Isaya 1:22 - Livulu lya Shukulu Kalunga

²² Yelusalema simbu yalaja wafwile ngwe siliva oloni ololo unapu uwangoco, wapwile ngwe vinyu vyavivwa oloni ololo unapu u mema lika.

Isaya 1:22 Iomraidhean Croise

Myaso 119:119

Ukombila kuti vaka-vuvi voshe ngwe vyuma vya mazilo, oloni yange njazema mashiko ove.

Isaya 1:21

Nganda ije yapwile ya kulongwa ololo inalifu ngwe cikwizi! A simbu yalaja, mu nganda omu mwakele vanu vaka-vushunga, oloni ololo munasala lika vanu vaka-kutsiya.

Isaya 1:23

Vantwama vove vananjiyengula, co vanalikwata vusamba na vanu va muuka, simbu yoshe valinakutambula wana vwavungi na mazika-kanwa. Kuvesi kwamena visiwa mu vimbanja nambe kutolilila omo vifwile vambulula milonga yavo.

Hoziya 4:18

Omo vananu vinyu vyavingi, co vavwaelela mukulinga vukwizi, vazema vyuma vya shwamwa kutuvakana kasingimiko.

Hoziya 6:4

Oloni Shukulu Kalunga alinakwendeka ngwendi, “Isalele na Yunda, cuma mukajo njikalinga kuli yeni? Cizemo ceni kuli yange cilinakuhwa vwasi-vwasi ngwe mbundu ku mutondo, cinapu ngwe lime lije likatotomoka ku mutondo-tondo.

2 Kolinte 2:17

Omwo kutwafwile ngwe vavangi vaje vatanganesa lijwi lya Njambi, ngwe kulandulula vyuma vyakujeneka seo, oloni omwo Njambi natutumu, twendeka na kalemeso ku mesho endi, ngwe vangamba va Kilistu.