivezikiso vyakama kutuvakana vimyene veka.

Myaso 81:6

“Njatundisile vitele vyakulema a vitsili vyeni, co njamitulile vitele vyeni vya vindopi.

Myaso 84:9

Tolilila yove Njambi! Vezikisa mwene yetu, mwene uje iwunaangula!

Isaya 14:25

Njikanyongesa vaAsilya mu lifuti lyange lya Isalele nakuvalyatangela a minkinda yange. Njikapatula vanu vange ku vunzinda vwa vaAsilya.

Isaya 30:23

Omo mukuva vimbuto vyeni, Shukulu Kalunga akanyokesa nyonzi yakuvikulisa, co mukateja vimbuto vyavingi, vimuna vyeni vakakala na mwila waungi.

Isaya 37:35

Njikamena nganda eyi nakuyinyunga, omwo a lizina lyange, na omwo a cikulaeso njalingile kuli ngamba yange Ndaviti.’ ”

Isaya 52:2

Yelusalema, katuka mu likungu! Litotomone likungu, tumbama a litanda lyove! Yeni vinzinda va Siyone lizituleni malyenge aje anamikutu!

Isaya 55:2

Omwo vikajo muviisila vimbongo a vyuma vije kuvyapwile vyakulya? Omwo vikajo muundanganena cuma cije kucasa kumikutisa? Tolilileni kuli yange nakulinga vije njendeka, co mukavwaelela na vyakulya vyavivwa manene.

Isaya 9:4

Omwo unapokola mandauluwa ya vaje vayandesele nakupakesa vanu vove, unafungulula muyati uje wayandesele nakulinga mwamuvi vanu vove ngwe muwafungulwile mashwalale va Mindyani laja.

Njelemiya 30:8

Shukulu Kalunga Muka-nzili yoshe alinakwendeka ngwendi, “Omo litangwa lije likaija, njikapokola mandauluwa ije ili ku mikoshi yavo, nakuvatula malyenge avo, co kuvakapu lalo vindungo va vaka-kwija.

Ezekiyele 30:18

Co lisusulungu likawila a Tafanehese omo njikamanesa nzili ya Ingito, nakumanesa nzili yayo ije vakele na kulyalesa nayo. Lishelwa likafwika Ingito, co vanu voshe va mu vinganda vyayo vakavatwala ku vunzinda.

VaLevi 7:35

Ou ukewo mutambela wa milambu ya vyakulya yakukombelela kuli Shukulu Kalunga, uje uvanene kuli Alone, na kuli vana vendi litangwa lije vavakundikile kupwa vaka-kukombelela.

Luka 4:18

“Munzinzime wa Shukulu Kalunga ali muli yange, omwo nanjangula kwambulula Vin̄anda Vyavivwa kuli tuutu. Nanjitumu kwambulula kupatuka kuli vinzinda, nakutonesa tupuputwa ngeci vamone, nakupatula vaje vavalinakuyandesa,

Yowano 1:41

Aje vene Anduleo wawanene ndolome yendi Simoni, co wamulekele ngwendi, “Tunawana Wakuvwavesa.” (Lijwi eli lilumbunuka ngwalyo “Kilistu.”)

Vilinga vya Miluwa 4:27

“Omwo mwa vushunga vene Helonde na Pontiyu Pilato valikungulwile amo mu nganda ino amo na ava kesi vaYunda na vanu va Isalele nakulwisa Yesu, Ngamba yove wakujela uje iwavwavesele.

1 Yowano 2:20

Oloni Kilistu netila laja Munzinzime Wakujela ali yeni, ngecivene, yeni voshe munazivuka vushunga.

1 Yowano 2:27

Oloni ngeci mweni, Kilistu netila Munzinzime wendi ali yeni. Ngwe omo Munzinzime wendi ali muli yeni, kumushaka munu kumilongesa. Omwo Munzinzime wendi alinakumilongesa vyuma vyoshe, co vije alinakulongesa vinapu vya vushunga, kesi vya makuli embwe. Ngecivene, ononokeni vilongesa vya Munzinzime, co kaleni muli Kilistu.