Isaya 10:20 - Livulu lya Shukulu Kalunga

²⁰ Simbu ilinakwija omo va Isalele vaje vanasalao kuyoya kuvakakulaela a muyati uje wavayandesele. Oloni mwa vushunga vakakulaela lika kuli Shukulu Kalunga, Njambi wakujela wa Isalele.

Isaya 10:20 Iomraidhean Croise

2 Vimyene 16:7

Ahaze watumine vanu kuli Tingelate Pilesele, mwene wa Asilya ngwendi, “Yange nji ngamba yove wakuliita kuli yove. Ija wakunjamene ku vimyene va Silya na Isalele, ava valinakunjilwisa.”

2 Vimyene 19:31

Mu Yelusalema mukakala vanu, co a Munkinda wa Siyone akakala vaje vanovoka, omwo Shukulu Kalunga nayongola vyuma evi ngeci visholoke.”

2 Mizimbu 14:11

Ngecivene, Asa walombelele kuli Shukulu Kalunga Njambi yendi ngwendi, “Yove Shukulu Kalunga, kukwesi weka asa kukwasa vaka-kuzeya omo valwa na vaka-nzili kuvanga yove lika. Tukwase ololo, Shukulu Kalunga Njambi yetu, omwo yetu twajendamena ali yove, co mu lizina lyove tunaija nakulwa na mashwalale ava vavangi manene. Shukulu Kalunga, yove unapu u Njambi yetu, naumo wai asa kukuhyana.”

2 Mizimbu 28:16

Mu mwaka uje vene, Mwene Ahaze watumine vanu kuli Tingelate Pilesele, mwene wa Asilya ngeci amukwase.

2 Mizimbu 28:20

Co mwene wa vaAsilya, kakwasele Ahave, oloni wamupopolwele nakumukovelesa mu vukalu.

Ezela 9:14

Cooni vatijo twombwanesa mashiko ove lalo nakulyambatela na vanu ava vaka-vivi? Nga tulingamo, co yove ukaluvala manene nakutunyongesa njwa, co naumo wai lalo akasalao.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 11:16

Co kukakala tapalo ya vanu vendi vaIsalele vaje vanasalao yakutunda ku Asilya, ngwe muje muyapwile tapalo ya vakukulwila vavo omo vatundile mu Ingito.

Isaya 37:4

Mwene wa vaAsilya natumu mwata wakama kushaula Njambi wakuyoya. Shukulu Kalunga Njambi yove azive kushaula oku nakuhisa vaje vanendekelemo. Ngecivene, lombela kuli Njambi ali vanu vetu vaje vacili nakuyoya.”

Isaya 46:3

“Njitolilileni, yeni vatekulwila va Yakomba, yeni voshe mwasalao kuli vanu vange. Njinamilele tunde ku simbu ije mwasemukile.

Isaya 50:10

Yeni voshe vaje musingimika Shukulu Kalunga, nakwononoka majwi a ngamba yendi, ngila mulinakwenda yasa kupwa ya lisusulungu, oloni kulaeleni nakujendamena, ali Shukulu Kalunga Njambi yeni.

Isaya 6:13

Nameme nga munu umo asalao akati ka vanu likumi mu lifuti, na ikeye lalo vakamunyongesa, akapwa ngwe cimbundi ca muti wa oke uje vanashinji.” (Cije cimbundi cinemanena vushangumukilo vwavuha vwa vanu va Njambi.)

Njelemiya 3:23

Kutwawanene vukwasi akulemesa vinjambi vetu vakujeneka seo akamwa ya malundu. Vukwasi vwa Isalele vwatunda lika kuli Shukulu Kalunga Njambi yetu.

Njelemiya 44:14

Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Hoziya 14:3

Vaka-Asilya kuvasa kutwamena, nameme tuvalu twa nzita kuvasa kutwamenena. Kutukendeka lalo ku tumponya twetu ngwetu, ‘Yeni munapu Njambi yetu’ embwe. Yove Shukulu Kalunga, ukazivila mema ku mbunge vaje kuvesi noku kweka vasa kuya.”

Hoziya 5:13

“Omo Isalele wamwene alinakuvinja, co omo Yunda wamwene vimbandu vyendi vavenya, asinoni Isalele waile ku Asilya nakukalomba mwene wakama mukumukwasa, oloni kasele kuvasaka nameme kukangwisa vimbandu vyavo.

Mika 5:3

Ngecivene, Shukulu Kalunga akana vanu vendi mu mavoko a vitozi vavo noo munakazi uje nakiti munendi wa munalume. Asinoni vavushoko vwendi vaje vasalele mu vunzinda vakeluka nakulipandakana na vaIsalele.

Zefaniya 3:13

Vanu va mu Isalele vaje vanasalao kuvakalingi lalo vuvi ku munu umo embwe, co kuvakendeka makuli, nambe kweseka kukwisa vakwavo. Co vakavezika nakukala mu kwoloka, co naumo wai akavazivisa lyova.”