Isaya 1:25 - Livulu lya Shukulu Kalunga

²⁵ Njikakunyanyamesa nakukujelesa ngwe muvakavwaesa vutale, co njikatundisa vuvi vweni vwoshe.

Isaya 1:25 Iomraidhean Croise

Myaso 119:119

Ukombila kuti vaka-vuvi voshe ngwe vyuma vya mazilo, oloni yange njazema mashiko ove.

Isaya 1:22

Yelusalema simbu yalaja wafwile ngwe siliva oloni ololo unapu uwangoco, wapwile ngwe vinyu vyavivwa oloni ololo unapu u mema lika.

Isaya 27:9

Oloni vuvi vwa Isalele vakavusambesa lika omo mamanya a mitula ya vaka-kujeneka kukulaela vakaatwa ngwe memba, co kukukakala lalo mitula ya insense nambe vimweso vya Ashela njambi wa munakazi.

Isaya 4:4

A nzili yendi, Shukulu Kalunga akasompa nakujelesa lifuti nakukusha mulonga wa Yelusalema na maninga aje etikilile muje.

Njelemiya 6:29

Lutengo lulinakwenyoka manene, oloni vinyanga vya vutale kuvyesi nakunyongolokota. Cinapu cangoco kujelesa vanu vange, omwo vanu vaje vaka-vuvi kuvavatundisilemo.

Njelemiya 9:6

Shukulu Kalunga nendeka ngwendi, “Mulinakukala akati ka vaka-makuli, ngeci a makuli avo vananjivyana.”

Njelemiya 9:7

Omwo vyuma evi, Shukulu Kalunga Muka-nzili yoshe alinakwendeka ngwendi, “Njikajelesa vanu vange ngwe vutale, co njikaveseka. Vanu vange vanalingi vuvi, vikajo lalo vinjilinga navo?

Ezekiyele 20:38

Co njikatundisa vaje vaka-kutengulukila na vaka-vuvi akati keni. Njikavatundisa mu lifuti muje muvali nakukala ololo, oloni kunjikavatava lalo kwiluka ku lifuti lya vaIsalele embwe. Co mukazivuka ngeci yange njapwa Kalunga.”

Ezekiyele 22:19

Ngecivene, yange Kalunga wa Akamwa ya Vyoshe, njivaleka ngwange voshe vanapu ngwe vinyanya. Yange njikavakungulwila voshe mu Yelusalema,

Ezekiyele 22:20

mu ngila imo vene ngwe muvakavwaesa vinyanya vya siliva, na vunengu, na vutale, na shumbu, na citasu mu lutengo. Co vukalu vwange na litoto lyange, vikavasangununa, ngwe tuhya mutukasangununa vinyanya vya siliva.

Ezekiyele 22:22

Vakavasangunwina mu Yelusalema ngwe muvakasangununa siliva mu lutengo, cooni vakazivuka ngeci yange Kalunga njinavanyanyamesa na vukalu vwange.”

Zefaniya 3:11

A simbu ije, yeni vanu vange kumukazivi lalo shwamwa a kwononoka mashiko ange embwe. Co njikatundisa vanu voshe vaje vaka-kulyalesa nakulishasha, co kumukanjitengulukila lalo a lilundu lyange lyakujela embwe.

Malakiya 3:3

Akaija nakusompa ngwe n̄ulungu muka-kufula vikuvo nakujelesa siliva. Akajelesa vaLevi ngwe muka-kufula vikuvo mwakajelesa siliva na ngolinde, ngeci vakanene vin̄ombelo vya vushunga kuli Shukulu Kalunga.

Mateo 3:12

Shewa ili mu livoko lyendi, ikeye akapepa nakujelesa mwamuvwa vinona vyoshe ku lijungwilo lyendi, co tiliku akaitulikila mu cishete cendi, oloni lijungu lyoshe akalyenyeka na tuhya kutwesi kuzima.”

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.