Isaya 10:21 - Livulu lya Shukulu Kalunga

²¹ Vanu va Isalele vavandondo likae vakeluka kuli Njambi yavo Muka-nzili yoshe.

Isaya 10:21 Iomraidhean Croise

Ezela 1:4

Nga vanu vendi vamo vaje vali mu vunzinda vashaka vukwasi ngeci veluke, co vandambo vavo vanapande kuvakwasa siliva, na ngolinde, na vivala, na vimuna vakwambata vivala, na vin̄ombelo vya kulitombola vya mu Njuvo ya Shukulu Kalunga Njambi ili mu Yelusalema.”

Isaya 19:22

Omo Shukulu Kalunga namanesa kunyanyamesa vaka-Ingito, co vakatengulukila kuli ikeye. Akaziva malombelo avo, nakuvakangwisa.

Isaya 37:31

Co vaje vakasala mu Yunda vakayoya mwamuvwa, ngwe vimena vije vitwala mizi yavyo manene mu livu, co viima vushuka.

Isaya 46:3

“Njitolilileni, yeni vatekulwila va Yakomba, yeni voshe mwasalao kuli vanu vange. Njinamilele tunde ku simbu ije mwasemukile.

Isaya 55:7

Vaka-vuvi vecele vilinga vyavo vya vuvi, co vatengulule viyongola vyavo. Vatengulukile kuli Shukulu Kalunga Njambi yetu, ikeye muka-mema ku mbunge na muka-kusambesa vwasi.

Isaya 59:20

Shukulu Kalunga alinakwendeka kuli vanu vendi ngwendi, “Njikaija ku Yelusalema, nakumimanena nakumyamena yeni voshe vaje vanatenguluka ku vuvi vweni.

Isaya 7:3

Shukulu Kalunga wendekele kuli Isaya ngwendi, “Ya na munove Sheyale Njashumbe, mukaliwane na mwene Ahaze. Mukamuwana ku tapalo kuje kuvakapangela vaka-kutonga vinanga, ku shongo ya kapila kaje kali ku lishali lya ku vulamatelo.

Isaya 9:13

Vanu va Isalele kuvatengulukile embwe, nameme Shukulu Kalunga Muka-nzili yoshe navahisa, oloni kuvatengulukilile kuli ikeye.

Isaya 9:6

Omwo kuli yetu kunasemuka mbututu! Vanatwana mwana wa munalume! Co akapwa muka-kutushwana. Vakamutumbula ngwavo, “Muka-kunangula Wakukomokesa.” “Njambi Muka-nzili yoshe” “Tate wa ku Myaka Yoshe.” “Mwene wa Kwoloka.”

Njelemiya 50:20

Omo simbu ije ikaija, vuvi navumo vwai vukakala mu Isalele, co kupenga-penga nakumo kwai kukakala mu Yunda, omwo njikasambesa vanu vaje vanjasezeo. Yange Kalunga, njinendekamo.”

Hoziya 14:1

Yeni vanu va mu Isalele, ilukeni kuli Shukulu Kalunga Njambi yeni. Vuvi vweni vunamitanukisa nakumiwisa.

Hoziya 6:1

Vanu vendeka ngwavo, “Ijeni twiluke kuli Shukulu Kalunga. Nameme natusanyozola vipuka-vipuka, oloni akatukangwisa lalo, nameme natutu vimbandu, oloni akatuzengao vinanga.

Hoziya 7:10

Kulyalesa kwa vanu va mu Isalele kulinakumwesa mulonga wavo. Nameme vyoshe vije vyasholokele, vakevo kuvelukile kuli yange Kalunga Njambi yavo.

Hoziya 7:16

Co vacili nakutwalao kutunda kuli yange nakuya kuli njambi uje wakujeneka nzili. Kuvasa kuvakulaela vanapu ngwe vuta vwa lusipa vwa kupenga-penga. Omwo vantwama vavo vendeka na kulyalesa, vakatsila mu nzita, co vaka-Ingito vakavajola.”

Vilinga vya Miluwa 26:20

Oloni akulivanga njambulwile mu Ndamasiku, co mu Yelusalema, asinoni na mu lifuti lyoshe lya Isalele na akati ka vaje kesi vaYunda, njambulwile ngeci vanapande kutenguluka ku vivi vyavo nakwiluka kuli Njambi nakulinga vyuma vije vimwesa ngeci vanatenguluka.