Isaya 1:24 - Livulu lya Shukulu Kalunga

²⁴ Ngecivene, ololo tolilila kuli vije vyendeka Shukulu Kalunga Muka-nzili yoshe, Njambi ya Isalele muka-kushwana wa nzili ngwendi, “Njikalinga shambandinga ali yeni vitozi vange, co kumukanjinenela lalo tuyando.

Isaya 1:24 Iomraidhean Croise

Kushangumuka 49:24

Oloni vuta vwendi vwa lusipa vukapwa vwakukola ngo, mavoko endi akapwa a nzili, omwo a nzili ya Njambi Muka-nzili yoshe, ikeye Njambi ya Yakomba, nomwo a nzili ya Kanyungi, ikeye Cimpaka ca Isalele.

Myaso 132:2

Shukulu Kalunga anuka vije vyakulaesele Ndaviti, cisingo cije calisingile nove, Njambi ya Yakomba Muka-nzili yoshe omwo ikeye Ndaviti wendekele ngwendi,

Isaya 12:6

Munu woshe wakala mu Siyone atambeke nakwimba! Njambi ya Isalele wakujela napu wakama, ikeye wakala akati ka vanu vendi.”

Isaya 30:29

Oloni yeni, vanu va Njambi, mukavwaelela nakwimba ngwe mumukalingi ku vutsiki vwa ciwano cakujela. Mukavwaelela ngwe vaje vaya na vimbendo mu ngila yavo yakuya ku Njuvo ya Shukulu Kalunga, muka-kwamena wa Isalele.

Isaya 35:4

Endekeni kuli vaje vanalijujukila ngweni, “Koleseni kesi muzive lyova! Njambi yeni alinakwija. Aija nakulinga shambandinga vitozi veni.”

Isaya 49:26

Vaje vakakuyandesa vakalitsiya umo na mukwavo, vakapenda nakunwa maninga avo vavenya. Asinoni munu woshe akazivuka ngeci yange njapwa Kalunga, Njambi wa nzili wa Isalele, uje muka-kumyamena nakumipatula.”

Isaya 59:18

Akahisa vitozi ngwe a vije vivalingile ku vanu vendi, nameme vene vitozi vaje vali ku mafuti a kulyala.

Isaya 60:16

Miyati ya vanu voshe na vimyene vakakunyunga ngwe cisemi alela munendi. Co ukazivuka ngeci yange, Kalunga Muka-nzili yoshe Njambi wa Isalele, njinakwamena nakukupatula.

Isaya 61:2

Nanjitumu mukwambulula ngeci simbu inete omo Shukulu Kalunga akaamena vanu vendi, nakufungulula vitozi vavo. Nanjitumu mukuzembeleka voshe vaje valinakulila,

Isaya 63:4

Njalingile ngeci omwo simbu yakwamena vanu vange inete, yapwile simbu yakulinga shambandinga vitozi vavo.

Njelemiya 50:34

Oloni uje akavapatula ali na nzili, lizina lyendi ikeye Shukulu Kalunga Muka-nzili yoshe. Ikeye akasompa vyavo, akanena kwoloka ano asi, oloni tuyando kuli vanu va Mbambilone.”

Njelemiya 9:9

Kuma kunjikavanyanyamesa a vyuma evi ndi? Kuma kunjikalingi shambandinga a muyati wa cifwa cangeci ndi? Yange Kalunga, njinendekamo.”

Ezekiyele 16:42

Asinoni vukalu vwange vukahwa, njikoloka kuluu. Kunjikaluvala lalo nambe kulinga lifuwa.

Ezekiyele 21:17

Nange lalo njikakanda vimbanda na mavoko ange, co vukalu vwange vukahwa. Munjinendeka yange Kalunga.”

Ezekiyele 5:12

Co vanu vove vamucitatu vakatsa ku mushongo nakulanduka ku njala ya lyangengela mu nganda, vamucitatu vakavatapa na mikwale anja ya nganda, co vamucitatu va mamaneselelo njikavashandwela mu lihunzi nakuvakava na mukwale wange.

Ezekiyele 5:13

“Mukaziva vukalu vwange nakuluvala kwange, noo njikalikela. Omo vyoshe evi vikalingiwa, co mukatava ngweni yange Kalunga, njinendeka kuli yeni, omwo yange njaluvala akujeneka kulongwa kweni.

Mika 5:15

Co mu vukalu vwange vwakama njikalinga shambandinga miyati yoshe ya vanu vaje kuvanjononokele.”

Kwituluka mu Mashiko 28:63

Ngwe mwavwaelelele Shukulu Kalunga akumivezikisa nakumitumisa, co a ngila eyi vene akavwaelela akumiyandesa nakuminyongesa. Co vakamitundisa mu lifuti lije mulinakukovela nakulishwana.

Kwituluka mu Mashiko 32:43

“Yeni miyati munapande kushangazala vanu va Shukulu Kalunga. Ikeye akahisa voshe vaje vakatsiya vanu vendi, omwo ikeye akalinga shambandinga ali vitozi vendi, nakwamena vuvi vwa vanu vendi.”

VaHevelu 10:13

Kuje ikeye navandamena noo Njambi akaka vitozi vendi kupwa vilyatelo vya myanja yendi.

Kujombolola 18:8

Omwo cuma eci, cihiso cendi cikaija litangwa limo, kutsa na vusiwa na njala. Co vakamwenyeka na tuhya, omwo Shukulu Kalunga Njambi, uje akamusompa, wapwa muka-nzili.”