Isaya 10:17 - Livulu lya Shukulu Kalunga

¹⁷ Njambi, ceke ca Isalele, akemuka tuhya. Njambi wakujela wa Isalele, akemuka mulangi wa tuhya, uje ukenyeka vyuma vyoshe a litangwa lyangongo, nameme mambimbo na mishwena.

Isaya 10:17 Iomraidhean Croise

Myaso 18:8

Co vwisi vwatuukile mu majulu endi, mulangi wakunyongesa, na manungu a tuhya vyatundile mu kanwa kendi.

Myaso 21:9

Omo akasholoka akavanyongesa ngwe mulukanyongesa lutengo lwa tuhya. Shukulu Kalunga akavanyongesa mu vukalu vwendi, co tuhya tukavanyongesa njwa.

Myaso 27:1

Shukulu Kalunga ikeye ceke cange na muyoyesi wange, kunjikazivi lyova. Shukulu Kalunga ikeye muka-kunjamena ku vushonde vwoshe, kunjikatewe embwe.

Myaso 50:3

Njambi yetu aija, oloni kaija noloka kuluu embwe, tuhya twakunyongesa tuli kulutwe lwendi, na lihunzi lyakama linamuzengeleka.

Myaso 84:11

Omwo Shukulu Kalunga Njambi wapwa litangwa na ntelo. Ikeye akana ngozi na kasingimiko, ikeye kesi kumina cuma cimo cacivwa, kuli vaje venda mu vushunga.

Myaso 97:3

Tuhya tulinakutunda ku litanda lyendi, nakwenyeka vitozi vendi vaje vanamuzengeleka.

Isaya 26:11

Vitozi vove kuvazivuka ngeci ukavahisa. Shukulu Kalunga, vazivise shwamwa, mwesa cizemo cove kuli yetu, co vombile mu tuhya tuje tuwavwaeselele vitozi vove.

Isaya 27:4

Kunjikaluvala lalo na citungu ca mikolovozi ya vushuka vwa vinyu. Oloni nga mambimbo na mishwena vikamenamo, co njikacenyeka coshe njwa.

Isaya 27:7

Shukulu Kalunga kahisile manene Isalele ngwe muje mwahisile vitozi vavo, nambe kuvatsiya manene ngwe muje mwatsiile vitozi vavo embwe.

Isaya 30:33

Simbu yalaja vavwaeselele cimweja mutambela wa tuhya twakama tuje vakenyeka natwo mwene wa Asilya. Mwela wa tuhya unapu wa kulova, nakujanjavala, valundikako mutumbo wa vitale waulaja. Shukulu Kalunga akashokwelao muku wa tuhya ngwe ndonga ya milangi kwenyeka uje mutumbo.

Isaya 31:1

Ngongo yavo vaje vaya ku Ingito mukuvakwasa! Vaje vanakulaela a tuvalu, na matemba amangi na mashwalale. Oloni kuvakulaelele kuli Shukulu Kalunga, Njambi wakujela wa Isalele, nambe kumulomba ngeci avakwase.

Isaya 31:9

Mwene yavo akatewa omwo lyova, na vamyata va nzita vakatewa ku nzita.” Shukulu Kalunga nendekamo, uje ivalemesela mu Yelusalema, uje tuhya twendi tukenyeka vin̄ombelo muje.

Isaya 33:12

Mukatsenozola ngwe mamanya venyeka mukulinga memba, ngwe mambimbo enya kupwa lito.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 37:23

Yove unayongola ngwove iyajo iwunashaula nakuyeluwisa? Yove wanjizivisa shwamwa yange, Njambi ya Isalele wakujela.

Isaya 37:36

Co a vutsiki vuje vene kangelo ka Shukulu Kalunga waile ku cilombo ca vaAsilya, watsiile mashwalale vakupwa 185,000. Co alikaki mutondo, vavawanene voshe vanatsi!

Isaya 47:14

“Vanu vaje vakulaela mu vingongonosi vanapu vangoco ngwe mwila, uje wenya mu milangi ya tuhya. Aje naumo wai asa kwikao vilya.

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Isaya 9:18

Vuvi vwa vanu vushukuma ngwe tuhya twenyeka mambimbo na mishwena. Vushukuma ngwe likuna lya mu shwata lije lilinakwezoka milangi ya tuhya.

Njelemiya 4:4

Nyungeni cikumiiyo ceni nange Kalunga keni, co likundikeni kuli yange, yeni vanu va mu Yunda neni vanu va mu Yelusalema. Nga kumulingimo, co vukalu vwange vukashukuma ngwe tuhya, omwo a vyuma vyavivi vije vimunalingi, mwa vushunga vene vukashukuma, naumo wai akavuzima.”

Njelemiya 7:20

Ngecivene, yange Kalunga wa Akamwa ya Vyoshe njiketila vukalu vwange vwakukomokesa a Yunda. Njikavwitila ali vanu, na a tusitu, na a miti, na a vimbuto. Vukalu vwange vukafwa ngwe tuhya tuje naumo wai asa kutuzima.

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Zefaniya 1:18

A litangwa lije omo Shukulu Kalunga aketila vukalu vwendi vwakama, nameme siliva yavo nambe ngolinde yavo kuvikasa kuvamena. Kaye koshe kakanyonga na tuhya twa vukalu vwendi. Co vwasi-vwasi akanyongesa vanu voshe vaje vakala ano asi.

Zakaliya 12:6

“A simbu ije vikota vya Yunda njikavapwisa ngwe tuhya twa mu shwata nambe ngwe tuhya twa mu lihya lya vimbuto vyakuhya, vakanyongesa miyati yoshe ya vanu vaje vanalyata navo. Co vanu va mu Yelusalema vakakala mu kwoloka mu nganda.

Kulava 16:35

Asinoni Shukulu Kalunga watumine tuhya, co twenyekele vaje vanalume 250 vaje vakombelelele insense.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Kwituluka mu Mashiko 4:24

Omwo Shukulu Kalunga Njambi yeni wapwa ngwe tuhya twakunyongesa, ikeye Njambi wa lifuwa, katava kulipandakana na vinjambi veka.

VaHevelu 12:29

omwo Njambi yetu mwa vushunga wapwa tuhya twakunyongesa.

Kujombolola 21:23

Muje mu nganda kumukakala lalo litangwa nambe ngonde, omwo vumpau vwa Njambi vukevwo vukatwilamo ceke, co Muna Manga ikeye ndeya yamwo.

Kujombolola 22:5

Kumukakala lalo vutsiki muje, co kumukakala lalo ndeya nambe litangwa, omwo Shukulu Kalunga Njambi akapwa ceke cavo, co vakashwana ngwe vimyene ku myaka na myaka.