Isaya 1:28 - Livulu lya Shukulu Kalunga

²⁸ Oloni vaka-kutengulukila na vaka-vuvi vakavanyongesa voshe, na vaje vavyana Shukulu Kalunga vakavanyongesa.

Isaya 1:28 Iomraidhean Croise

1 Mizimbu 28:9

Co kuli Solomoni wendekele ngwendi, “Munange, njikushika ngwange kavangeya Njambi ya isho, nakumupangela na mbunge yoshe, co likundike na cizango ca mana ove. Ikeye azivuka viyongola vyetu vyoshe na mashungu avyo. Nga umushakezeka, co ukamuwana, oloni nga umuseza, co akakujenjuka ku myaka yoshe.

2 Mizimbu 21:10

VaEndome na lelo lino valimanena kutunda ku Yunda. A simbu ije lalo vanu va mu Limbena navo lalo valimanenene, co valyangwilile mwene yavo, omwo Njeholame wasezele Shukulu Kalunga Njambi ya vakukulwila vendi.

2 Mizimbu 28:23

Wakombelelele vin̄ombelo ku vinjambi va vaSilya, vaje vamufungulwile. Wendekele ngwendi, “Vinjambi va vaSilya vakwasele vimyene vaSilya, ngecivene, nga njikombelela kuli vakevo, amo vakanjikwasa.” Oloni eci canenele vukalu vwakama ali ikeye na a lifuti lyendi.

2 Mizimbu 28:6

Peka muna Lemaliya, wafungulwile Ahaze, co watsiile mashwalale vakupwa 120,000 vakusimpa va vaYunda mu litangwa limo. Shukulu Kalunga, Njambi ya vakukulwila vavo watavele ngeci eci cilingiwe, omwo vanu va mu Yunda vamuvyanene.

Yombi 31:3

Kuma tuyando kutwesi kweta kuli vaka-vuvi? Na luvinda kuli vaka-kulinga vyavivi ndi?

Yombi 34:26

Ikeye akahisa vaka-vuvi mutanya mwelu, kuje voshe vasa kucimona,

Yombi 34:27

omwo vanalikela kumukava, nakuvyana lalo mashiko endi oshe.

Myaso 1:6

Mwa vushunga Shukulu Kalunga azivuka ngila ya vaka-vushunga, oloni ngila ya vaka-vuvi ikanyonga.

Myaso 104:35

Vaka-vuvi vavanyongese ano asi, na vaka-kujeneka kukulaela kesi vakaleko lalo embwe! Mbunge yange ishangazale Shukulu Kalunga! Shangazaleni Shukulu Kalunga.

Myaso 125:5

Oloni omo uhisa vaka-vuvi, hisa lalo na vaje vayoya yoyesi ya kupenga-penga. Kwoloka kukale na Isalele!

Myaso 37:38

oloni vaka-vuvi vakavanyongesa voshe njwa, na vatekulwila vavo vakavanyongesa.

Myaso 5:6

Yove Shukulu Kalunga unyongesa voshe vaka-makuli, nakuzinda vaka-kutsiya na vaka-kukwisa.

Myaso 73:27

Mwa vushunga vene vanu vaje vakuvyana vakanyonga, co ukanyongesa voshe vaje kuvakulaela kuli yove.

Myaso 9:5

Uhisa vaka-kujeneka kukulaela, nakunyongesa vaka-vuvi, zimangana mazina avo ku myaka yoshe.

Myaso 92:9

Yove Shukulu Kalunga, mwa vushunga vitozi vove vakavanyongesa, voshe vaka-kulinga vyavivi vakavasheka.

Visimo 29:1

Nga ukaluwisa mbunge yove visimbu vyoshe omo vakunangula, co litangwa limo vakakunyongesa kuukendukamo lalo.

Isaya 1:4

Ngongo yeni, yeni muyati wakuvulumuna, yeni vanu vakulemuwa na vuvi! Yeni naanga ya vaka-kulinga vuvi, vanu vaje vaka-kulinga vyangoco. Munaseza Shukulu Kalunga, Njambi wakujela wa Isalele, co munamukengesa nima.

Isaya 24:20

Kaye kakatalyangela ngwe muka-kupenda vwala, nakuninganga ngwe kanjuvo kaninganga na lihunzi lyakama. Kaye kanalemuwa na vuvi vwako, kakawa, co kukakenduka lalo.

Isaya 30:13

Ngecivene, mulonga weni unapu ngwe civumbe cacilaja cije cili na mwanzi wakutunda kwilu nakweta kwisi, co vwasi-vwasi ciwila asi.

Isaya 33:14

Vanu vaka-vuvi vaka-Siyone valinakulijajela na lyova. Vendeka ngwavo, “Kusompa kwa Njambi kunapu ngwe tuhya tuje kutwesi kuzima. Kuma ali yetu kuli umo akasalao a tuhya twakufwa ngacije ndi?”

Isaya 50:1

Shukulu Kalunga alinakwendeka ngwendi, “Kuma mwayongola ngweni njashekele vanyoko, nambe kuvalandesa mukufweta mulonga? Ilikulijo mikanda yakumukondwesa? Kuma mwayongola ngweni njamilandesele ngeci vakamifuke ngwe munalume uje alandesa vana vendi kuvapwisa vindungo ndi? Embwe, mwaile nakumifuka omwo a vuvi vweni, vamitumine kulyala omwo a milonga yeni.

Isaya 50:11

Yeni voshe vaje vali na vutumbe vwakunyongesa vakweni, matumbe eni akaminyongesa yeni vavenya. Shukulu Kalunga akamona ngeci vyuma evi vilingiwa, mukayanda tuyando twakama.

Isaya 58:2

Vakanjilemesa a litangwa na litangwa, vendeka ngwavo valinakushungwiya kuzivuka vingila vyange nakwononoka mashiko ange. Vendeka ngwavo vashaka njivane mashiko a vushunga, ngeci vavwaelele mukunjilemesa.”

Isaya 64:6

Yetu voshe tunapu vaka-vuvi, nameme vilinga vyetu vyavivwa vinapu vyakujwala simbu yoshe. Omwo vuvi vwetu, yetu tunapu ngwe maputa akujujwama, co apekumuka na lihunzi.

Isaya 65:11

“Oloni kukakala kulyangunuka neni mulinakunjivyana, yeni mulimbulula Siyone, lilundu lyange lyakujela, nakulemesa Ngande na Meni, vinjambi va sande na luvinda.

Isaya 66:17

Shukulu Kalunga alinakwendeka ngwendi, “Vaje vaka-kulijelesa vakevo vavenya nakuya mu mahya akujela nakulya situ ya vingulu, na vimuku na vyuma vyeka vya vunyengwe, vakavanyongesa.

Isaya 66:24

“Omo vatuuka, co vakamona mivila ya vaje vanjitengulukilile nakunjilwisa. Mainyo kuvakatsi embwe, co tuhya kutukazimi. Vanu voshe vakaziva shwamwa akumona vyuma evi.”

Njelemiya 17:13

Shukulu Kalunga, yove wapwa cinyangavili ca Isalele, voshe vaje vakuseza vakaziva shwamwa. Voshe vaje vakuseza vakaya ku vukalo vwa vatsi, omwo vanaseza yove Shukulu Kalunga lisima lya kavwelu-vwelu lya mema a mwonyo.

Njelemiya 44:12

Ngwe ali vanu va mu Yunda vaje vanasala, vaje vali na cizango cakuya nakukakala ku Ingito, voshe njikavanyongesa, vanike na vakulunu voshe, vakatsila mu Ingito, mu nzita, nambe ku njala ya lyangengela. Vakapwa vanu va vunyengwe, vanu va mafuti eka vakavashendumuna, co lizina lyavo likapwa cisingo.

Hoziya 14:9

Voshe vaje vaka-kunyanyama vazivuke vije vivanasoneka muno, nakuvinyunga mu mbunge. Vingila vya Shukulu Kalunga vyapwa vya vushunga, vaka-vushunga vayoya mu vikevyo, oloni vaka-vuvi vatanuka nakuwa omwo vavivyana.

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

2 Petulu 3:7

Oloni lilu na kaye evi viliko ololo vanavitulika a lishiko lya cifwa cimo lya Njambi, ngeci vakavinyongese na tuhya. Vikevyo vanavitulikila litangwa lije omo vanu vaka-vuvi vakavasompa nakuvanyongesa.

Kujombolola 21:8

Oloni vaka-lyova na vaka-kujeneka kukulaela na vaka-kulinga vya vunyengwe na vaka-kutsiya na vaka-vupangala na valozi na vaka-kulemesa tumponya na vaka-makuli mwela wavo ukapwa mu lishali lyakwenya na tuhya na sulufa, kukekwo kutsa kwamucivali.”

1 Samwele 12:25

Oloni nga yeni mutwalao kulinga vuvi, co yeni na mwene yeni mukanyonga.”