Isaya 1:23 - Livulu lya Shukulu Kalunga

²³ Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Isaya 1:23 Iomraidhean Croise

2 Mizimbu 36:14

Co lalo vantwama va mu Yunda, na vaka-kukombelela, amolika na vanu, vakavangeyeye vilinga vyavivi vya miyati ije yavazengelekele nakulemesa tumponya, mu ngila eyi vajwalesele Njuvo ya Shukulu Kalunga, ije yajelesele vavenya Shukulu Kalunga.

Kutuuka 23:8

Kesi mutave lizika-kanwa, omwo lizika-kanwa lilingisa vanu vupuputwa ku vije vya vushunga, co liviisa vin̄anda vya vaje kuvesi na mulonga.

Visimo 17:23

Maako vavavi vakatambula mazika-kanwa mu vuse-vuse, ngeci vaengese n̄anda.

Visimo 29:24

Uje apwa musamba wa mwizi napu citozi cendi vavenya. Vakamunyanyamesa nga endeka vushunga mu mbanja, co Njambi akamusinga nga kalingimo.

Isaya 1:17

lilongeseni kuyoya mwamuvwa. Moneni ngeci vushunga vulinakulingiwa, kwaseni vaje valinakuyanda, aneni visiwa vije vyavapande, co nyungeni vifwile.”

Isaya 1:18

Shukulu Kalunga alinakwendeka ngwendi, “Ijeni tulizivasane. Nambe vuvi vweni vuvenga ngengu, oloni vukatoka too ngwe mema akukonda. Nambe vuvi vweni vuvenga ngengu, oloni vukatoka too ngwe memba.

Isaya 1:22

Yelusalema simbu yalaja wafwile ngwe siliva oloni ololo unapu uwangoco, wapwile ngwe vinyu vyavivwa oloni ololo unapu u mema lika.

Isaya 28:14

Ngecivene, tolilileni lijwi lya Shukulu Kalunga yeni vaka-kulyalesa mulinakushwana mu Yelusalema.

Isaya 3:14

Shukulu Kalunga akasompesa vakulunu na vantwama va vanu vendi. Avasompesa ngwendi, “Munapukula mikolovozi ya vushuka vwa vinyu, co mu vinjuvo vyeni munashulu na vyuma vimunambata ku tuutu.

Isaya 30:1

Shukulu Kalunga nendeka ngwendi, “Ngongo yavo vaje valinakushwana mu Yunda, omwo vananjitengulukila nakunjilwisa. Valinakukava matumbe aje kunjalingile, valinga lizivasano kesi lya ku cizango cange, co valinakutwalao kulinga vuvi.

Isaya 33:15

Mukasalao nga mwendeka nakulinga vije vya vushunga. Kesi mupangese nzili yeni na kunyanyamena tuutu, co kesi mutambule lizika-kanwa. Kesi mulipandakane na vaje vatumba matumbe akutsiya nambe kulinga vyuma vya vuvi.

Isaya 5:23

Oloni a lizika-kanwa ni, mukasambesa vaka-milonga, oloni vaje kuvesi na milonga kumwesi kuvasompa mwa vushunga.

Isaya 65:2

Simbu yoshe njilinakushaka kutambula vanu vange, vaje vanakaluwisa manene vimbunge nakulinga vyavivi, nakuya mu vingila vyavo.

Njelemiya 22:17

Oloni viyongola vyove vinapu vya muuka lika, utsiya vanu vakujeneka mulonga, nakuyandesa vanu vove na muuka. Mwanendeka Shukulu Kalunga.

Njelemiya 32:32

omwo a vuvi vwoshe vuje vuvanalingi vanu va mu Yunda na vanu va mu Yelusalema, amolika na vimyene vavo, na vantwama, na vaka-kukombelela vavo, na vaka-kwimanena.

Njelemiya 4:17

co vakazengeleka Yelusalema ngwe vanu vanyunga lihya, omwo vanu vamwo vanatengulukila Shukulu Kalunga nakumulwisa. Shukulu Kalunga nendekamo.

Njelemiya 5:5

Njikaya kuli vaka-kushwana nakukendeka navo. Mwa vushunga vazivuka vije vyashaka Shukulu Kalunga Njambi yavo ngeci vavilinge.”

Njelemiya 5:6

Vanu vanatengulukila Njambi visimbu vyavingi, omwo vuvi vwavo vwavungi manene. Ngecivene, vitozi vakavalwisa ngwe vindumba nambe ngwe tungunga va mu mambo, vaje vitozi vakavandamena mu vinganda vya Yunda ngwe viingwe nakusanyozola sanyu-sanyu munu woshe akatuuka anja.

Ezekiyele 12:2

“Muna munu, yove uli akati ka vanu vaka-kutengulukila. Vali na mesho, oloni nacimo cai vamona, vali na matwi, oloni nacimo cai vaziva, omwo vapwa vanu vaka-kutengulukila.

Ezekiyele 22:27

Vamyata va vaka-kushwana vanalifu na tungunga vaje vakasanyozola tusitu vaje vavanatsii. Vakevo vakatsii ngeci vawane vufuko.

Hoziya 4:18

Omo vananu vinyu vyavingi, co vavwaelela mukulinga vukwizi, vazema vyuma vya shwamwa kutuvakana kasingimiko.

Hoziya 5:10

Shukulu Kalunga alinakwendeka ngwendi “Yange njinaluvala omwo vantwama va mu Yunda vanakovelela Isalele nakwiva lifuti lyendi. Ngecivene, njikamwanyena cihiso ali vakevo ngwe livazi.

Hoziya 9:15

Shukulu Kalunga alinakwendeka ngwendi, “Vilinga vyavo vya vuvi vyoshe vyashangumukilile mu Ngilingale. Kuje vene kukekwo njashangumukilile kuvazinda. Omwo a vuvi vuje vuvanalingi, co njikavasheka mu lifuti lyange. Kunjikavazeme lalo nalumo lwai, vantwama vavo voshe vananjitengulukila.

Amose 5:12

Njazivuka kutuma kwa milonga yeni na vuvi vweni vuje munalingi. Yeni mulinakupesa vanu va kulongwa, nakutambula lizika-kanwa, co muvindika tuutu ngeci kesi vawane vushunga mu vimbanja.

Mika 3:11

Vaka-kushwana nganda vashika na mazika-kanwa, vaka-kukombelela vanungulula Mashiko na fweto, co vaka-kwimanena vambulula vya vuka-kwimanena na vimbongo. Oloni vanajendamena ali Shukulu Kalunga omo vendeka ngwavo, “Shukulu Kalunga ali netu. Nacimo cuma cacivi cai ciija kuli yetu.”

Mika 3:9

Njitolilileni, yeni vaka-kushwana va Isalele, yeni vaje vazinda vushunga nakutengulukila ku vuvi.

Mika 6:12

Vaka-kufuka veni va mu nganda valinakukwisa tuutu, co muvavoshe munapu vaka-makuli.

Mika 7:3

Voshe vazivuka manene kulinga vuvi. Vantwama vashaka vwana, co vaka-kusompa vatambula mazika-kanwa. Muka-kutsimana avaleka vije vyashaka, ngecivene, voshe vatumba matumbe amavi.

Zakaliya 7:10

Kesi muyandese vifwile, nambe visiwa, nambe vaka-kwija vaje vali akati keni, nambe munu woshe uje najeneka. Co kesi mweseke kutumba matumbe akuvulumuna vakweni embwe!’

Malakiya 3:5

Shukulu Kalunga Muka-nzili yoshe nendeka ngwendi, “Njikasholoka akati keni nakumisompesa, co vwasi-vwasi njikapwa mukaleo ali vaka-maesi na ali vaka- vupangala, na ali vakaleo va makuli voshe, na ali vaje vaka-kunyanyamena vaka-kuvapangela vifweto vyavo, na a vifwile, na ali visiwa, na ali vaka-kwija, na ali vaje voshe kuvesi nakunjisingimika.

Kulava 22:7

Ngecivene, vantwama va vaMowavi na vaMindyani vatwalele mushendo wakutaesa kuli Mbalame, co vamulekele majwi atundile kuli Mwene Mbalake.

Mateo 21:13

co wendekele kuli vakevo ngwendi, “Vanasoneka mu Visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela.’ Oloni yeni munaipwisa mwela mwakuvanda vezi!”

Mako 11:17

Co walongesele vanu ngwendi, “Kuma kuvasonekele mu visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela vanu va miyati yoshe.’ Oloni yeni munaipwisa mwela mwakuvanda vezi!”

Luka 19:46

wendekele kuli vakevo ngwendi, “Vanasoneka mu Visoneka ngwavo Njambi wendekele ngwendi, ‘Njuvo yange vakaitumbula Njuvo yakulombelela.’ Oloni yeni munaipwisa mwela mwakuvanda vezi!”

Luka 24:27

Co Yesu washangumukile kuvanungulwila mu Visoneka vyoshe vyuma vije vendekele vyakutumbula ikeye, kushangumuka na mavulu a Mosesa nakutwala ku visoneka vya vaka-kwimanena voshe.

Kwituluka mu Mashiko 16:19

Vakevo vanapande kusompa mu vushunga, kesi vamwese kahangu mukusompa kwavo. Co kuvapandele kutambula lizika-kanwa, omwo lizika-kanwa lizivalesa mesho a vaka-mana nakwingika majwi a vaka-vushunga.

Yakomba 1:27

Kulemesa kwakuvwa kuje kwanayongola Njambi Tate kukekwo oku, kulela visiwa na vifwile mu tuyando twavo nakulinyunga ikeye vavenya kutunda ku vyuma vya mazilo vya mu kaye.

1 Samwele 8:3

Oloni kuvendele mu vingila vya ishavo, vakele nakuvwaelela lika na vimbongo, ngecivene, vakele nakutambula vimbongo vya lizika-kanwa, kuvakele nakusompa vin̄anda mu vushunga.